Себастьян Абреу Уругвайнинг кичик Минас шаҳрида туғилган, Монтевидеодаги Дефенсор Спортинг Академияси битирувчиси.
У Европа, Жанубий, Шимолий ва Марказий Американинг 11 мамлакатидан 31 та клуб cафида тўп тепган ва жами 37 бор ўз жамоасини алмаштирган. Улар орсида Абреу энг кўп борган клуб "Насионал" бўлиб, у ерга Абреу 4 марта қайтиб келган. Бу ерда у энг катта муваффақиятга эришди ва Уругвайнинг беш карра чемпиони бўлди.
Уругвайлик икки марта Аргентина чемпиони бўлган - "Сан-Лоренсо" (Клаусура-2001) ва "Ривер Плейт" (Клаусура-2008) билан. У марказий ҳужумчи сифатида ўйнаган ва анча самарали кўрсаткичларга эга (фаолияти давомида Абреу клублар миқёсида 756 та расмий ўйин ўтказиб, 401 та гол урган).
Круз Америка (2002 йил ёзги чемпионат - 21 гол), Дорадос де Синалоа (Апертура 2005 - 11), Монтеррей (Клаусура 2006) клублари футболчиси сифатида Абреу уч марта Мексика чемпионатининг энг яхши тўпурари бўлган.
Абреу жуда кўп гол урган ва "Ботафого"даги ўйинлари давомида (икки ярим мавсумда 62 та гол), у билан Рио-де-Жанейро штати чемпиони бўлди, Гуанабара кубоги ва Рио кубогини қўлга киритди.
Ҳужумчи сўнгги ўйинни 43 ёшида ўтказиб, ўз шаҳрининг "Олимпия" клубидаги фаолиятини якунлади.
Уругвай терма жамоаси
1996-2011 йиллар
Себастьян Абреу Уругвай терма жамоасида 15 йил ўйнаган, 72 ўйин ўтказган, 26 гол урган, иккита жаҳон ва учта қитъа чемпионатларида иштирок этган. 2002 йилги жаҳон чемпионатида Абреу учта ўйинни ҳам ўтказди, аммо уругвайликлар кейинчалик гуруҳдан чиқа олишмади.
ЖЧ-2010 Уругвай терма жамоасида Эдисон Кавани, Диего Форлан ва Луис Суарес ҳужумда трио ҳосил қилишган. Шундан сўнг Абреу 4 та учрашувда захирадан майдонга тушди ва чорак финалда Гана терма жамоасига қарши ўйиндан сўнг пенальтилар сериясида "паненка" услубида гол уриб машхур бўлган эди.
Себастьян Абреу - мураббий
Себастьян Абреу уч марта фаолиятини якунлаганини эълон қилди. Биринчи марта бу 2016 йилда содир бўлган эди, кейин уругвайлик у Сальвадорнинг "Санта Текла" клубига мураббий бўлди.
Кейин у қайтишга қарор қилди ва 2020 йилда "Бостон" клубида мавсум якунлангач, уни бош мураббий сифатида бошқарган. Яна Абреунинг сабри узоққа чўзилмади.
Бирин-кетин, бу сафар, афтидан, оҳиргиси, футболчилик фаолияти билан хайрлашиб, Себастьян Абреу қисқа муддатга Боливиянинг "Олвеис Риди" клубини бошқарган эди.
Қизиқарли фактлар ва рекордлар
2018 йилда Чилининг "Аудах Италиано" клубига ўтганидан сўнг, Абреу энг кўп клубда ўйнаган футболчи сифатида Гиннеснинг рекордлар китобига кирди. Ўша пайтда у ўйнаган клублар сони 26 та эди.
Абреу ўз фаолиятида уч марта календарь йилида учта клубда (2002, 2017 ва 2021) ўйнаган. бу ҳам ўзига ҳос 2 рекорддир. 2008 йилда у икки марта "Ривер Плейт"га келди ва бу ташрифлар оралиғида "Бейтар Қуддус"да ўйнаганди.
"Эль Локо" - "Ақлдан озган", бундай лақабни мухлислар Себастьян Абреуга беришган.
Бунинг сабабларидан бири Себастян Абреунинг "паненка" услубидаги пенальтиларга берилиб кетгани бўлган. Менимча, у "паненка" услубида энг кўп пенальти тепган футболчи ҳам бўлса керак.
"Фигуэиренсе" таркибида Абреу "Фламенго" билан ўйинда футболкасининг ичидан "Ботафого" ("Фламенго"нинг энг ашаддий рақиби) формасини кийиб олган ва ўйин давомида бу клуб эмблемасини кўз-кўз қилгпн. Бу воқеа стадионда тартибсизликларга сабаб бўлди ва уругвайлик футболчи бир ўйинга дисквалификация қилинди.
Абреу аксарият клублар ва Уругвай терма жамоаси учун 13 рақамли либосда майдонда ҳаракат қилган.
Ҳозир Себастьян Абреу футболдан дам олмоқда. У ҳали келажакдаги касби ҳақида бир қарорга келмаган.
Миржалол Пардабоев тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
