Алексей Евстафеев: «Непал билан ўйин бошқача бўлади»
22 ёшгача бўлган ёшлар ўртасидаги Осиё чемпионатининг "D" саралаш гуруҳларида эртага навбатдаги тур ўйинлари бўлиб ўтади. Ўзбекистонликлар "Дасрат" стадионида Непални синовдан ўтказишади. Непал ўтказилган 2та тур натижаларига кўра, битта ғалаба (Бангладеш 4:1) ва бир мағлубиятга учраб (Яман 0:1) ҳозирча 3 очкога эга бўлиб турган бўлса, Евстафеев шогирдлари ҳисобида 1та ўйинда 1 ғалаба мавжуд (Бангладеш 2:1).
Ўзбекистонга қарши ўйиндан аввал Непал бош мураббийи Кришна Тапа қуйидагиларни айтиб ўтди: "Биз ҳозир катта босим остида турибмиз. Биз Бангладеш ва Яманни мағлуб этишни режалаштиргандек, аммо Яманга ютқазиб қўйдик. Энди йўқотадиган нарсамиз йўқ. Ўзбекистонга қарши ўйинда ҳужумкор тактика танлаймиз.
Мезбонларга қарши бўладиган баҳс хусусида Алексей Евстафеев эса қуйидагича фикр юритди: "Непал футболчилари тезкор. Мен уларнинг Бангладеш ва Яманга қарши ўйинларини кўрдим. Биз 10, 8 ва 21-рақамли футболчилар (Жагжийт, Анил Оҳжа ва Бҳарат Хавас)дан эҳтиёт бўлишимиз керак. Бангладешга қарши ўйинни яхши ўтказа олмадик. Непал билан ўйин эса бутунлай бошқача ўйин бўлади. Биз очко йўқотишни истамаймиз".
U-22 Осиё чемпионати-2013 “D” саралаш гуруҳи
Иштирокчилар: Ўзбекистон, Иордания, Яман, Бангладеш, Непал.
20 июнь, чоршанба
14:15. Иордания - Бангладеш
17:25. Ўзбекистон - Непал
22 июнь, жума
14:15. Яман - Ўзбекистон
17:25. Иордания - Непал
24 июнь, якшанба
14:15. Бангладеш - Яман
17:25. Ўзбекистон - Иордания
Киритилди: 21:45, 19.06.2012. Ўқилди: 6359 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).