«Бунёдкор» фан-клуби «Пахтакор»га қарши ўйинга тайёргарлик кўради
26 июнь, сешанба куни “Жар” стадионида принцпиал рақиблар – “Бунёдкор” ва “Пахтакор” жамоалари куч синашишади.
Бу сафарги Тошкент дербиси аввалгиларидан сира ҳам қолишмайди деган умиддамиз. Боиси сўнгги тўрт йил ичида чемпионликка кетма-кет равишда эришиб, жорий мавсумда Осиё Чемпионлар лигасида мамлакатимиз шарафини муносиб ҳимоя қилиб келаётан “Бунёдкор” ўзининг принцпиал рақиби “Пахтакор” билан баҳсга киришади. Жамоалар таркиби тубдан ўзгарган бўлса ҳам, шунингдек бугунги кунда уларнинг ҳолатлари турли хил кўринишда бўлса-да, Тошкент дербисининг нуфузи ҳар доим ўша-ўша!
12-турнинг марказий учрашуви арафасида, яъни 25 июнь, душанба куни “Бунёдкор” фан-клуби аъзолари ўзларининг ўйинолди йиғилишини ўтказишади. Маросим ҳар доимгидек “Жар” стадионининг теннис кортида ташкил этилади. Бошланиш вақти соат 17:00.
Йиғилишга “Бунёдкор” фан-клуби аъзолари ҳамда жамоага бефарқ бўлмаган мухлислар таклиф этилишади. Фан-клуб аъзолари йиғилишга ўз бейжикларини олиб келишлари сўралади.
Қўшимча маълумотларни фан-клуб етакчилари Шавкат Имомов (+998 97 4177979) ва Шоазиз Шоғиёсов (+998 97 4777741)дан олишингиз мумкин.
Манба: www.fcbunyodkor.com
Киритилди: 16:09, 24.06.2012. Ўқилди: 4860 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар