Ёзги трансфер ойнасида сарфланган маблағлар бўйича клублар рейтинги эълон қилинди. Бешта клуб жорий трансфер ойнасида таркибни кучайтириш учун 100 миллион евродан ортиқ маблағ сарфлади.
"Бавария", "Манчестер Сити", "Барселона", "Тоттенхэм" ва "Лидс" бу борада супер трансферларни амалга оширди.
50 миллион еврога етган харидларни 21 та клуб, жумладан, Англия премьер-лигасининг 12 нафар вакили амалга оширди. Бу ҳам албатта, Премьер-лига даражаси ошганини кўрсатади.
Чемпионлар лигасининг амалдаги ғолиби - "Реал" ёзги трансфер ойнасида энг кўп пул сарфлаган жамоалар орасида кучли 10 таликда мавжуд эмас. "Реал Мадрид"нинг харажатлари 80 миллион еврони ташкил этади, "қаймоқранглилар" 13-ўринни банд этишди. Жамоа премьер-лигага янги келган "Ноттингем Форест"дан бир поғона ортда қолмоқда (81,75 миллион евро).
Қуйида трансферлар ойнасида фаол бўлган клублар ҳақида сўз юритамиз.
10-ўрин. "Ливерпуль" - 85,8 миллион евро
«Ливерпуль» «Аякс»дан бор-йўғи 200 минг евро кам сарфлаган ҳолда деярли топ 10 ликка киришни амаллади. "Қизиллар"нинг асосий сармояси Дарвин Нуньесга кетган бўлиб, 75 миллион евро тўланган. Уругвайлик футболчи ҳақидаги гап-сўзлар ҳамон ОАВда кенг кўламда айланмоқда. Бир неча кун олдин ҳужумчи "Лейпциг"га қарши ўртоқлик ўйинида покер қайд этди.
9-ўрин. "Боруссия" (Дортмунд) - 86 миллион евро
"Боруссия" Холандни сотиб юборди, аммо янги келган футболчилар ҳам ундан кам эмас: Алле, Адейеми, Шлоттербек, Зюле. Ачинарлиси, Себастьян яқин орада майдонда кўриниш бермайди. Унинг жароҳати тикланишига бир неча ҳафта керак бўлади.
8-ўрин. "Ювентус" - 89,5 миллион евро
"Ювентус" Федерико Кьезани сотиб олиш бўйича узоқ йиллик шартномани адо этди ва Мюнхенга етиб келган де Лигт ўрнига "Торино"дан бразилиялик ҳимоячи Бремерни сотиб олди.
7-ўрин. “Челси” – 94,2 миллион евро
Бу сумма Рахим Стерлинг ва Калиду Кулибалининг тўловларидан иборат, бироқ “Челси” “Севилья” билан Жюль Кунденинг трансфери борасида келишиб олган. Товон пули 60 млн еврони ташкил қилади. Шунинг учун шартнома расмийлаштирилгач, "Челси" ушбу рейтингда еттинчи ўриндан биринчи ўринга кўтарилади. Даҳшат!
6-ўрин. "Арсенал" - 97,06 млн евро
"Арсенал" учун анча қайноқ ва илҳом бахш этувчи трансфер ёзи! "Канонирлар" аллақачон Габи Жезус, Фабио Виейра ва океан нариги томонидан бир нечта йигитлар билан шартнома имзолашди. «Манчестер Сити»дан трансфери аллақачон келишиб олинган Александр Зинченко эса алоҳида катта воқелик.
5-ўрин. "Тоттенхэм" - 101,9 миллион евро
Конте ҳақиқатан ҳам "Тоттенхэм"ни ўзгартира олди, чунки яқин вақтгача "шпорлар" йиллар давомида трансфер бозорига дадиллик билан кира олишмасди, энди эса янги келганлар учун юз миллиондан ортиқ маблағ сарф этилди. "Эвертон"дан Ришарлисон энг қиммат (58 миллион евро) га сотиб олинди. Лекин Биссума, Спенс, Лангле каби футболчилар ижарадан таркибга қўшилди ва бундан ташқари бир қанча тажрибали эркин агентларни ҳам унутмаслик керак.
4-ўрин. "Барселона" - 103 миллион евро
"Барселона"нинг ҳалигача катта қарзлари мавжуд. Аммо Жоан Лапорта ҳаммасини ҳисобга олиб қўйган, у ақлли трансфер сиёсатини амалга ошириш ниятида. Чунки биласизки, Бартомеу даврида қанчадан қанча миллиардлар бесамар сарфлаб юборилди. Уларнинг ўрнини тўлдириш учун Жоан анча тер тўкишига тўғри келади. Каталонияликлар энг ёрқин трансфер сиёсатини олиб бормоқда: Левандовски, Рафинья, Кристенсен, Кесье. Ва ҳали бу рўйхат тугаш ниятида эмас!
3-ўрин. "Лидс Юнайтед" - 105,64 млн евро
Ўтган мавсум охирида Премер-лигадан деярли тушиб кетиш арафасида бўлган клубни бу поғонада кўриш ажабланарли ҳол бўлиши турган гап. "Лидс" футболчилар алмашинуви бўйича гигантлар қаторига кириб олди. Янги келганлар ҳақида гапирадиган бўлсак, жамоа аллақачон беш футболчи трансферини ҳал қилиб бўлган: Бренден Ааронсон, Луис Синистерра, Тайлер Адамс, Расмус Кристенсен ва Марк Рока.
2-ўрин. “Манчестер Сити” – 108,75 миллион евро
Англиянинг амалдаги чемпиони ҳозирча икки кучли трансферга эга - Эрлинг Холанд ва Калвин Филлипс. Шубҳасиз, бошқа харидлар ҳам эътиборни тортади. Айни дам “шаҳарликлар” ҳимоянинг чап қанотида Александр Зинченконинг ўрнини эгаллаши кутилган Марк Кукурелья учун “Брайтон” билан савдолашмоқда.
1 ўрин. “Бавария” – 117,5 миллион евро
Одатда, "Бавария" катта пуллар эвазига трансферларни амалга оширишни истамайди, аммо бу ёзда мюнхенликлар ўз қоидаларини кескин тарзда бузмоқда. "Бавария" шу пайтгача Европада трансферлар учун энг кўп пул сарфлаган жамоага айланди. Де Лигт, Мане ва Гравенберхни сотиб олган "қизиллар" янги мавсумдан таркибни ЕЧЛ бош совринига етарли даражада кучйтириш ниятида. "Ювентус"дан келиб қўшилган Де Лигт клуб тарихидаги иккинчи энг қиммат трансферга айланди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
