Гарэт Бейл “Лос-Анжелес” клубида “Реал”дагига қараганда 24 баравар кам маош олади. Бу қандай содир бўлди? Бунинг ўзига яраша сабаблари бор.
Уэльслик футболчи МЛСга йўл олгач, “Лос-Анжелес” билан эркин агент сифатида шартнома имзолади. Битим яна 18 ойга узайтириш имконияти билан бир йил муддатга тузилган.
“Лос-Анжелес”га кўчиб ўтганимдан жуда хурсандман. Бу мен ва оилам учун тўғри танлов. Ҳатто ўтиш вақти ҳам тўғри. Мен жамоа билан машғулотларда ишлашни кута олмайман ва совринларни ютиш учун тайёрланяпман”, – деди Гарет янги клубга ўтганидан сўнг.
The Athletic хабарига кўра, Бэйл “Лос-Анжелес”да йилига 1,3 миллион фунт маош олади. Таққослаш учун: “Реал”да уэльслик футболчи йилига 31 миллион фунт стерлинг маош олган. Гарет ихтиёрий равишда ўз даражасидан пастга тушди.
АҚШга кўчиб ўтишнинг бирдан-бир шарти доимий ўйин амалиётининг мавжудлиги (бу Жаҳон чемпионати олдидан муҳим) ва шаҳарга бўлган муҳаббат эди. 32 ёшли вингер “Лос-Анжелес”га кўчиб ўтишнинг иккита сабаби бор.
Биринчиси – Бэйл Уельс либосида тўп тепиш унга “Реал”да ўйнашдан кўра кўпроқ завқ олиб келишини яширмади. Гарет терма жамоанинг 2022 йилги Жаҳон чемпионатига йўлланма олишида катта ҳисса қўшди – агар Уэльс ярим аср орзу қилинган йўлланмани қўлга кирита олмаганида, ҳатто ўтган мавсум охиридаёқ унинг фаолиятини якунлаши мумкин эди. Энди қанот ҳужумчиси ҳеч бўлмаганда ЖЧгача формасини сақлаб қолиши керак. Қолган саволларга кейинчалик жавоб топилади.
2020 йилда Гарет Ғарбий соҳилдаги шаҳарга кўчиб ўтишга қарши эмаслигини айтди:
“Менга МЛС ёқади. Лига ўсиш ва ривожланишда давом этмоқда. Ҳозирда кўплаб футболчилар ушбу чемпионатга ўтишни хоҳлашади. Бу, албатта, мен учун қизиқ. Мен дам олиш учун Лос-Анжелесга келишни яхши кўраман. У ерда тез-тез гольф ўйнайман”.
Иккинчиси – мукаммал мослик.
Хўш, МЛСдаги футболчилар маоши ҳақида нима дейиш мумкин?
МЛСда иштирок этувчи ҳар бир жамоа футболчилар учун 4,9 миллион доллардан ортиқ маош тўлай олмай. Аммо лиганинг ҳар бир клубига яна қўшимча уч нафар ўйинчини рўйхатдан ўтказишга имкон берувчи қатъий белгиланган қоида (Бекхэм қоидаси сифатида ҳам танилган) мавжуд.
Шу билан бирга, клуб ҳар бир бундай футболчи учун 612,5 минг доллар жарима тўлаши керак – бу катта ёшли футболчининг максимал маоши ҳисобланади.
Яқин вақтгача “Лос-Анжелес”да фақат битта шундай ўйинчи бор эди – Карлос Вела. Бэйл ва Жоржио Кьеллинининг келиши билан жамоа молиявий чекловни бузиш имкониятидан фойдаланиб бўлди.
Айни пайтда МЛСда энг кўп маош оладиган футболчилар учлиги қуйидагича кўриниш олган:
Жердан Шақири (“Чикаго Файр”) – 8,15 миллион доллар;
Хавьер Эрнандес (“Лос-Анжелес Гэлакси”) – 6 миллион доллар;
Гонсало Игуаин (“Интер Майами”) – 5,79 миллион доллар.
Нега “Реал Мадрид” Бэйлга бу қадар катта маош тўлаган?
Бэйлнинг “Реал Мадрид” билан 2022 йилнинг ёзида якунига етган шартномаси 2016 йилнинг октябрида имзоланган. Бунгача Гарет Испанияда йилига 12 миллион фунт стерлинг маош оларди. Янги келишувга кўра, уэльслик футболчи 2,5 баробар кўп маош ола бошлади ва бу борада Криштиану Роналдуга етиб олди.
Ўшанда “Реал Мадрид” Бэйлни португалиялик юлдузга ўринбосар сифатида кўрган эди. Бу мантиқий қарор бўлиб – Криштиану аллақачон 30 ёшдан ошган ва Гарет ҳали клубда ажойиб ўйин кўрсатаётганди. Бундан ташқари у ўзини жамоада бахтли ҳис этган.
Аммо Криштиану кетганидан кейин Карим Бензема ҳақиқий етакчига айланди. Бэйл бир неча марта жароҳат олди ва испан тилини яхши билмаслиги туфайли жамоадан тобора узоқлашиб борарди. Бу эса мухлисларнинг ғазабини ва раҳбарият билан тушунмовчиликни келтириб чиқарди. Перес футболчидан қутулишга ҳаракат қилди.
Аммо “Тоттенхэм”даги ижара муддати давомида – Гарет спорт формасини тиклай бошлаб, 20 учрашувда 11 та гол урди. “Лос-Анжелес”да эса натижалар бундан ҳам яхшироқ бўлиши аниқ.
“Реал” Гарет Бэйлни 2013 йилда “Тоттенхэм”дан 100 миллион евро эвазига харид қилди. Ўша мавсумда уэльслик иқтидор эгаси “Би-Би-Си” триосининг ажралмас бўлаги бўлди. Жамоа 12 йиллик танаффусдан сўнг ЕЧЛ бош совринини қўлга киритди. “Барселона”га қарши кечган Испания кубоги финалида эса Гарет Марк Бартрани қай тарзда доғда қолдириб, ғалаба голи муаллифига айлангани ёдингизда бўлса керак.
Бэйлнинг энг катта камчилиги ўз устида ишламаслиги ва жароҳатларга мойиллиги эди. Бундан ташқари вингер баскетбол ва гольф ўйинлари орқали ижтимоий тармоқларни “гуллатиб” юрди. Бу эса унинг асосий таркибдаги ўрни ва раҳбариятнинг ишончи йўқолишига сабаб бўлди. Унинг океан орти мамлакатидаги фаолияти қандай кечиши ҳақида бир нарса дейиш қийин. Бироқ ўз ватанига ЖЧда ёрдам бериш учун ҳам аввалги спорт формасини тиклаб олиши керак. Акс ҳолда мухлислар уни шон-шуҳрат сабаб истеъдодидан маҳрум бўлган футболчилар қаторида тилга олишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
