"МЮ"нинг бугунги эгалари бўлган Глейзерлар оиласи клубнинг айрим акцияларини сотиши ҳақида хабарлар тарқалганди. Аммо ҳозир бутунбошли жамоани сотиб олишга даъвогар шахс пайдо бўлган. Унинг исми Жим Рэтклиффдир. Жим Буюк Британиядаги энг катта бизнесменлар қаторига киради. Манбаларга кўра, у 11 миллиард фунтга эгалик қилади. Агарда Глейзерлар хоҳласа, Рэтклифф жами қиймати 5 миллард фунтлик клубни сотиб олиб, "тўлиқ назорат"ни ўз қўлига олиши мумкин. Бу ҳақида бизнесменнинг матбуот котиби шундай дейди:
"Агарда бу клуб сотиладиган бўлса, Жим уни сотиб олишга тайёр. Раҳбарият рози бўлса, биз ҳозироқ музокаралар ўтказиб, клубни узоқ вақтлик эгасига айланишимиз мумкин. Гап бу ерда сарфланадиган пул ҳақида кетаётгани йўқ. Гап қадриятлар ҳақида кетмоқда".
Ушбу ҳолатга "МЮ"нинг собиқ юлдузи Андерсон ҳам муносабат билдирди. У шундай дейди: "Сер Жим шу ерлик одам. Унинг клубга қанча пул сарфлаши аҳамиятсиз. Муҳими, у "МЮ"нинг юрагини, мухлислар тилагини яхши билади. Сер Жим бу клубнинг мухлиси. Шу сабабли мен уни янги эгага айланишини истайман. Глейзерларнинг клубда қиладиган иши қолмади. Улар кетиши керак. Ишончим комилки, дунёдаги миллионлаб "Манчестер Юнайтед" мухлислари ҳам шуни исташади".
Ўтмишда клубнинг директори бўлиб ишлаган Майкл Найтон ҳам вазиятга ўз баҳосини берди. У шундай дейди: "Глейзерлар хонадони "МЮ"нинг глобал брендига зарар етказди. Менинг уларга шахсий адоватим йўқ. Аммо улар қўллаётган модел хатодир. Охирги пайтларда улар клубга катта маблағ ажратмай қўйди. Буни "МЮ"нинг трансфер бозоридаги ҳолатидан ҳам кўришимиз мумкин. Қолаверса, "Олд Траффорд"нинг ҳам ҳозирги аҳволига ҳавас қилиб бўлмайди".
Ҳафта бошида Глейзерлар 2005 йилдан буён "МЮ" трансферларига жами 1,1 миллиард фунт сарфлагани маълум бўлган эди. Айни дамда эса клубнинг қарзлари ҳам анча кўпайиб қолган. Айрим манбаларда унинг қиймати 627 миллион фунт экани айтилади. "Манчестер Юнайтед" янги мавсумнинг дастлабки иккита учрашувини бой берганди. Ҳозир эса улар жадвалнинг қуйи поғонасида турибди. Кўрамиз, воқеалар ривожи қандай кўриниш оларкин. Жим Рэдклиффга эса бу борада омад тилаймиз. Агарда у "МЮ"ни сотиб олишни уддаласа, жамоада қайтадан қуриш ишлари бошланиши аниқ. Ҳархолда, ҳозирги муаммоларнинг таг замирида ҳақиқатдан ҳам Глейзерлар ётган бўлса, қайта қуриш ҳаммасини ўзгартириши мумкин.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
