Бу ёзда кўплаб юқори даражадаги трансфер келишувлари бўлди, сўнгги бир неча ой ичида Европанинг топ-клублари ўз позицияларини мустаҳкамладилар. Бироқ, ёзги трансфер ойнасининг сўнгги 24 соатида келажаглари ҳал бўлмаган бир нечта юлдуз футболчилар бор.
№5 Мемфис Депай (Барселона)
Мемфис Депай келажаги трансфер ойнасида ҳал бўлиши мумкин бўлган "Барселона" футболчиларидан биридир. Нидерландиялик футболчи Пьер-Эмерик Обамеянг ва Роберт Левандовски келганидан кейин "Барса" мураббийига керак бўлмай қолди.
Депай "Ювентус"га ўтишга яқин қолди, аммо кейинги босқичларда бу трансфер муваффақиятсизликка учради. Фабрицио Романонинг сўзларига кўра, Адриен Рабьонинг "Манчестер Юнайтед"га ўтиши мумкин бўлган трансфер муваффақиятсизликка учрагач, "бьянконерилар" келишувдан воз кечган.
Дин Жонс (GivemeSport) маълумотларига кўра, Депай "Манчестер Юнайтед"га қайтишга тайёр. Агар Криштиану Роналду трансфер ойнаси тугамасдан жамоани тарк этса, "қизил иблислар" нидерландиялик футболчига таклиф билан чиқиши мумкин.
№4 Хаким Зиеш (“Челси”)
Хаким Зиеш собиқ жамоаси “Аякс”га қайтиши мумкин. Бу ҳақда журналист-инсайдер Жанлука Ди Марцио ўз сайтида берган хабар орқали маълум қилди.
Зиеш “Челси”да асосий таркиб учун курашди, аммо лондонликларнинг умидларини оқлай олмади. Энди у мунтазам ўйин вақтини олишни хоҳлайди ва Антони "Манчестер Юнайтед"га қўшилиши билан "Аякс" ўз сафини янги футболчи билан кучайтириш ниятида.
Марокашлик футболчи "кўклар" сафида 44 ўйинда атиги 8 гол ва 6 голга ассистентлик қилган. Зиеш "Аякс"да ишлаган вақтида жаҳон даражасидаги плеймейкер ҳисобланган ва амстердамлик мухлислар унинг клубга қайтишига умид қилишмоқда.
№3 Пьер-Эмерик Обамеянг (Барселона)
Обамеянг норози бўлиб қолганга ўхшайди. Габонлик футболчи "Челси"га ўтишга умид қилмоқда. Габонлик "Барселона"га 2022 йилнинг январида трансфер ойнасида қўшилган эди. У клубда каталонияликлар учун жуда ҳурматли иш қилди, Обамеянг 2021/22 мавсумда "Барселона" сафида барча мусобақаларда 23 та ўйинда майдонга тушиб, 13 та гол урди ва битта голли узатмани амалга оширди. Аммо "Арсенал"нинг собиқ ҳужумчиси "Бавария"дан Левандовски келганидан кейин таркибдаги ўрнини йўқотди.
"Челси" уни ўз сафига қўшиб олмоқчи, бироқ Фабрицио Романонинг сўзларига кўра, улар ҳалигача "Барселона" билан шартнома шартлари бўйича тўлиқ келишувга эриша олишмаган. Томонлар келишувга эришиш учун чоршанба куни яна учрашадилар.
№2 Френки де Йонг (Барселона)
Бутун ёз давомида Френки де Йонг Каталония клубини тарк этиши ҳақида хабарлар тарқалган эди. Каталонияликлар нидерландиялик футболчидан қутулмоқчи экани кенг муҳокама қилинган, аммо у “Камп Ноу”да қолишни режалаштираётган кўринади. "Манчестер Юнайтед" "Барселона" билан ярим ҳимоячини 85 миллион еврога трансфер қилишга келишиб олди, бироқ футболчи кетишдан бош тортди.
Журналист Руди Галетти (The Express) хабарига кўра, "Юнайтед" вакиллари ва Де Йонгнинг агенти Али Дурсун ўртасидаги музокаралар ҳали ҳам давом этмоқда. Кейинги бир неча соатлар Де Йонгнинг келажаги учун ҳал қилувчи бўлиши мумкинлиги таъкидланмоқда.
Френкининг "Олд Траффорд"га ўтишни истамаганига асосий сабаб сифатида "Юнайтед"нинг Чемпионлар лигасида иштирок эта олмагани кўрсатилган. Френки учун устувор вазифа Каталонияда қолиш.
№1 Криштиану Роналду (Манчестер Юнайтед)
Криштиану Роналду Чемпионлар лигасида ўйнаш истагида "Манчестер Юнайтед"ни тарк этмоқчи. Бу ёзда португалиялик "икона" Европанинг бир қанча топ-клубларига таклиф қилинди, аммо бу ҳеч қандай натижа бермади. Баъзи клублар, масалан, "Бавария" ва "Боруссия Дортмунд" бу ғояни очиқчасига рад этишди.
Correira Della Sport хабарига кўра, Роналду "Челси" уни трансферларнинг сўнгги кунида сотиб олишига умид қилмоқда. “Кўклар” “Барселона”дан Обамеянгни қўлга кирита олмасалар, 37 ёшли футболчига мурожаат қилишлари мумкин деган фикр бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
