Берлускони «Милан»нинг 20 фоиз акциясини 200 млн. еврога сотмоқчи
Италиянинг "Милан" клуби хўжайини саналган Сильвио Берлускони клуб акцияларининг бир қисмини сотиш бўйича араб шайхи Муҳаммад ал-Мактум билан музокараларни бошлаб юборди.
Берлускони йигирма фоиз акциялар учун 200 миллион евро олишни мўлжалламоқда. Маълум бўлишича, ушбу маблағ "Сан Сиро" ўйингоҳини батамом сотиб олишга сарфланади. Шундай бўлган тақдирда "Интер" клуби ўзи учун бошқа ўйингоҳ қуришига тўғри келади, деб ёзади Football Italia нашри.
Қайд этиб ўтиш жоиз, "Emirates Airline & Group" корхонаси президенти Муҳаммад ал-Мактумнинг жияни Аҳмад "Милан" клубининг ашаддий мухлисларидан ҳисобланади ва шу вақтга қадар клуб билан беш йиллик ҳомийлик шартномаси имзолашга улгурган эди.
Манба: www.sports.ru
Киритилди: 17:47, 09.06.2012. Ўқилди: 4823 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар