Sebastyan Abreu Urugvayning kichik Minas shahrida tug‘ilgan, Montevideodagi Defensor Sporting Akademiyasi bitiruvchisi.
U Yevropa, Janubiy, Shimoliy va Markaziy Amerikaning 11 mamlakatidan 31 ta klub cafida to‘p tepgan va jami 37 bor o‘z jamoasini almashtirgan. Ular orsida Abreu eng ko‘p borgan klub "Nasional" bo‘lib, u yerga Abreu 4 marta qaytib kelgan. Bu yerda u eng katta muvaffaqiyatga erishdi va Urugvayning besh karra chempioni bo‘ldi.
Urugvaylik ikki marta Argentina chempioni bo‘lgan - "San-Lorenso" (Klausura-2001) va "River Pleyt" (Klausura-2008) bilan. U markaziy hujumchi sifatida o‘ynagan va ancha samarali ko‘rsatkichlarga ega (faoliyati davomida Abreu klublar miqyosida 756 ta rasmiy o‘yin o‘tkazib, 401 ta gol urgan).
Kruz Amerika (2002 yil yozgi chempionat - 21 gol), Dorados de Sinaloa (Apertura 2005 - 11), Monterrey (Klausura 2006) klublari futbolchisi sifatida Abreu uch marta Meksika chempionatining eng yaxshi to‘purari bo‘lgan.
Abreu juda ko‘p gol urgan va "Botafogo"dagi o‘yinlari davomida (ikki yarim mavsumda 62 ta gol), u bilan Rio-de-Janeyro shtati chempioni bo‘ldi, Guanabara kubogi va Rio kubogini qo‘lga kiritdi.
Hujumchi so‘nggi o‘yinni 43 yoshida o‘tkazib, o‘z shahrining "Olimpiya" klubidagi faoliyatini yakunladi.
Urugvay terma jamoasi
1996-2011 yillar
Sebastyan Abreu Urugvay terma jamoasida 15 yil o‘ynagan, 72 o‘yin o‘tkazgan, 26 gol urgan, ikkita jahon va uchta qit’a chempionatlarida ishtirok etgan. 2002 yilgi jahon chempionatida Abreu uchta o‘yinni ham o‘tkazdi, ammo urugvayliklar keyinchalik guruhdan chiqa olishmadi.
JCH-2010 Urugvay terma jamoasida Edison Kavani, Diyego Forlan va Luis Suares hujumda trio hosil qilishgan. Shundan so‘ng Abreu 4 ta uchrashuvda zaxiradan maydonga tushdi va chorak finalda Gana terma jamoasiga qarshi o‘yindan so‘ng penaltilar seriyasida "panenka" uslubida gol urib mashxur bo‘lgan edi.
Sebastyan Abreu - murabbiy
Sebastyan Abreu uch marta faoliyatini yakunlaganini e’lon qildi. Birinchi marta bu 2016 yilda sodir bo‘lgan edi, keyin urugvaylik u Salvadorning "Santa Tekla" klubiga murabbiy bo‘ldi.
Keyin u qaytishga qaror qildi va 2020 yilda "Boston" klubida mavsum yakunlangach, uni bosh murabbiy sifatida boshqargan. Yana Abreuning sabri uzoqqa cho‘zilmadi.
Birin-ketin, bu safar, aftidan, ohirgisi, futbolchilik faoliyati bilan xayrlashib, Sebastyan Abreu qisqa muddatga Boliviyaning "Olveis Ridi" klubini boshqargan edi.
Qiziqarli faktlar va rekordlar
2018 yilda Chilining "Audax Italiano" klubiga o‘tganidan so‘ng, Abreu eng ko‘p klubda o‘ynagan futbolchi sifatida Ginnesning rekordlar kitobiga kirdi. O‘sha paytda u o‘ynagan klublar soni 26 ta edi.
Abreu o‘z faoliyatida uch marta kalendar yilida uchta klubda (2002, 2017 va 2021) o‘ynagan. bu ham o‘ziga hos 2 rekorddir. 2008 yilda u ikki marta "River Pleyt"ga keldi va bu tashriflar oralig‘ida "Beytar Quddus"da o‘ynagandi.
"El Loko" - "Aqldan ozgan", bunday laqabni muxlislar Sebastyan Abreuga berishgan.
Buning sabablaridan biri Sebastyan Abreuning "panenka" uslubidagi penaltilarga berilib ketgani bo‘lgan. Menimcha, u "panenka" uslubida eng ko‘p penalti tepgan futbolchi ham bo‘lsa kerak.
"Figueirense" tarkibida Abreu "Flamengo" bilan o‘yinda futbolkasining ichidan "Botafogo" ("Flamengo"ning eng ashaddiy raqibi) formasini kiyib olgan va o‘yin davomida bu klub emblemasini ko‘z-ko‘z qilgpn. Bu voqea stadionda tartibsizliklarga sabab bo‘ldi va urugvaylik futbolchi bir o‘yinga diskvalifikasiya qilindi.
Abreu aksariyat klublar va Urugvay terma jamoasi uchun 13 raqamli libosda maydonda harakat qilgan.
Hozir Sebastyan Abreu futboldan dam olmoqda. U hali kelajakdagi kasbi haqida bir qarorga kelmagan.
Mirjalol Pardaboyev tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
