06:00 Снукер. Wuhan Open. Финал. 08:00 Велоспорт. Пролог. Мужчины и женщины. 10:00 Снукер. Wuhan Open. Финал. 11:30 Автогонки на выносливость. FIA WEC. 6 часов Спа-Фракоршама. Гонка. 13:35LIVE Велоспорт. Первый этап. Женщины. Прямая трансляция. 15:15 Легкая атлетика. Марафон. Чикаго. 16:30 Велоспорт. Тур Ломбардии. Мужчины. 17:20LIVE Велоспорт. Первый этап. Мужчины. Прямая трансляция. 19:00LIVE Велоспорт. Джиро дель Венето. Мужчины. Прямая трансляция. 19:45 Трековый велоспорт. Чемпионат мира. Шанхай. День 1. 21:15 Велоспорт. Первый этап. Женщины. 22:00 Скалолазание. Мужчины и женщины. Финал. Мировая серия. Гуйян. 23:00 Снукер. Чемпионат мира. Финал. 00:30 Яхтинг. Дух парусного спорта. 01:00 Автогонки на выносливость. FIA WEC. 6 часов Спа-Фракоршама. Гонка. 03:00 Снукер. British Open. Финал. 04:30 Автогонки на выносливость. FIA WEC. 24 часа Ле-Мана. Гонка.
Яқинлашиб келаётган Жаҳон чемпионати олдидан яна бир мамлакат ҳақида сўз юритамиз. Осиёда ўз ўрнига эга бўлган Эрон билан танишинг.
Лақаби - Форс шаҳзодалари. ФИФА рейтингида 23-ўрин. Жаҳон чемпионатига олтинчи бор боради. Б гуруҳи. Рақиблар: Англия, АҚШ, Уэльс.
1-тур, 21-ноябрь. Англия - Эрон 2-тур, 25 ноябрь. Уэльс - Эрон 3-тур, 29 ноябрь. Эрон - АҚШ
Олдинги муваффақиятлар
Россиядаги жаҳон чемпионати Эрон учун тарихдаги энг яхшиси бўлди: жамоа тўрт очко жамғариб, гуруҳда учинчи ўринни эгаллади. Келинг, қандай бўлганини эслайлик. Испания, Португалия, Марокаш, Эрон – олдиндан ҳаммаси аёндек, иккита фаворит ва иккита аутсайдер бор эди. Биринчи турда Эрон Марокаш билан ўйнади. Бу "шаҳзодалар"га очко олиш учун ягона имконият бўлиб туюлган эди, аммо ҳамма нарса унчалик оддий бўлиб чиқмади. Марокашликлар ўйин давомида ўткирроқ кўринди, аммо бу ҳисобни очиш учун етарли бўлмади. Финал ҳуштаги чалинишига бир неча сония қолганида, марокашлик ҳужумчи Азиз Бухаддуз гол уради, бироқ ўз дарвозасига: 1:0 ва Эроннинг ажойиб ғалабаси.
Кейинги рақиб Испания. Эронликлар замонавий футболда одат бўлганидек, тўпни испанларга бериб, ҳимояга чуқур ётиб олишди, баъзида рақиб дарвозасига шиддат билан бориб ҳам туришди. Шунга қарамай жамоа 54-дақиқагача чидаб берди - Диего Коста ҳисобни очди. Испаниянинг минимал ҳисобдаги ғалабаси. Португалия билан ҳал қилувчи ўйинда эронликлар маълум вазиятларда ҳатто устун ҳам бўлишганди – испанлар ёмонроқ ўйнаса, дуранг ҳам қайд этишлари мумкин. Меҳди Тареми қулай вазиятдан гол ура олмади. Учрашув 1:1 ҳисобида якунланди ва параллел ўйинда испанлар Марокаш билан 2:2 ҳисобида дуранг ўйнади. Натижада, саноқли дақиқалар ичида Эрон биринчи ўрин ўрнига учинчи ўринни эгаллаб, турнирдаги иштирокини якунлади.
Эронликларнинг аламли тарзда мусобақани тарк этиши кўпчилик мухлисларни хафа қилиши аниқ, лекин аслида ЖЧ-2018 ҳар қандай нуқтайи назардан Эрон футболи тарихидаги катта муваффақият бўлди десак янгилишмаймиз.
Мураббий ва ўйин услуби
Драган Скочич - Эрон футболининг фахрийси ва айни дамдаги устози.
