U23 Осиё кубоги финалидан ўрин олган Ўзбекистон ва Саудия Арабистони терма жамоалари ўртасидаги баҳснинг биринчи бўлими якунига етди.
Саудияликлар учрашувни кескин ҳужум билан бошлагани кутилмаган ҳол бўлди. Футболчиларимиз рақибнинг босимни бартараф этишгач, ташаббусни ўз қўлларига ола бошлашди. Уюштирилган ҳужумлар пайтида ўйинчиларимиз сўнгги пас етишмади. Боз устига, араб футболчилари ҳам яхши ҳимояланишди.
23-дақиқада ўтиб бораётган пайтда Саудия Арабистони илк огоҳлик қўнғироғини чалди. Жалолиддинов тўпни жарима майдони атрофидан узоқлаштирмоқчи бўлиб, рақибга бериб қўйди. Натижада меҳмонлар хавфли ҳужум ташкил қилишди. Яқин масофадан берилган зарба йўлига Давронов ўзини ташлади ва хавфни бартараф этди.
Орадан 10 дақиқа ўтиб ҳисобни очиш учун яхши имкониятга эга бўлдик. 33-дақиқада Ҳошимовнинг бош билан берган узатмасидан сўнг Эркинов яккама-якка вазиятга чиқиб борди. Аммо Ҳожимат тўпни юқорига тепиб юборди. Мана шу ҳужум терма жамоамизнинг биринчи таймдаги энг хавфли вазияти бўлди.
Баҳснинг 39-дақиқасида эса дарвозамиз олдида жуда хавотирли вазиятга юзага келди. Саудиялик дарвозабон олис масофага тепиб юборганидан кейин рақибларимиз тўпни эгаллаб, жарима майдонимизга кириб келишди. Давронов эса рақибини "корпус" орқали ёпишга уриниб, уни йиқитди. Қатарлик рефери эса дарвозамиз томон пенальти белгилади. Ушбу вазиятни VAR кўра бошлади ва дарвозабон узатма бераётганида ҳужумчи кичик офсайдда бўлганини аниқлади. Шу орқали пенальти бекор қилинди. Ўзига шукр.
Бўлимга қўшиб берилган 4-дақиқа ўтиб бораётганида эса тўп дарвозамизга киришига сал қолди. Назаров дарвозани ташлаб олдинга чиққан пайтда Айман Яҳё бош билан зарба берди. Владимир ортга қайтиб тўпни қайтарди. Тўп дарвозабонимизнинг қўли аралаш устунга тегдию, майдонни тарк этди.
Воқеаларга бой бўлган бўлимдан сўнг ҳисоб очилмади. Иккинчи бўлимни кутамиз.
U23 Осиё кубоги, финал
Ўзбекистон - Саудия Арабистони - 0:0 (биринчи бўлимдан сўнг)
Огоҳлантириш: Айман Яҳё (45+2)
Ўзбекистон - Владимир Назаров, Саидазамат Мирсаидов, Достонбек Турсунов, Муҳаммадқодир Ҳамроалиев, Ҳожимат Эркинов, Улуғбек Ҳошимов, Жасурбек Жалолиддинов (С), Диёр Холматов, Алибек Давронов, Ҳусайн Норчаев, Абдурауф Бўриев
Саудия Арабистони: Навоф Даҳий Ал-Ақидий, Ҳассан Тамбактий, Иброҳим Маҳнаший, Айман Яҳё, Ҳамид ал-Ғамдий, Фирас ал-Брайкан, Аҳмад Мазен ал-Ғамдий, Мотеб ал-Ҳарбий, Ҳамад ал-Ямий, Ҳуссайн Ийсо, Сауд Абдулҳамид
Бош ҳакам: Салмон Аҳмад Фалаҳий (Қатар)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
