Криштиану Роналду ҳақида маълумотлар чиққанда, ҳеч бир инсайдер уни “МЮ”да 100% қолади дея олмайди. Криштианунинг жамоасига бўлган муҳаббати чексиз, аммо унинг мақсадлари ҳақида ҳам ўйлаш керак. КриРо Чемпионлар лигасини салкам ўзининг турнири қилиб олган ва бу мусобақада қатнашишни, яхши натижалар кўрсатишни истайди. Ҳўш Роналду Манчестердан кетса, унинг кейинги клуби қайси бўлади?
"Челси" ва "Милан" фаворитлар
Роналду Чемпионлар лигасида иштирок этадиган жамоа таркибида бўлишни истайди. Тухель "Челси"га инжиқ Неймарни сотиб олишни таклиф қилди, аммо "аристократлар"нинг янги хўжайини Роналдунинг трансферини амалга ошириш мумкинлиги ҳақида ўйламоқда. Ўтган ҳафта Боели Роналдунинг агенти Мендес билан кечки овқат вақтида учрашди. Шунингдек, португалиялик агент "Рома" вакиллари билан ҳам кўришган. Аммо римликлар варианти Роналдуга унчалик маъқул эмас. Чунки Моуриньо шогирдлари Чемпионлар лигасида иштирок этмайди.
Аммо "Милан" - бу вариант,Чунки жароҳатлар ва қарилик туфайли Ибра ва Жиру асосий таркибнинг доимий аъзоси бўла олмайди. Оригиниинг даражаси эса унчалик юқори эмас. Шунингдек, “Бавария” мантиқан Роналду учун курашиши мумкин. Кан ва Салиҳамиджич Левандовскининг ўрнини тўлдириши керак. Мане ажойиб футболчи, лекин машҳурлик борасида уни Роналду билан солиштириб бўлмайди.
Таҳмин қилинадиган ўзгаришлар
Тен Хаг Рангник билан ишлашдан бош тортди ва уни бутунлай “МЮ”дан кетишига сабабчи бўлди. Кўпроқ трансфер ҳуқуқини сўраган мураббийнинг 37 ёшли футболчи атрофида ўйин қуришига ишониш мумкинми? Эрик Роналдунинг тажрибаси жамоага якунда фойда келтириши ҳақида айтган бўлса-да, кўплаб мутахассислар тен Хагнинг фалсафаси бутунлай бошқача эканлигини таъкидламоқда.
Ҳужумчи голлар урди, аммо у аввалги Криштиану эмас. Бундан ташқари, Роналду сайёрадаги энг машҳур спортчилардан бири. Шу сабаб футболчи учун доим совринлар ютиш асосий вазифадир. “Манчестер Юнайтед” эса Премьер-лигада чемпионликка номзод эмас, рақиблар объэктив жиҳатдан анча кучли.
Криштиану мағлубиятни ҳаммадан кўра кўпроқ ёмон кўради. У ғалаба қозониб ўрганган. Шундай экан, унинг “Манчестер Юнайтед”ни тарк этиш истаги ажабланарли эмас.
Роналду кераксиз бўлиб қолмоқда
Футболчининг манфаати ҳақида гапирадиган бўлсак, у учун ЕЧЛда иштирок этадиган жамоа эмас, балки ўзининг энг яхши фазилатларини кўрсата оладиган клуб топгани маъқул. Янги “Манчестер Юнайтед” ҳақида гапирадиган бўлсак, 37 ёшли ҳужумчига ишониб қолиш ҳам хавфли, аммо ҳужум марказида бошқи яхши ҳужумчиси йўқлиги ҳам бор гап. "Бавария" Левандовски ўрнига ҳужумчи топади. Улар ҳеч бўлмаганда Клопп каби Манени марказда ўйнатишлари мумкин. “ПСЖ” Скамакка билан шартнома имзолаши мумкин. Гарчи ҳар қандай ёшда Роналдудан анча кучсизроқ бўлса-да, италияликнинг пулга сотиб олиб бўлмайдиган устунлиги бор – вақт. Буни тен Хаг аниқ тушунади. Агар унинг “Манчестер Юнайтед”и янги мавсумда Криштиануга янада қарам бўлиб қолса, стратегик жиҳатдан бу қўпол хато.
Кетиш оқилона қарордек кўринмоқда. "Милан" яхши вариантга ўхшайди - бир нечта "Олтин тўп" соҳиби айнан шу клубда фаолиятини тугатган, афсоналар билан шартнома имзолаш анъанаси бор. "Челси" эса 37 ёшдаги футболчи учун ноқулай клуб, чунки Роналду ҳужумда прессинг қиладиган жамоада ўйнаб кетиши қийин. Тўғри Роналду кўп гол уради. Бунақа ҳужумчи ҳар бир жамоага керак. Аммо, Роналдунинг гол уришдаги устунлиги “Ювентус”га стратегик жиҳатдан ҳеч нарса бермаган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
