• Реклама
• m.std.uz
• facebook
• twitter
• telegram
• instagram
• RSS
• Алоқа

Бугун 6 июль, 2025 йил, якшанба.

• O'zbekcha
• Русская
• English

• LIVE
• Фаол мухлис
• Фут.башорати
• Викторина
• Блог
• Конференция
• Афсоналар
• Видео
• ТВ-Онлайн
• ТВ-дастур
• Трансфер
• Юмор
• Энг-энг...
• Кирманг

• Клублар ўртасида ЖЧ

  жадвал    тақвим    тўпурарлар
  • • 05.07.2025 06:00
    • Палмейрас
    • 1:2
    • Челси
  • • 05.07.2025 21:00
    • ПСЖ
    • 2:0
    • Бавария
  • • 06.07.2025 01:00
    • Реал Мадрид
    • -:-
    • Боруссия Д
• Суперлига

  жадвал    тақвим    тўпурарлар
  • • 05.07.2025 20:00
    • Андижон
    • 0:1
    • Бунёдкор
  • • 05.07.2025 20:00
    • Машъал
    • 0:1
    • ОКМК
  • • 06.07.2025 20:00
    • Пахтакор
    • -:-
    • Навбаҳор
  • • 06.07.2025 20:00
    • Динамо
    • -:-
    • Насаф
  • • 07.07.2025 20:00
    • Нефтчи
    • -:-
    • Хоразм

Хабарлар архиви

Мбаппе Леонардони "ПСЖ"дан кетишига сабабчи бўлди. Франциялик футболчи клубга ёрдам берди дейиш мумкин.

"ПСЖ"нинг ҳозиргача эришган барча муваффақиятлари шайхларнинг ажойиб бойлиги билан боғлиқ.

Хаотик трансферлар "ПСЖ"га хос хусусиятдир. Худди шу баҳони “Челси”нинг янги хўжайинлар қўлига ўтгандан кейинги келажагига нисбатан ҳам айтиш мумкин. Яъни парижлик сармоядорлар анча йиллардан бери юлдуз ўйинчиларни жамоага таклиф этиш билан машғул бўлган. Леонардодан олдин ҳам «ПСЖ» Бен Арфа, Дракслер, Гуедеш, Хесе, Чупо-Мотинг, Лассан Диарра, Криховяк, Буффон ва Давид Луисни жамоага таклиф қилган, бундай қарорлар маъносини тушуниш қийин эмас. Биргина Неймарнинг 222 миллион евролик трансфери, унинг маошини ҳисоблаган ҳолда футболчи қанча ўйинларни ўтказиб юборгани ва ҳал қилувчи жангларда камдан-кам ҳолларда қутқариб қолувчи ролни бажаргани клуб хўжайинларининг бошқарувчилик сиёсатида яхши ишламаганини англатади. Бу каби муваффақиятсизликлардан бир қанчасини санаб ўтиш мумкин.

Леонардо клубнинг ички бюджетига қараб исталган футболчини сотиб олиши билан боғлиқ нохуш анъанасини давом эттирди. Бразилиялик функционер Мессининг трансфери билан мақтаниб, Лионелни қариган чоғида бир клубдан бошқасига ўтказишга муваффақ бўлди ва бу ишидан мамнунлигини бир неча бор яшириб ўтирмади. Аммо "ПСЖ" бу билан тўғри иш қилдими? Клуб учун тарихдаги энг катта молиявий йўқотиш бўлмаган, балки эркин агент бўлган футболчи жамоага қўшилди. Аммо агар аргентиналик етарлича ишончни оқлай олмаса, бу бутунлай спортдаги омадсизлик бўлади. Афсонанинг кийиниш хонасига таъсири ҳақида гапирмаса ҳам бўлади. Мессида ҳозир бу хусусият йўқ.

Бразилиялик функционер ишдан бўшатилди. Раҳбарият изоҳларда ҳақли равишда ҳазиллашганидек, Леонардодан росмана қутулди. Аммо "ПСЖ"нинг янги спорт директори Килиан Мбаппе атрофида ўйин қурмаслиги эҳтимоли катта. Балки Зиданнинг Париж бош жамоаси постига келмаётганининг ҳам сабаби шундадир. Зидан кўп йиллар давомида парижликлар бош мураббийи бўлишдан қочди, чунки у клубда бошқа профессионал мутахассислар борлигига шубҳа қилади.

