Премьер-лиганинг янги мавсуми бошланишига бир ярим ҳафта вақт бор ва Криштиану Роналдунинг "Манчестер Юнайтед"даги келажаги ҳали ҳам ноаниқ. Португалиялик клуб Чемпионлар лигасига чиқа олмаганидан, трансфер ишлари суст олиб бораётганидан ва ҳалигача катта совринларга давогардек кўринмаётганидан норози. "Манчестер Юнайтед" раҳбарияти португалияликни сақлаб қолиш ниятида - улар шартномани охиригача якунлашини исташмоқда ва Эрик тен Хаг ҳаттоки, клуб яна бир йилга узайтириш вариантини фаоллаштириши мумкинлигини айтди.
Бир неча ҳафта олдин биз аллақачон Криштиану атрофидаги воқеалар ҳақида инсайдерлар билан сухбатлашдик - ўшандан бери кўплаб янги маълумотлар пайдо бўлди.
Роналду Тен Ҳаг ва раҳбарият билан музокаралар олиб бориш учун Манчестерга қайтади
Девид Орнштейн ва Фабрицио Романонинг хабар беришича, душанба куни Роналду ўзининг супер агенти Хорхе Мендес билан бирга Лиссабондан Манчестерга қайтган (у "оилавий сабабларга кўра" "Манчестер Юнайтед"нинг Таиланд ва Австралияга мавсумолди турларини ўтказиб юборган) "Юнайтед" билан музокаралар олиб бориш учун хусусан, Эрик тен Хаг билан. Орнштейннинг таъкидлашича, португалияликнинг клубда қолиши эҳтимоли ошган, аммо ҳалигача аниқлик йўқ. Романонинг ёзишича, тен Ҳаг имкон қадар тезроқ Роналдуни ўйин моделига айлантириш ниятида.
Сешанба куни эрталаб theAthleticsнашри Роналду ва Мендес "Манчестер Юнайтед"нинг Каррингтондаги машғулот базасига етиб келишганини хабар қилди. Энг қизиғи: улар Алекс Фергюсон у ерга футболчи билан бир вақтнинг ўзида келганини ёзишган. Фергюсон ташрифининг сабаби - "Манчестер Юнайтед" футбол кенгаши йиғилиши, йиғилиш бир неча ой олдин ўтказилиши режалаштирилган ва Роналдуга алоқаси йўқ.
Криштиану музокаралар давомида "Манчестер Юнайтед" машғулотларида қатнашадими ёки йўқми ҳозирча номалум. АС журналисти Ману Сайнснинг таъкидлашича, Роналду бўйича музокаралардан асосий мақсад раҳбариятни унинг кетиш нияти ҳақида хабардор қилишдир. Бу қийин бўлади шекилли.
Айтилишича, Мендес “Юнайтед”дан 37 ёшли форвардни келаси мавсумда Чемпионлар лигасида ўйнаши учун ижарага беришни сўраган.
Криштиану ва Мендес "Бавария"ни исташмоқда, аммо Мюнхен раҳбарияти бунга қарши
"Бавария" - Криштиану ва унинг агенти учун устувор вариантлардан бири, аммо спорт директори Ҳасан Салиҳамиджич ҳам, бош мураббий Юлиан Нагелсманн ҳам футболчига қизиқиш билдиришган. "Бавария" бош директори Оливер Кан Роналдуни сотиб олиши мумкинлиги ҳақидаги саволга шунчаки кулиб қўйди.
Бироз олдинроқ Кан Роналду ҳақида батафсилроқ гапирган эди. "Мен Криштиану Роналдуни яхши кўраман. У фантастик ўйинчи, лекин ҳар бир клубнинг ўз фалсафаси бор ва мен "Бавария" ва Бундеслига учун унинг трансфери ҳозир тўғри бўлишига ишончим комил эмас. Бундай футболчи бизнинг ғояларимизга тўлиқ мос келмайди”, — деди Мюнхен бош директори Кристиан Фалкга берган интервьюсида.
Симеоне Роналду билан ишлашдан манфаатдор, аммо трансфер деярли имконсиз
Криштиануга давогарлардан бири “Атлетико Мадрид” деб айтилмоқда. Маrcа хабарига кўра, трансфер имконсиз. АС, ўз навбатида, мадридликлар айни дамда форварднинг трансферини амалга ошира олмаслигини, аммо Диего Симеоне биргаликда ишлашдан манфаатдор бўлишини ёзган - у ҳар доим португалияликни ўзгача футболчи, ғолиб ва "1-рақам" сифатида тилга олган. Роналдунинг ўзи ҳам Мадрид клубига ўтишга қарши эмас - ва унинг рафиқаси Жоржина Родригес Инстаграмда Симеонега обуна бўлган.
Аммо “Атлетико” мухлислари бунга қарши – уларнинг кўпчилиги ижтимоий тармоқларда Криштианунинг Мадрид клубига ўтишига қарши чиқишмоқда. Мухлислар твиттерда #ContraCR7 (Криштиануга қарши) хештеги остида ўзларининг норозиликларини билдиришмоқда.
"Атлетико" президенти Энрике Серезо эса мухлисларни тинчлантириш ниятида: "Криштиану ва "Атлетико" ҳақидаги бу ҳикояни ким ўйлаб топганини билмайман. Бу бўлмаган гап.”
"Челси" билан вариант бор эди, аммо Тухель футболчини жамоада кўришни истамади - у Сулшер тақдирини такрорлашдан қўрқади.
Фабрицио Романонинг ёзишича, Хорхе Мендес ҳам "Челси" ва унинг янги хўжайинлари билан музокаралар олиб боришга ҳаракат қилмоқда - гарчи Томас Тухель бир неча ҳафта олдин Роналду вариантидан воз кечган бўлса ҳам. Daily Mail нашрининг ёзишича, германиялик мураббий Криштиану билан вазият гаровида қолган Оле-Гуннар Сульшер тақдирини такрорлашдан қўрқмоқда.
Экзотик вариантлар - Саудия Арабистони клуби ва "Спортинг"га қайтиш
TVI ва CNN Portuguesa хабарига кўра, Саудия Арабистонидаги клублардан бири Роналдуга 300 миллион евро ажратган. Бу маблағнинг 250 миллиони португалияликнинг икки йиллик шартномасига (йилига 125 миллион), 30 миллиони манкунианликларга трансфер учун тўловлар, 20 миллиони агентларга комиссиялар учун сарфланиши керак эди. Аммо, АС такидлаганидек, 37 ёшли футболчи бу таклифни қабул қилмаса керак - Роналду яна камида бир мавсумни Европанинг топ-клубида ўтказмоқчи.
Барча томонлар учун энг кам эҳтимолли вариант - Лиссабоннинг “Спортинг” клуби. Криштиану ҳам, Португалия клуби раҳбарияти ҳам у ерга кўчиб ўтишни рад этишди, аммо Роналдунинг “Спортинг”га яқинлиги муқобил вариантларнинг йўқлигида рол ўйнаши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
