АПЛ дунёда энг томошабоп лига экани билан ажралиб туради. Мухлислар дунёнинг қайси бурчагида бўлишидан қатъий назар инглиз футболини томоша қилишга интилади. Ўйинларга мухлислар киришини айтмаса ҳам бўлади. Бугун мухлисларга бир қадар қизиқ бўлган Англия Премьер-лигасининг янги мавсуми ҳақида гап боради.
АПЛнинг бир мавсуми нечта ўйиндан иборат бўлади?
АПЛда 20 та клуб мавжуд. Шу сабаб ҳар бир жамоа 38 марта ўйин ўтказиш билан мавсумни тугатади. Уларнинг 19 таси уйда, қолган 19 таси эса сафарда ўтади. Умумий қилиб олсак, ҳар мавсумда 380 та ўйин бўлиб ўтади. Ушбу баҳсларни намойиш этиш ҳуқуқи дунё бўйлаб турли хил телеканаллар томонидан харид қилинади. Масалан, Англиянинг ўзида «Sky Sports» ҳамда «BT Sport», қолаверса, «Amazon Prime Video» онлайн платформаси орқали АПЛни кузатиб бориш имкони мавжуд.
АПЛ ўйинлари қандай тақвимлаштирилади?
Ушбу жараён АПЛнинг ўйин саналарини «Atos»га юбориши билан бошланади. Бу компания халқаро IT хизматларини кўрсатади. У 30 йилдан буён Англия элитасини тақвимлаштириш билан шуғулланиб келмоқда.
ФИФА, УEФА ҳамда Англия ФАдан халқаро танаффуслар санаси ҳақида маълумот олинади ва календарга қўшилади. Шунда, лига, кубок ва лига кубоги учун ҳам мавжуд вақтлар юзага қалқиб чиқади. Ҳар март ойида АПЛ ўзида қатнашувчи клубларга махсус сўровнома жўнатади. Унда клублар қачон меҳмон ўйинларини ўтказишни хоҳлаши билан боғлиқ савол бўлади. Клублар ўз қарорларини баён қилгач, олинган маълумотлар уй ўйинларининг ўтказилиш санаси билан мослаб кўрилади. Тақвимлаштириш компьютерида тўлиқ маълумотлар базаси ҳосил қилингач, улар аралаштирилади. Компьютернинг ўзи қайси клуб, қачон, қаерда ўйин ўтказишини билади ва ҳал қилади. Бир клуб ҳеч қачон мавсумни кетма-кет уй ўйини ёки меҳмон ўйини билан тугатмайди ва якунламайди. Бунда мухлисларни саёҳат қилиш муаммолари ҳам эътиборга олинади. Шунингдек, ўйинларни саналарга жойлаштириш, транслация ҳуқуқини сотиб олган телеканалларга ҳам ноқулайлик туғдирмаслиги керак.
Клублар ўйинлари шундай тақвимлаштириладики, бир шаҳар жамоалари бир вақтнинг ўзида ўз ўйинларини ўтказмайди! Масалан, «МЮ» ва «Манчестер Сити» ҳеч қачон ўз уйларида бир хил вақтда тур баҳсида иштирок этмайди. Аммо Лондонда бу масала сал мураккаброқ. Чунки ушбу шаҳардан бирданига олти ёки еттита жамоа АПЛда иштирок этади.
Ҳамма ўйинлар тартибга солингач, ушбу рўйхат Футбол лигаси ҳамда АПЛ маъмурияти томонидан кўздан кечирилади. Камчилик ёки тушунмовчиликлар келиб чиқса, тақвим рўйхати «Atos»га қайта ишлаш учун юборилади.
Янги мавсум қачондан старт олади?
2022-2023 йилги АПЛ мавсуми 5 августь куни бошланади. Ўша куни, жума оқшомида «Арсенал» «Кристал Пэлас» меҳмони бўлиши кўзда тутилган. Ҳафта якунида шунингдек, «Ман.Сити» «Вест Хэм» майдонига сафар қилади. «Ливерпуль» эса «Фулхэм»га қарши баҳс ўтказади. «МЮ» «Брайтон»ни ўз майдонида синовдан ўтказади.
АПЛ ҳар йилгидан бир ҳафта эртароқ бошланади. Негаки, ноябрь-декабрь ойларида Жаҳон чемпионати бўлиб ўтиши керак. ЖЧга 12-13 ноябрь кунлари ўйинчилар жалб этила бошлайди. АПЛ эса Янги йилга яқин, «Boxing Day»дан бошлаб яна қайтади.
АПЛнинг янги мавсуми қачон тугайди?
2022-23 йилнинг сўнгги тури 28 май куни ўтказилади. Унда барча ўйинлар доимгидек бир вақтнинг ўзида бошланади. Шундай қилиб, мавсум ЖЧ ҳисобига бироз чўзилади.
Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