Леонардо жамоани қандай қуришни билмайди. У клуб собиқ мураббийи Тухель билан яхши муносабатда эмас эди. Томас Чемпионлар лигаси финалидан сўнг ишдан бўшатилди. Немис "Челси" билан ушбу турнирда ғалаба қозонганига қарамай Леонардо янги мураббийга эҳтиёж сеза бошлади. "ПСЖ" Почеттинога юзланди. Улар катта совринлар учун курашда муваффақиятсизликка учраган мураббийни жамоага таклиф қилишди. Лекин натижани кўриб турибсиз. "ПСЖ"нинг шу пайтгача ютиб келаётган кубоклари пул ортидан қўлга киритилган, Леонардонинг ёрдами билан эмас.

Леонардо ҳужумчи қидираётган эди - у Икардига пул тикди. Дарвозабон қидираётганди – Доннарумма катта сумма эвазига олиб келинди. Бироқ Наваснинг ёрқин сейвлари мисолида уни ўтган мавсумнинг энг омадсиз трансферларидан бири дейиш мумкин. Диалло, Гуйе ва Сарабия "ПСЖ"ни кутилганидек кучли қила олишмади. Флоренци, Рафинья ва Данило ҳам шулар қаторида. Ўтган йили клуб сиёсатида тўлалигича пул ҳукмронлик қилди. Вейналдум "Барселона"га бормади. Рамос "ПСЖ"ни танлади, чунки шароитлар "Реал"никидан яхшироқ. Миландан келган дарвозабон Жижи Долларумма лақабини олди – бунинг сабаби барчага тушунарли.

Месси Парижга ўзидан ўзи, ушбу шаҳарга бўлган муҳаббати учун келгани йўқ. Леонардо беҳуда мақтанмоқда. Унинг қўл остида Париж клуби нима учун умуман даромад олмаганини тушуниш қийин эмас. Клубсиз қолган Хесе, Кавани, Чупо-Мотинг, Тиаго Силва, Нянзу ва Менье текинга бошқа жамоаларга йўл олди. Энди навбат Ди Марияга. "ПСЖ"да келаси мавсум Чемпионлар лигаси финалига чиқадиган яхлит жамоа йўқ. Айни ҳолат буни кўрсатиб турибди.

Леонардо фақат сўзда мақтана олади холос. Унга ўхшаш функционерлар кучли клубларда ҳам мавжуд. Масалан, Вудворднинг "Манчестер Юнайтед"даги, Паратичининг "Тоттенхэм"даги хасис сиёсатини яхши эслайсиз. "Барселона"нинг собиқ директори Абидал ҳам мақтанишдан бошқа айтарли ишга қўл урмаган. «Манчестер Юнайтед» мана энди молиявий жиҳатдан барқарор бўлиб қолди, аммо турнир жадвалидаги мавқейини ҳали ҳам яхшилай олгани йўқ. "Барселона" эса "Реал Мадрид"дан борган сари ортда қолиб кетмоқда. Биз фақат натижа бўйича гапирмаяпмиз. Жамоа Европа лигасида ғалаба қозона олмади ва  айни дам бюджетда 500 миллионлик камомад мавжуд. Шундай экан, заиф спорт директори - бу бутун футбол оиласи учун қайғу.

"ПСЖ"нинг вазифаси Чемпионлар лигасида ғалаба қозониш ва улар катта юлдузлар билан қандай ишлашни унча яхши билмайдиган мураббийни ҳар сафар жамоага таклиф қилаверишади.

Ҳар қандай раҳбар ростан кучли бўлса, "Ливерпул"даги Эдвардс каби ҳамма нарсани ўз вақтида тартибга солиб туради. Аксинча, кучсиз менежер одатда мураббий топишда қийинчиликка учрайди. Почеттино варианти ўзини оқламади, Тухель кераксиз пайтда қўйиб юборилди. Кучли мутахассис ташқи воситачиларнинг тизгинни буриб юборишига йўл қўймайди, Месси, Рамос шартномалари, энди Мбаппе билан бўлган тушунарсиз келишув келажакда клубга албатта таъсир қилмай қолмайди. Леонардо бунга ёрқин мисол.

"ПСЖ" Леонардосиз у билан бўлгандан кўра яхшироқ йўлдан кетади. "ПСЖ"даги шайхлар ўз режалари бўйича ҳали тўлиқ муваффақиятга эриша олишмади. Бунга сабаб улар кўпинча нотўғри одамларга ишонч билдиришмоқда.