Хуан Мата «Манчестер Юнайтед» муваффақиятга эришиш учун нималар қилиш кераклигини айтди
«Манчестер Юнайтед» ярим ҳимоячиси Хуан Мата жамоа муваффақиятли йўлга қайтиш учун қандай ўзгаришларга қўл уриши кераклиги ҳақида фикр билдирди. Эслатиб ўтамиз, "МЮ" ўтган мавсумда АПЛда 6-ўринни эгаллади.
«Манчестер Юнайтед» ўзининг ўйин маданиятини ўзгартириши керак. Жамоага яқин бўлган исталган одамдан сўрасангиз, худди шундай фикрни айтади.
Клубда ишлаётган ҳар бир ходим «Манчестер Юнайтед»нинг бир бўлаги бўлиш нима эканини яхши тушуниш лозим. Ҳозирги кунда клубдаги кўп нарсалар юқори стандартларга жавоб бермайди.
«Ливерпуль» ва «Манчестер Сити» клубларининг ғалабаларини кўриш — мен учун оғир. «Манчестер Юнайтед» нафақат совринларга яқинлаша олмаяпти, балки бизнинг принципиал рақибларимиз амалга ошираётган ишлар мени хафа қилмоқда. Бу икки карра зарба беради.
«Манчестер Юнайтед»га клубнинг барча фаолиятида энг юқори сифатли мутахассислар керак. «Манчестер Юнайтед» ҳар жиҳатдан — майдонда ҳам, майдонда ташқарисида энг зўри бўлиши керак. Мен «Манчестер Юнайтед»ни шундай тасаввур қиламан», - деди Мата "The Athletic" нашрига берган интервьюсида.
Эслатиб ўтамиз, Хуан Мата эркин агент сифатида «Олд Траффорд»ни тарк этди.
Манба: football24.ru
Киритилди: 10:57, 21.06.2022. Ўқилди: 2543 марта. Фикрлар: 5 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар