Усмон Дембеле якунийга қарорга келган кўринади
«Барселона» вингери Усмон Дембеле «ПСЖ»га ўтади.
АS нашрининг хабарига кўра, 25 ёшли футболчи каталонияликларнинг янги шартнома борасидаги таклифини рад этган. Француз жамоада қолмаслиги ҳақида аллақачон мураббийларини огоҳлантирган. Футболчи учун «ПСЖ» идеал вариант бўлиб турибди.
Дембеле яшаган Барселонадаги уй ижарага бериш учун таклиф қилинмоқда. Дембеле «Челси»нинг таклифини рад этгани ҳақида хабар қилинганди.
Аввалроқ «ПСЖ» ҳужумчиси Килиан Мбаппе парижликлар сафида Дембеле ва «Монако» ярим ҳимоячиси Орельен Тчуаменини кўришни истаётгани ҳақида хабарлар янграганди.
Усмон жорий мавсум Ла Лигада 13 та голли узатмани амалга ошириб, чемпионатнинг энг яхши ассистенти мақомини қўлга киритди.
Манба: daryo.uz
Киритилди: 19:21, 26.05.2022. Ўқилди: 5994 марта. Фикрлар: 12 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).