«Рома» эртага, чоршанба куни УЕФА Конференциялар лигаси финалида иштирок этади. Жамоа устози Моуриньо ўз фаолиятида бешинчи совринни қўлга киритиш учун ҳаракат қилади. У яна Европа саҳнига қайтди. Жозе аллақачон УЕФА кубогини (2003) ва Европа лигасини (2017) ўзиники қила олган. Энди эса собиқ «МЮ» ҳамда «Тоттенхэм» устозида яна бир титул қўлга киритиш имкони мавжуд. Аммо бу сафар «Рома» билан, нидерланд клуби «Фейеноорд»га қарши кураш олиб боради.
«Рома» ўз тарихида 1984 йилда Европа кубогида финалчига айланган. Шунингдек, 1991 йилда ҳам «Интер»га финални бой беради.
«Фейеноорд» Еврокубокларда бой тарихга эга. Клуб 1970 йилда Еврокубокда зафар қучган. Қолаверса, 1974 йилги УЕФА кубогига ҳам эга чиққан. Улар бўлажак финалда ютиш орқали айни дамдаги УЕФА таснифидаги кубокларни барчасини ютган тарихдаги илк жамоага айланиши мумкин. Қуйида ушбу қарама-қаршилик ҳақида қисқача танишишингиз мумкин бўлади.
Қачон ўтказилади?: чоршанба куни, 25 май, 21:00да (маҳаллий вақт билан);
Қаерда ўтказилади?: «Arena Kombetare», Тирана, Албания;
Қайси телеканалда намойиш этилади: «Sport TV».
Бош ҳакам ким?
Ушбу финални 2010 йилдан бери расмий турнирларда ишлаб келаётган Иштван Ковач бошқариб боради. 37 ёшли венгриялик ҳакам бу мавсум давомида УЕФА таснифидаги ӯйинларнинг жами 10 тасида ишлаган. У «Манчестер Сити» ҳамда «Реал» ўртасидаги ярим финал баҳсининг биринчи даврасини бошқариб борганди.
Жамоалар аҳволи
Моуриньо ўз жамоасини А серияда «Торино» устидан 3-0 ҳисобида қозонилган ғалабадан кейин, финалга бошлаб келмоқда. Ундан олдинги турларда «Рома» «Венеция» билан 1-1, «Фиорентина»га 2-0 ҳисобида мағлуб бўлганди.
«Фейеноорд» Эрдивизияни ўз уйида «Твенте» жамоасига қарши 2-1 ҳисобидаги мағлубият билан тугатди. Аммо улар Европа саҳнида тенгсизлик кўрсатиб келмоқда. Жумладан, роттердамликлар ЕКЛ доирасидаги 12 та баҳснинг ҳеч бирида мағлуб бўлмади (8 та ғалаба, 4 та дуранг). Жамоа 12 та ўйиндан 10 тасида 2 тадан кўп гол ура олган.
«Рома»да эса бу борада вазият сал бошқачароқ. Римликлар 12 та баҳснинг 2 тасида мағлуб бўлган ҳолда тарк этган (7 та ғалаба, 3 та дуранг). Ҳар икки мағлубият Норвегиянинг «Будё/Глимт» клубига учралганди.
Ўзаро ўйинлар
Бу финал икки томон учун Европа саҳнида учинчи тўқнашув бўлади. Улар сўнгги бор бир-бирига қарши 2014-2015 йилда Европа лигасининг нимчорак босқичида тўқнаш келганди. Ўшанда Рим жамоаси умумий ҳисобда 2-1 билан кейинги босқичга йўл олади...
Йўқотишлар
Моуриньо финалда фақатгина Мхитаряндан фойдалана олмайди, холос. Чунки унда мускуллар билан боғлиқ муаммо бор. Шунингдек, Смоллинг ҳамда Заньолода кичик жароҳатлар мавжуд.
«Фейеноорд»нинг ҳам бу борадаги ишлар яхши эмас. Жумаладан, Жастин Бейлоу, Тиррелл Маласия, Реисс Нелсон ҳамда Гернот Траунерлар даволанишмоқда. Шу сабаб, финалда иштирок эта олмаслиги мумкин.
«Рома» учун тахминий таркиб:
Руи Патрисиу;
Манчини, Смоллинг, Ибаньес;
Карсдорп, Кристанте, Сержиу Оливейра, Пеллегрини, Залевский;
Заньоло, Абрахам.
«Фейеноорд» учун тахминий таркиб:
Марциано;
Гертрюйда, Траунер, Сенеси, Маласия;
Тил, Эурснес, Оркун Кокчу;
Нелсон, Дессерс, Синистерра.
Европа Конференциялар лигаси финалини 25 майдан 26 майга ўтар кечаси, Тошкент вақти билан соат 00:00дан бошлаб, "Sport TV" (МТРК телеканаллари) орқали жонли эфирда томоша қилиш имконига эга бўласиз.
Жалолиддин ИСМАТОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Локомотив
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
