Эсингизда бўлса 2018 йил айнан 26 май куни Европа Чемпионлар лигаси финали бўлиб ўтганди. Унда «Реал» ҳамда «Ливерпуль» жамоалари тўқнаш келган. Якун эса мадридликларнинг 3-1 ҳисобидаги йирик ғалабаси билан тугаган. Қуйида бундан 4 йил илгари финалда иштирок этган (бошланғич таркибда майдонга тушган) футболчиларнинг айни дамдаги манзиллари ҳақида сўз юритилади.
1. «Реал» (4-3-3)
Кейлор Навас (дарвозабон) – «Реал»да мухлислар ёқимтойи бўлган футболчи. У тез орада Куртуа томонидан алмаштирилган ва «ПСЖ»га йўл олган. Айни дамда эса Парижда Донаррумма соясида қолмоқда.
Дани Карвахал (чап қанот) – 30 ёшли футболчи ўз тенгқурлари ичида энг яхшилардан бири. Айни дамда ҳам у «Реал» билан бирга.
Варан (марказий) – амалдаги жаҳон чемпиони 10 йиллик хизматидан кейин жамоани тарк этди. У 2021 йилда «МЮ»га йўл олганди.
Серхио Рамос (марказий) – «Реал» тарихидаги энг яхши ҳимоячи. У Испанияда ҳамма совринларга эга чиққан. Рамос ўтган ёздан бери «ПСЖ» билан бирга.
Марсело (чап қанот) – ҳозирга қадар клуб билан бирга. Аммо Марсело ёзда кетишини маълум қилган. Кейинги манзил эса аниқ эмас.
Модрич (ярим ҳимоячи) – ўз ўрнида дунёнинг энг яхшиси. 36 ёшли хорват «Реал»да қолмоқчи ва шу ерда ҳаммасига якун ясайди.
Каземиро (ярим ҳимоячи) – ҳали ҳам катта ҳажмга эга. У «Реал»нинг муҳим вакили бўлиб қолмоқда.
Кроос (ярим ҳимоя) – у ҳам шериклари каби: муҳим ва муқим...
Иско (ўнг қанот) – унинг даври ўтиб бормоқда. Бир пайтлар оламга сиғмаган футболчи, бугун «Реал»дан кетмоқда.
Бензема (ҳужумчи) – ҳозирда дунёнинг энг яхши футболчиси ва ҳужумчиси. Бугун бутун жамоа унга ишониб турибди.
Роналду (чап қанот) – кимлигини яхши биласиз. У ўша финалдан кейин жамоани тарк этади. «Ювентус»дан кейин, Роналдунинг манзили яна Англия томонларга тушди.
2. «Ливерпуль» (4-3-3)
Лорис Кариус (дарвозабон) – 2018 йилги финалнинг антиқаҳрамони. Шундан кейин у «Бешиктош» ҳамда «Берлин» клубларида ҳаракат қилди.
Александер-Арнольд (ўнг қанот) – энг ёш ва иқтидорли футболчи. Ҳархолда, 2018 йилда Трент шундай эди. Айни дамда 23 ёш бўлган футболчи даражасини сақлаб келмоқда.
Ловрен (марказий) – у 6 йил мерсисайдликларга хизмат қилди. Кейин эса «Зенит»га сотиб юборилган эди.
Ван Дейк (марказий) – дунёнинг энг яхши марказий ҳимоячиларидан бири. У «Ливерпуль»да ҳали ҳам етакчи саналади.
Робертсон (чап қанот) – у ҳам ҳали-ҳамон шу жамоада қолмоқда. Роббо Клоппнинг энг барқарор ва ишонган футболчиларидан биридир.
Хендерсон (ярим ҳимоячи) – жамоанинг ҳақиқий сардори. У яқин йилларда ЕЧЛ, АПЛ, АФЛ ҳамда Англия кубогини қўлга киритди.
Вийналдум (ярим ҳимоячи) – у 2021 йилда кетди. Ўтган ёзда «ПСЖ»га йўл олган қаҳрамонимиз, бу ёзда яна кўчиш ниятида.
Жеймс Милнер (ярим ҳимоячи) – 36 ёшли фахрий футболчи. У ҳам «Ливерпуль»да қолмоқда. Аммо кам фойдаланилади. Кези келганда жамоага ёрдам бериб туради, холос.
Муҳаммад Салоҳ (ўнг қанот) – 2018 йилги финалнинг энг бахти қаро вакили. Чунки Салоҳ ўйин бошланганидан кейин бир неча дақиқа ўтгач, жароҳат олган. У келаётган баҳсда барчаси учун «қасос» олмоқчи.
Фирмино (ҳужумчи) – энди севимли бўлмай қолган футболчи. Чунки бразилиялик ортиқ асосий таркиб вакил эмас. Шу сабаб захирада ўз имконини пойлашга мажбур бўлмоқда.
Садио Мане (чап қанот) – сенегаллик қаҳрамон. У ҳам «Ливерпуль» учун кўп ёрдам бериб келмоқда. Аммо Маненинг битими якунига етишга яқин турибди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бунёдкор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
