Ҳар дам олиш кунлари Англия Премьер-лигаси минглаб одамларни стадионларда, яна миллионлаб одамларни эса телевизор экранлари олдида бирлаштиради. АПЛ шиддатли ўйинлар, кўплаб қизиқарли қарама-қаршиликлар, юқори тезлик ва албатта урилган голлар сони билан томошабинларни ўзига тортади. Келинг, бугун Премьер лига тарихидаги энг яхши 5 тўпурарни кўриб чиқайлик.
Фрэнк Лэмпард (506 ўйин, 164 гол)
Лэмпард ҳужумчи эмас эди, лекин ҳали ҳам Премьер-лига тўпурарлари рўйхатида бешинчи ўринда турибди. Фрэнк Премьер-лигада жуда кўп вақт ўтказди - деярли бутун фаолиятини. Собиқ ярим ҳимоячи "Челси"да 11 йил ўйнади. Лондон клуби билан биргаликда Лэмпард мамлакат миқёсида ҳамма совринни, шунингдек, Чемпионлар лигаси ва Европа лигасини ютган. Фрэнк "кўклар" афсонасига айланди, шундан сўнг у "Манчестер Сити" ва "Ню-Йорк Сити"да ўйнади. Нафақага чиққанидан сўнг Лемпард "Дерби Каунти" ва "Челси"ни бошқаришга муваффақ бўлди ва ҳозирда "Эвертон"ни бошқаради.
Тьерри Анри (241 ўйин, 170 гол)
Анри "Арсенал" ва бутун Премьер-лига ўзига хос шахсият ҳисобланади. Франциялик футболчи Лондон клубига 1999 йилнинг ёзида “Ювентус”дан ўтган эди. Трансфер суммаси 16 миллион еврони ташкил қилди. "Канонирлар" билан биргаликда собиқ футболчи Чемпионлар лигасидан ташқари ҳамма совринни ютган. Собиқ ҳужумчи "канонирлар" сафида 8 йилини ўтказди. Шундан сўнг унинг фаолиятида "Барселона" ва "Ню-Йорк Ред Буллс" клубларида давом этди. Анри "Арсенал" ва Франция тарихидаги энг яхши тўпурар ҳисобланади. Нафақага чиққанидан сўнг у "Монако" ва "Монреал Импакт"ни бошқаришга улгурди, ҳозирда эса Бельгия терма жамоасида Роберто Мартинесга ёрдам бермоқда.
Серхио Агуэро (275 ўйин, 184 гол)
2011 йилнинг ёзида Агуэро "Атлетико"дан "Манчестер Сити"га ўтганида ўзини Премьер-лигада топди. Трансфер суммаси 40 миллион еврони ташкил қилди. Серхио 10 йилни "шаҳарликлар" таркибида ўтказди. Аргентиналик футболчи “Манчестер Сити” билан 15 та соврин ютиб, клуб тарихидаги энг яхши тўпурарга айланди. Англияни тарк этгач, Агуэро “Барселона”га кўчиб ўтди, аммо у ерда ўзи режалаштирганидек кўп вақт ўтказмади. Юракдаги муаммолар туфайли собиқ ҳужумчи фаолиятини якунлашга мажбур бўлди.
Харри Кейн (283 ўйин, 185 гол)
Кейн бутун фаолиятини "Тоттенхэм"да ўтказяпти. У “Лейтон Ориет”, “Миллвалл” ва “Норвич” клубларида ижарада ўйнаган, аммо футболчи узоқ вақт давомида ўз она клубини тарк этмаган. Ажабланарлиси шундаки, Харри Премьер-лиганинг энг яхши тўпурарларидан бири бўлиб, ҳали бирор совринни қўлга киритмаган. Унинг "шпорлар" билан ҳозиргача эришган энг яхши ютуқлари икки марта Англия лига кубоги финалига чиқиш ва Чемпионлар лигаси финалига чиқишдир. Кейн яқинда "Тоттенхэм"ни тарк этмоқчи эди, аммо ҳозир Антонио Конте қўл остида яхши ишламоқда. Ким билади дейсиз, балки у футболчини биринчи кубоги сари етаклайди.
Уэйн Руни (491 ўйин, 208 гол)
Руни Премьер-лиганинг энг яхши тўпурари ҳисобланади. Уэйн бу номга лойиқ эди, чунки у фаолиятининг асосий қисмини Премьер-лигада ўтказди. 2002 йилда инглиз футболчиси "Эвертон"нинг асосий таркибида дебют қилди ва 2 йилдан сўнг 37 миллион евро эвазига "Манчестер Юнайтед"га ўтди. Руни 13 йилни "Манчестер Юнайтед"да ўтказди, шундан сўнг "Эвертон", "ДС Юнайтед" ва "Дерби Каунти"да ўйнади. Собиқ ҳужумчи манкунианликлар билан биргаликда 16та совринни қўлга киритган. Руни барча мусобақаларда 253 та гол урган "Манчестер Юнайтед" тарихидаги энг яхши тўпурар ва 53 та гол билан Англия терма жамоасининг энг яхши тўпурари ҳисобланади. Уейн бир кун келиб "Эвертон" ёки "Манчестер Юнайтед" бош мураббийи бўлишни орзу қилади, аммо ҳозирча у “ДC Юнайтед”ни бошқаради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