Хорватиялик собиқ футболчи Эрон футболида 2013 йилдан бери ишлаб келмоқда, у 26 май куни “Малаван” бош мураббийи сифатида эълон қилинган ва клуб билан икки йиллик шартнома имзолаган. Драган клубни еттинчи ўринга олиб чиқди, бу 2005 йилдан бери Про-лига (Эрон олий футбол лигаси)даги энг яхши натижа. 2014 йилда Скочич амалдаги мамлакат чемпиони – “Фулад”ни бошқарган, бироқ жамоа билан катта муваффақиятларга эриша олмади. 2018 йилнинг 16 январида у Hune Be Hune компаниясининг менежери бўлди. Тез орада у дастлабки 5 ўйинда 13 очко жамғариб, чемпионатда биринчи ўринни эгаллади, шунингдек, иккинчи дивизион жамоасини Ҳазфи кубоги финалига олиб чиқди. 2019 йил июль ойида Скочич “Санат Нафт” бош мураббийи бўлди ва янги лавозимда бор-йўғи 8 ой ишлагандан сўнг, 2020 йилнинг 6 февралида Эрон терма жамоаси бош мураббийи этиб тайинланди. Драган Эронни жаҳон чемпионатига олиб чиқишга муваффақ бўлди ва 10 учрашувда мумкин бўлган 30 очкодан 25 очко тўплади, бу Эрон термасининг барча саралаш турнирларидаги энг яхши натижасидир.
2022 йилнинг 11 июлида Драган Скочичнинг истеъфоси эълон қилинган эди, бироқ 17 июль куни Эрон футбол федерацияси ўз қарорини ўзгартириб, мураббийни жаҳон чемпионати якунига қадар ўз лавозимида қолдирди. Мураббий Скочичнинг совринлар залида Хорватия кубоги, шунингдек, Словения кубоги ва Суперкубоги мавжуд.
Эрон терма жамоасининг ўйин схемаси: 4-1-4-1
Ўйин услуби - ҳимояда деярли бутун жамоа ҳаракатланади. Эроннинг ҳимоядан чиқиш йўли австралияликларнинг вариантини эслатади - таянч футболчилари орқали эркин ҳаракатланиш. Лекин, Австралиядан фарқли ўлароқ, Эронда турли ўйинчилар бўлиши мумкин - аслида тўп учун ҳамма кураш олиб боради. Эронликлар амалда кўпроқ бутун жамоа билан ҳимояланишади. Фақат форвард олдинда қолади, ҳужум чизиғининг қолган ўйинчилари эса рақиб олдинга силжиши билан ярим ҳимоя чизиғи билан бирлашади.
Сердар Азмун - Форс шаҳзодаси
Кўпчилигимизга яхши таниш ҳужумчи Эрон футболининг асосий юлдузи ҳисобланади. Сердар 27 ёшида терма жамоа сафида 62 та ўйин ўтказиб, 40 та гол уришга муваффақ бўлди! Transfermarkt "Байер" ҳужумчисини 22 миллион еврога баҳолаб, уни Эроннинг энг қиммат футболчисига айлантиради. Бўлажак жаҳон чемпионати терма жамоа учун ҳужумчи фаолиятидаги асосий турнир бўлиб турибди, айниқса унинг мухлислар билан муносабатлари оғир бўлган бир паллада, у ҳали умидларни оқлай олмаган.
Видеода Сердарнинг энг яхши голларидан бири акс этган.
Меҳди Тареми
Ажабланарлиси шундаки, ЖЧ-2018дан кейин Таремининг фаолияти юқорига кўтарилди. Ҳужумчи Португалияга кўчиб ўтди: "Порту"да, ҳар мавсумда камида 15 та гол уриш даражасига чиқди.
Меҳди 30 ёшда ва карьерасининг чўққисида, шунинг учун ҳозир йирик футбол турнирларида ўзини кўрсатиш учун энг яхши вақт, айниқса 2018 йилдаги тарихга назар ташласак.
Алиризо Жаҳонбахш - сўнаётган юлдуз
Алиризо охирги жаҳон чемпионатидан олдин терма жамоанинг асосий юлдузи эди. 2018 йилда вингер Голландиянинг "АЗ Алкмаар" клубида ажойиб мавсум ўтказди ва Премьер-лигага, аниқроғи "Брайтон"га ўтди. Трансфер суммаси 19,00 миллион еврони ташкил қилди. Англияда иқтидорли йигитнинг ишлари юришмади, уч мавсум давомида у ҳужумкор ўйинчи бўлиб гол-пас тизимида 10 очко ҳам ололмади. 2021 йилда эса Жаҳонбахш Нидерландияга қайтишга қарор қилиб, "Фейеноорд"га ўтди. Алиризонинг энг зўр футбол йиллари ортда қолган бўлиши мумкин, аммо ҳозир у катта тажрибага эга ва ҳали ҳам кучли ўнг оёқ зарбасига эга.
Киритилди: 06:09, 13.08.2022. Ўқилди: 4522 марта. Фикрлар: 3 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
