Германия чемпионатида бу мавсумни кимлар қандай ўтказишди: барча омадлилар, янги келганлар, тўпурарлар ва йилнинг бошқа топ футболчилари ҳақида сўз юритамиз. "Бавария" кетма-кет 10 марта Бундеслигада ғолиб чиқди, аммо ўтган мавсум қаҳрамонлари нафақат унинг футболчилари бўлишди.
Энг яхши тўпурар: Роберт Левандовски (“Бавария”) – 35 гол
Барқарорлик мукаммаллик белгисидир. Левандовски кетма-кет бешинчи ва фаолиятида еттинчи марта Германия чемпионатида мавсумнинг асосий тўпурарига айланди.
Энг яқин рақиблар Робертнинг натижаларига яқинлаша олишмади. “Байер” ҳужумчиси Патрик Шик ҳисобида 24 та, Эрлинг Холандда эса 22 та гол бор.
“Гол+пас” тизимидаги энг яхши: Роберт Левандовски (“Бавария”) – 38 очко (35+3)
Гол уришдаги ютуқлари туфайли Роберт Левандовски мавсум давомида камдан-кам ҳолларда шерикларга ассист берган бўлса ҳам, “гол+пас” тизимида энг яхшисига айланди: атиги уч марта голли узатма. Леванинг узатмаларидан Серж Гнабри, Леон Горецка ва Жамол Мусиала гол уришди.
Кристофер Нкунку (“РБ Лейпциг”) ўзини янада серқирра кўрсатди, у 33 очко тўплади, 20 гол урди ва қўшимча равишда 13 голли узатмани амалга оширди.
Энг яхши ассистент: Томас Мюллер (“Бавария”) – 18 голли узатма
“Бавария” вакили ҳам мавсумнинг энг яхши ассистентига айлангани ажаб эмас. Мюллер мавсумнинг биринчи қисмини кучли ўтказди ва январь ойи ўрталарига келиб, 16 та голли узатмани амалга оширди.
Иккинчи ўринда “РБ Лейпциг” футболчиси Кристофер Нкунку (13), “Боруссия Дортмунд” футболчиси Марко Ройс ва “Байер” ҳужумчиси Мусса Диаби 12 тадан голли узатмага эга.
Энг кўп ғалаба голлари муаллифи: Тайво Авоний (“Унион Берлин”) - 7 гол
Левандовски мавсумдаги ғалабали голлари сони бўйича атиги иккинчи ўринда (олтита гол), аммо бу кўрсаткич бўйича "Унион"дан Тайво Авоний пешқадамга айланди. Эрлинг Холанд (“Боруссия Дортмунд”), Энтони Модест (“Кёльн”) ва Лукас Нмеча (“Вольфсбург”) ҳар бири бештадан ғалаба тўпини киритишди.
Энг муҳим тўпурар: Энтони Модест (“Кёльн”) – жамоа голларининг 38,5 фоизи
Энтони Модестсиз “Кёльн” нима қилади? Агар унинг голлари бўлмаганида клуб турнир жадвалида бунчалик юқори (7-ўрин) бўлиши даргумон эди: жамоанинг чемпионатдаги 52 та голидан 20 таси айнан шу франциялик футболчи ҳисобига ёзилди.
Роберт Левандовски бу ерда ҳам иккинчи ўринда - "Бавария"нинг жорий мавсумдаги голларининг 36,1% унинг ҳисобида. Жамоага шундай таъсир кўрсатадиган ҳужумчи жамоани тарк этса, унинг ўрнини тўлдириш қийин бўлади.
Энг яхши дарвозабон: Мануэль Нойер (“Бавария”) ва Коэн Кастельс (“Вольфсбург”) – 28 та ўйинда 10 тасида дарвозасидан гол ўтказмаган (35,7%)
Энг яхши дарвозабон унвонини учун Мануэль Нойер ва Коэн Кастельс бир хил статистикага эга: иккала дарвозабон ҳам 28та ўйинда майдонга тушиб, улардан 10тасида нолга ўйнаган.
"Темир одамлар": Гюнтер (“Фрайбург”), Гикевич (“Унион”) ва Арнольд (“Вольфсбург”) барча 34 турда майдонга тушган
"Фрайбург"нинг чап қанот ҳимоячиси Кристиан Гюнтер ва "Унион" дарвозабони Рафал Гикевич бутун мавсумни тўлиқ ўтказди (3060 дақиқа). Яна бир футболчи – “Вольфсбург” ярим ҳимоячиси Максимилиан Арнольд барча 34 турда майдонга тушди.
Энг ёш футболчи: Пол Уаннер (“Бавария”) – майдонга 16 ёшу 15 кунлигида тушган
2022 йилнинг бошида “Бавария” жамоада катта муаммоларга дуч келди ва клуб тарбияланувчиларини ёрдамга чақиришга тўғри келди. Пол Уаннер "Боруссия"га қарши ўйинда дебют қилди, 75-дақиқада захирадан майдонга тушди ва мавсумда яна бир неча бор асосий жамоа ўйинларида иштирок этди.
Энг кекса футболчи: Макото Хасебе (“Айнтрахт Франкфурт”) – майдонга 38 ёш, 3 ой ва 26 кунлигида тушган
Ушбу ютуқни "Айнтрахт" ҳимоячиси 14 май куни, мавсумнинг сўнгги турида қўлга киритди. Ҳозир Хасебе асосан ротациячи, у унчалик кўп тўлиқ ўйин ўтказмаган. Япониялик яна бир мавсум Франкфуртда тўп тепиши, кейин эса клуб мураббийлар штабига кириши аллақачон маълум қилинган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
