Аввал хабар берганимиздек, «Реал Мадрид» президенти "El Chiringuito"га интервью берди. Перес барчага таниқли бўлган журналист Педрерол билан суҳбатда бўлди ва интервью дарҳол Килиан ҳақидаги саволлар билан бошланди.
"Мбаппе ҳозирда «ПСЖ» футболчиси. Бир неча йил ичида нима бўлиши мумкинлигини кўрамиз. Биз ҳар доим таркибимизни яхшилашни хоҳлаймиз. Келажакда нима бўлишини билмайман. Аммо ҳозир у «ПСЖ» футболчиси. Мбаппенинг аҳволи бир сабабга кўра ўзгарди. Унга мисли кўрилмаган сиёсий босим ўтказилди.
Мбаппе сотқинми? У ҳеч кимга хиёнат қилмади. Лекин бу биз кутгандек бўлмади. Мбаппе ўз орзусини алмаштирди. Мен Мбаппени ҳозир ҳам яхши кўраман, лекин, ҳа, яқин йилларда мен уни «Реал Мадрид»га олиб келмоқчи бўлган ўйинчи сифатида кўрмаяпман. Ҳеч бир футболчи «Реал»дан устун бўла олмайди. Мадридистларнинг ҳафсаласи пир бўлди ва мен буни тушунаман. Лекин бу энди мен "Реал"га олиб келмоқчи бўлган Мбаппе эмас. Менимча, у босим туфайли фикрини ўзгартирди. Агар шундай бўлса, «ПСЖ»да қолсин. «Реал» Мбаппенинг орзуси эканлигига ишонардим. Менимча, унинг онаси ҳам кўчиб келмоқчи бўлган (Испанияга), чунки у ўғлининг орзусини биларди. 3 йилдан кейин нима бўлади? Биз узоқни кўра олмаймиз. Шуни айтмоқчиманки, бу энди мен клубга олиб келмоқчи бўлган Мбаппе эмас. Ҳа, биз Макрон Мбаппега доимий равишда қўнғироқ қилганини биламиз. У футболчига босим ўтказди. Мбаппе ўз қарори ҳақида менга шахсий хабар орқали маълум қилди, аммо мен бунга аҳамият бермадим. Ҳеч ким бизнинг клубдан устун бўла олмайди.
Ҳоланд? Бизда дунёнинг энг яхши ҳужумчиси - Бензема бор. Биз Ҳоландни захира ўриндиғига ўтказиш учун шартнома имзолай олмасдик. Бу бошиданоқ аниқ эди. Мбаппе икки давлат томонидан босим остида эди. Аммо такрор айтаман - биз кўриб турган Мбаппе Мадридга керак эмас. Мен Мбаппенинг янги шартнома тафсилотларини билмайман. Унга кўпроқ сиёсий босим таъсир қилди. У ваҳимага тушди. Килиан пулни танладими? У нафақат қулай йўлни, балки «ПСЖ»да янги ролни ҳам танлади. Мбаппе учун эшикларимиз ёпиқми? «Реал Мадрид» нималигини ва клубдан юқори бўла олмаслигини тушунадиган футболчилар учун Мадриднинг эшиги доим очиқ.
Тебаснинг «ПСЖ» ҳақидаги аризаси? Менимча, Тебас бизга ёрдам бермаяпти. Бизда жуда кўп баҳсли вазиятлар бор. «Реал», «Барселона» ва «Атлетик» биргаликда CVC шартномаси бўйича Ла Лигани судга берамиз. Лапортага CVC билан шартнома имзолаш учун катта босим ўтказилди.
«Барселона» дунёдаги энг йирик клублардан бири, улар қийин вазиятни бошдан кечиришмоқда, лекин буни енгиб ўтишади. «Реал Мадрид» ва «Барселона» — дунёдаги энг буюк икки клуб, буни «эл-класико» пайтида кўрасиз. Умид қиламанки, Левандовски «Барселона»га ўтади. Бу Ла Лига учун ажойиб бўлади. Ла Лига раҳбарияти ўзини «Барселона»нинг спорт директоридек ҳис қилади ва улар қачон клуб ким биландир шартнома имзолаши мумкин, қачон қайсидир футболчини қўлга кирита олмаслигини айтишади. «Барселона» хоҳлаганини қилсин. Уларга босим ўтказманг. Мен Тебас, Чеферин ёки Рубиалес билан қаҳва ичишим мумкин. Мен ҳеч кимдан ранжимайман, фақат Мадриднинг манфаатларини ҳимоя қиламан. Мен Тебасга CVC шартномаси ноқонуний эканлигини айтдим. Келгуси 50 йил давомида улар бизнинг телевидения ҳуқуқларимизни тортиб ололмайдилар. «ПСЖ», «Челси» ёки «Манчестер Сити»ни душман деб ҳисобламаймиз. Чеферин бизни Чемпионлар Лигасидан четлатишидан ҳеч қачон қўрқмаганмиз. У Мадрид билан ҳазиллашмаслиги керак. UEFA — монополия. Биз нима сабабдан UEFA Чемпионлар Лигаси финалини ўтказиш учун Парижни танлаганини билмоқчимиз. Бизга UEFA'дан тушунтириш керак", — деди Перес.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
