Ёзги трансфер ойнаси ёпилишига тобора яқинлашиб бормоқда. Аксарият жамоалар янги мавсум олдидан кучайиб кетишди ва бошланғич турларда кучли ва асосий ўринларни эгаллашмоқда. Аммо баъзи ўтишлар ҳайратланарли. Қуйида сиз бир неча ой олдин башорат қилиб бўлмайдиган трансферлар билан танишасиз.
Пауло Дибала, "Ювентус" → "Рома", (эркин агент)
Сиз ҳам Дибалани топ-клубда кутганмидингиз? Аргентиналик ҳужумчи “Ювентус”да етти йил ўйнаб, юлдузга айланди.
Унинг шартномаси шу ёзда тугади, аммо янги шартнома бўйича музокараларда муаммолар пайдо бўлди: Пауло ва агентлар унинг истеъдодини юқори баҳоладилар ва катта суммани талаб қилишди, клуб эса бунча пул тўлашга тайёр эмас эди. Натижада Дибала эркин агентга айланди.
Дибаланинг кейинги жамоаси "Интер" бўладигандек эди. Инсайдерлар Паулонинг Милан клуби билан музокаралари ҳақида қатъият билан ёзишди ва трансфер мантиқий кўринди. Аммо сюжет ўзгарда: Дибала "Интер"га ўтишга рози бўлмади ва Чемпионлар лигасида ўйнамаядиган "Рома"ни танлади. Пауло эндигина 28 ёшда ва жамоа танлашнинг бундай пасайиши кўпчиликни ҳайратда қолдирди. Аммо мухлислар Дибалани Римда тирик афсона сифатида кутиб олишди.
Федерико Бернардески, “Ювентус” → “Торонто”, (эркин агент)
Гап “Ювентус” ҳақида кетаётгани учун Бернардески ҳақида гапирмаса бўлмайди. Бу бир йил олдин Европа чемпиони бўлиб, Канадага кетишингиз мумкинлиги ҳақидаги ҳикоя. Бир неча йил олдин Федерико Италиянинг асосий истеъдодларидан бири ҳисобланарди. У "Фиорентина"да ўзини кўрсатди ва табиийки ўша йиллардаги энг яхши Италия жамоаси "Ювентус"га ўтди. Бернардески умидларни оқламади.
Ҳаммаси Дибаладагидек якунланди. Бернардески ва "Ювентус" янги шартнома борасида келиша олишмади ва футболчи жамоасиз қолди. Бироқ Феденинг танлови бироз гъалати бўлиб чиқди. Ҳозир у МЛСда "Торонто" таркибида ўйнайди. Италиялик футболчининг Европадаги фаолияти 28 ёшида шундай тўхтаб қолгани ҳайратланишга арзимайдими?
Рики Пуч, “Барселона” → “ЛА Гэлакси”, (эркин агент)
Эркин агент сифатида яна бир ҳаракат. Пуч "Барса"да тарбияланди ва 2019 йилда аосий таркибга кириб келган. Унда ўйинлар сони аста-секин ўсиб борди, мухлисларнинг эса ярим ҳимоячидан умидлари катта эди.
"Барса" ярим ҳимоясидаги ҳозирги рақобатни ҳисобга олсак, Пучнинг кетиши мантиқий туюлди. Рики АҚШга бориб, “Лос-Анжелес Гэлакси”нинг тўлақонли футболчисига айланди. Тўғри, Пуч эшикни очиқ қолдирди - "Барса" ўз шогирдини қайтариб олиш ҳуқуқига эга.
Анхелиньо, “РБ Лейпциг” → “Хоффенхайм”,(ижара)
Икки йил аввал Анхелиньо “Манчестер Сити”да ўз ўрнини топа олмади, кейин эса “Лейпциг”га ўтди ва ажойиб ўйин кўрсата бошлади. Испаниялик футболчи ўтган мавсумда асосий ўйинчи бўлган ва барча мусобақаларда қатнашган.
Кейин нима бўлди? Анхелиньо кутилмаганда “Хоффенхайм”га ижарага берилди. Эҳтимол, Доменико Тедескога 25 ёшли футболчи керак эмас.
Каспер Шмейхель, “Лестер” → “Ницца”, 1 млн евро
Шмейхель "Лестер"нинг ҳақиқий афсонаси. У элитага қайтишдан, шов-шувли чемпионликкача жамоа билан бирга эди. Бу вақт давомида Каспер асосий дарвозабон бўлиб қолди.
Шу ёзда эса кичик Шмейхель Францияга жўнаб кетди. Ҳар ҳолда, бундай трансферни олдиндан айтиш деярли мумкин эмас эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Испания
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
