Чемпионлар лигаси. Гуруҳ босқичи қуръаси ҳақида батафсил маълумот
Европа чемпионлар лигасида саралаш босқичи якунланиб, гуруҳ босқичида иштирок этадиган барча 32та жамоанинг номи аниқ бўлди. Бугун эса мусобақанинг гуруҳ босқичига қуръа ташлаш маросими бўлиб ўтади.
Қачон ва қаерда?
Қуръа маросими 25 август, пайшанба куни Туркиянинг Истанбул шаҳрида ўтказилади. Тадбир Тошкент вақти билан 21:00да бошланади. Маросимни “Спорт” канали жонли трансляция қилиши режалаштирган.
Кимлар иштирок этади?
Гуруҳ босқичи йўлланмасини қўлга киритган 26 та жамоа ва саралаш босқичидан ўтган 6та клуб қуръада иштирок этишади. УЕФА клублар рейтинги асосида жамоалар 4та саватчага бўлинган. Саватчалар билан таништириб ўтамиз.
1-САВАТ
"Реал" (Испания, ЕЧЛнинг амалдаги ғолиби)
"Айнтрахт" (Германия, Европа лигасининг амалдаги ғолиби)
"Манчестер Сити" (Англия)
"Милан" (Италия)
"Бавария" (Германия)
"Пари Сен-Жермен" (Франция)
"Порту" (Португалия)
"Аякс" (Нидерландия)
2-САВАТ
"Ливерпуль" (Англия)
"Челси" (Англия)
"Барселона" (Испания)
"Ювентус" (Италия)
"Атлетико" (Испания)
"Севилья" (Испания)
"Лейпциг" (Германия)
"Тоттенхэм" (Англия)
3-САВАТ
"Боруссия" Дортмунд (Германия)
"Зальцбург" (Австрия)
"Шахтер" (Украина)
"Интер" (Италия)
"Наполи" (Италия)
"Спортинг" (Португалия)
"Байер" (Германия)
"Олимпик" (Франция)
4-САВАТ
"Бенфика" (Португалия)
"Брюгге" (Бельгия)
"Селтик" (Шотландия)
"Маккаби" Хайфа (Исроил)
"Виктория" (Чехия)
"Рейнжерс" (Шотландия)
"Копенгаген" (Дания)
"Динамо" Загреб (Хорватия)
Қуръа механизми
1. Бир саватча вакиллари бир гуруҳдан ўрин олмайди.
2. Бир мамлакат жамоалари бир гуруҳга тушмайди.
3. Бир давлатнинг иккита жамоаси бўлса, уларнинг ўйинларини сешанба ва чоршанба кунларига қўйиш мақсадида жамоалардан бири дастлабки 4та гуруҳдан бирига ("A" - "D"), иккинчиси қолган гуруҳларга ("E" - "H") жойлаштирилади. Тўртта жамоа билан иштирок этаётган мамлакат вакилларига нисбатан ҳам шундай қоида қўлланилади.
4. Бошқа чекловлар ҳақида қуръа жараёнида маълум қилинади.
Тақвим
Қуръадан сўнг мусобақа тақвими ишлаб чиқилади. Гуруҳ босқичи 8 ҳафта ичида ўтказилади. Сўнгги тур ўйинлари 1 ва 2 ноябрь кунлари ўтказилади (20 ноябрь куни ЖЧ-2022 бошланиши сабабли). Гуруҳларда дастлабки 2та ўринни эгаллаган жамоалар нимчорак финалга йўл олади. Учинчи ўрин эгалари ўз иштирокини Европа лигасида давом эттиришади.
Саналар
1-тур: 6/7 сентябрь
2-тур: 13/14 сентябрь
3-тур: 4/5 октябрь
4-тур: 11/12 октябрь
5-тур: 25/26 октябрь
6-тур: 1/2 ноябрь
1/8 финал қуръаси: 7 ноябрь
Финал қаерда ўтади?
Финал учрашуви 2023 йилнинг 10 июнь куни Истанбулдаги "Отатурк" стадионида бўлиб ўтади. Бу ўша 2005 йилда "Ливерпуль" ва "Милан" жамоалари ўртасидаги финалга мезбонлик қилган стадион.
Манба: stadion.uz
Киритилди: 08:08, 25.08.2022. Ўқилди: 9013 марта. Фикрлар: 19 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
