“Динамо” – “Бунёдкор” учрашувидан кейинги матбуот анжуманининг иккинчи қисми “қалдирғочлар” устози билан ўтди.
- Қийин ва оғир ўйин бўлди. Шунга қарамасдан ҳақли ғалабага эришдик. Биринчи бўлимда “Динамо” аъзолари қарши ҳужумлардан унумли фойдаланишга ҳаракат қилишди. Танаффусдан кейин рақибга имкон бермадик. Бугун шогирдларим катта куч сарфлашди ва якунда ҳақли ғалабага эришишди, - деб гап бошлади Миржалол Қўшоқович.
- Жамоангизнинг ўйинлари аввалги “Бунёдкор”никидек чиқмаяпти. Шунингдек, шогирдларингизда чарчоқ аломатлари борлиги ўйин охирларида сезилиб қоляпти. Шундай эмасми?
- Ушбу мавсум ҳеч бир ўйин осон бўлаётгани йўқ. Ҳар бир баҳсга жиддий ҳозирлик кўриляпти. Осиё Чемпионлар лигасида мураккаб гуруҳдан жой олгандик. Қолаверса, олис сафарларга бўлган парвозлар ўз таъсирини кўрсатяпти. Сафар билан боғлик толиқишларни футболчилар яхши билишади. Йўлларда суткалаб юриш ҳаммани ҳам чарчатади. Айтишади-ку, “йўл азоби, гўр азоби” деб. Шунга қарамасдан футболчиларим ўзларида куч топа олишиб, кетма-кет бўлиб ўтаётган тиғиз тақвим ўйинларида фаол ҳаракат қилишаётганлиги учун уларга раҳмат айтмоқчиман. Секин-аста олдимиздаги вазифамизга эришиб боряпмиз. Ҳозирги кунда бу каби ғалабаларга эришиш осон эмас.
Илгариги таркибимиз йўқ. Яққол етакчиларнинг йўқлиги боис жамоавий ўйинга урғу берганмиз. Сўнгги икки йил ичида “Бунёдкор”дан жуда кўп ўйинчилар кетишди. Шунга қарамасдан клуб ўз имиджини йўқотгани йўқ.
- Легионер – бир бош устун бўлиши керак. Лекин “Бунёдкор”даги хорижликлар ушбу таърифга мос тушишмаяпти.
- Хозирги легионерларимиз мавсум бошланиши арафасида сафимизга қўшилишганди. Битта жамоани шакллантириш учун энг камида уч ой вақт керак. Легионер – лотореядек гап. Биз жамоамизга фойдаси тегсин деб хорижликларни таклиф этганмиз. Кимдурнинг мослашув жараёни тез амалга ошади, кимникидур секинроқ. Ҳатто Зидан “Реал”га келганида у сакккиз ой ўйнай олмаган. Кейин эса ундан зўри бўлмаган.
- Миллий терма жамоамизнинг ЖЧ-2014га бориш имкониятини қандай баҳолайсиз?
- Ватан жамоаси учун жонимизни берамиз, ишонамиз. Учрашувлар мобайнида юрагимиздан мухлислик қиламиз. Ҳозирги кунда терма жамоада кучли футболчилар талайгина. Лекин уларнинг ҳаммаси ҳам оптимал формадами? Шунингдек, улар терма лагерига қай ҳолатда етиб келишган? Ана шу омилларни инобатга олиб, футболчиларни бирлаштириш керак. Бу борада мураббийга оғир бўлади. Қолаверса, дисквалификация туфайли бешта футболчи Эронга қарши майдонга туша олмайди. Уларнинг ўрни муносиблар билан тўлдирилиши лозим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
