Нодирхўжа Йўлдошевнинг постида Диёр ҳакамлар пулини ошириши керак, деган жойи бор экан (слишком "крутой" одам бўлиб кетганимни бугун билибман). ПФЛ раҳбари сифатида 2020 йилдан буён ишлаб келаётган бўлсам, шу вақт ичида Суперлига ҳакамларининг гонорари 2,5 млн сўмдан 6 млн сўмгача ошди. Бугунги кунда ойда 3 та катта ва 1 та кичкина ўйин бошқарадиган ҳакамнинг 20 млн сўмдан кўпроқ пули бор. Битта турда айрим ҳакамлар ҳам ВАР мутахассиси, ҳам бош ҳакам сифатида ҳам ишлайди. Ўзбекистон шароити учун ойига 15-25 млн жуда ёмон сумма эмас.
Бу ерда чиндан ҳам обрўсизлантиришга бўлган интилиш бор. Аҳамиятлиси, буни ким қилаётгани ва ким шундан манфаатдор эканигача биламиз. Албатта ҳакамларга кўпроқ ҳақ тўлаш керак. Айниқса, аёллар чемпионатида, Биринчи лигада ишлаётган ҳакамлар гонорари паст. Аммо бизни ОКМК, НКМК, Нефтгаз ёки шу каби ташкилотлар молиялаштирмайди. Биз спиртли маҳсулотларни реклама қилиб пул топмаймиз, букмекерлик орқасидан ҳам пул ишламаймиз. Молиялаштириш манбаларимиз чегараланган. Клублардан йилига 6,5 млрд пул оламиз ва фақатгина ҳакамлар учун 8 млрд харажат қиламиз.
Муаммо борлигини билганимиз учун ҳам таклиф киритишга тайёргарлик кўряпмиз. Агар ЎФА Мусобақалар ўтказиш бўлими ҳам енг шимариб ишлаб, аёллар чемпионати, футзал чемпионати каби мусобақаларни ўзига олса, Лига сифатида биз Суперлига, Про лига, Биринчи лигада фаолият олиб бораётган ҳакамлар гонорарини янада оширишга эришамиз. ЎФА бирорта катта мусобақани ўтказиш учун ёрдам бериши керак. Ўзбек футболининг 110 йиллигини нишонлаш учун 2 млрд топилаётган бўлса, ҳар йили шу 2 млрд сўмга бемалол футзал ва аёллар чемпионатини эплаш мумкин. Қолаверса, ФИФА доим аёллар футболини кўтариш учун ёрдамини аямайди, ЎФА бу борада изланса, имконияти кўпроқ.
Ҳакамлик ҳолатини кўтариш учун энг яхши номзод бизда бор, у кишини жаҳон танийди. Мана шундай бир вақтда ҳеч ким бир четда турмаслиги керак. ЎзПФЛ имкониятлари чеклангани ҳолида шунча мусобақа ўтказаверса ва ёрдам олмаса, ўсиш бўлмайди. ФИФА кунларида Суперлиганинг 14 та клуби бош мураббийлари, ЎзПФЛ Ижроқўми аъзолари билан учрашув ўтказиб, юқоридаги масалаларни конкрет гаплашиб оламиз. Катта кеманинг фақат бир ёнида эшкакчилар ишлайвергани билан кема тез сузиб кетмайди, айланиб кетади. Ҳозир шундай бўляпти.
Диёр Имомхўжаев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
