Поль Погба "МЮ"дан расман кетди. Кетганда ҳам эркин агент сифатида кетди. Айтиш мумкинки, ёздаги энг машҳур, аммо текин трансфер Погба бўлади. Футболчи учун клубдаги иккинчи давр осон бўлмади. Қуйида у учун эҳтимолий манзиллар вариантларини кўриб чиқамиз.
"Ювентус"
Бир қарашда энг қулай ва тўғри танлов айнан Турин клуби бўлиб туюлади. Бир пайтлар Погба, айнан "Ювентус"да чўққига чиққанди. Ўша пайтлар Аллегри жамоани бошқарган. Бугун у яна шу ерда. Погба эса собиқ устозига ёрдам бериш учун ошиқиши мумкин. Шу ва шу каби омиллари таъсирида "Ювентус"ни энг яхши вариант сифатида кўрмоқдамиз.
"ПСЖ"
Париж гиганти ўтган ёзда сенсацион трансферни амалга ошириб, ҳаммани ҳайратда қолдирганди. Кимсан, Месси "ПСЖ"га ўтишга рози бўлган. Қолаверса, парижликлар уни текинга қўлга киритди. Шунингдек, Вийналдум, Донаррумма, Рамос каби катта номлар ҳам жамоага эркин агент сифатида келиб қўшилганди. Бугун эса "ПСЖ" Погбанинг ҳам масаласини ижобий ҳал қилиши мумкин.
"Реал"
Фактлардан узоқлашмаган ҳолда айтиш керакки, "Реал" ярим ҳимояси Модрич ҳамда Кроосга топширилган ва бу позицияда бироз янгилик қилиш, янги ном, жамоага фойда келтиради. Нисбатан ёшроқ Погба эса, айнан ўша футболчи бўлиши мумкин. "Қироллик клуби"нинг икки титулни қўлга киритиши, Погбани у ерга жалб қилишда ёрдам беради. Модрич 36 ёшдаз Кроос эса 33 га киради. Бу эса уларга ўринбосар кераклигини англатади. Ҳеч бўлмаса, қисқа вақтга. Боз устига, Погбанинг моашини тўлаш "Реал" учун муаммо бўлмайди.
"Манчестер Сити"
Яқин бир ой ичида "Манчестер Сити" Погбага қизиқа бошлагани ҳақида миш-мишлар пайдо бўлган эди. Бироқ аниқ айтиш мумкинки, Погба Гвардиола дидидаги футболчи эмас. Қолаверса, Полнинг ўзи ҳам "МЮ"нинг ашаддий рақибига трансфер бўлишни маъқул кўрмаса керак. Шу сабабдан бу кўчиш, деярли имконсиз.
"Барселона"
Ушбу клубнинг молиявий аҳволи, унинг трансферлар сиёсатига ҳам таъсир қилмай қолмади. Эндиликда "Барселона" ўта тажрибали, юлдуз ҳамда текин футболчиларга эътибор қарата бошлади. Агуэро, Обамеянг ҳамда Депай айнан шундай номлардир. Айтиш мумкинки, Погба юқоридаги аспектларнинг барчасига мос келади. Аммо айни дамда "Барса" ўзи сотиб олмоқчи бўлган ўйинчиларни рўйхатдан ўтказишга қийналмоқда. Бунга эса лиқ тўла таркиб ва иқтисодий қийинчиликлар сабаб бўлади. Ҳа, Погба "Барселона"га мос келиши мумкиндир. Аммо клубнинг айни дамдаги ҳолати Погбанинг жамоага келишини "хато иш"га айлантиради. Яна ким билади дейсиз...
Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
