Ральф Рангник «МЮ» мураббийлари ичида энг ёмон кўрсаткични қайд этди
Ральф Рангник АПЛ тарихида «Манчестер Юнайтед» мураббийи сифатида энг ёмон натижани қайд этди.
Немис мутахассиси 2021 йилнинг ноябрь ойи охирида манкунианликлар бош мураббийига айланганди. Рангник қўл остида жамоа чемпионатни 6-ўрин билан якунлади.
Ральф билан «қизил иблислар» ҳар бир ўйинда ўртача 1,5 очко жамғарган ва учрашувларнинг 42 фоизида ғалаба қозонган. «Манчестер Юнайтед» бош мураббийи учун бу АПЛ тарихидаги энг ёмон кўрсаткичдир.
Ральф Рангник клубдан кетаётганини маълум қилди. Мутахассис бор эътиборини Автрия терма жамоасига қаратмоқчилигини айтиб ўтди.
Эслатиб ўтамиз, 2022/23 йилги мавсумдан бошлаб Эрик тен Ҳаг «Манчестер Юнайтед» бош мураббийи сифатида иш бошлайди. Нидерландиялик мутахассис манкунианликлар билан 2025 йилнинг ёзига қадар мўлжалланган шартнома имзолаган.
Манба: daryo.uz
Киритилди: 13:51, 31.05.2022. Ўқилди: 1271 марта. Фикрлар: 7 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар