"Бока Хуниорс" вице-президенти Хуан Рикельме клуб ҳужумчи Эдинсон Кавани ва ярим ҳимоячи Артуро Видалга қизиқиш билдираётганини айтди. Ҳозирда иккала футболчи ҳам эркин агент саналади.
"Видаль "Бока"да ўйнаш учун туғилган. Унга маош тўлай оламизми, бу бошқа гап. Худди шу нарса Каванига ҳам тегишли - у бизга ўйнаш учун туғилган.
Бу икки юлдуз - юқори савиядаги футболчилар. Сиз ҳар доим жамоада шундай ўйинчилар бўлишини орзу қиласиз, аммо ҳақиқат бундан ҳам мураккаброқ”, - дея Рикельменинг сўзларидан иқтибос келтиради ESPN Аргентина.
35 ёшли Кавани 2020 йилнинг кузидан 2022 йилнинг баҳоригача "Манчестер Юнайтед"да ўйнаган. У ўтган мавсумда "қизил иблислар" сафида 20та ўйинда майдонга тушиб, 2та гол урган.
35 ёшли Видаль сўнгги 2 йил давомида "Интер" сафида ўйнаб, ўтган мавсумда барча турнирларда 41 та ўйинда майдонга тушиб, 2 та гол ва 4 та голли узатмани амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).