Чемпионлар лигаси қайтмоқда! Бугун гуруҳ босқичининг 1-тур учрашувларига старт берилади. Сиз топ-клублар ҳақида ҳамма нарсани биласиз, лекин асосий еврокубокларда аутсайдерлар ҳам бор. Ва уларнинг баъзиларига ҳақиқатан ҳам симпатия қилса арзийди.Бугун шундай олти жамоа ҳақида гаплашамиз.
“Рейнжерс”
Давлат: Шотландия.
Бош мураббий: Жованни ван Бронхорст.
Машҳур футболчилар: Борна Баришич, Жеймс Тавернье, Альфредо Морелос.
Икки буюк Шотландия клубидан бирига Чемпионлар лигасига қайтиш учун узоқ вақт кетди. Жамоа охирги марта 2010/2011 йилги мавсумда асосий еврокубокда ўйнаган. Кейин банкротлик, қуйи лигага тушиб кетиш, юқори поғонага кўтарилиш, узоқ вақтдан бери биринчи чемпионлик ва ўтган мавсумда Европа Лигаси финали бўлди. "Рейнжерс" Чемпионлар лигасига тўғридан-тўғри чиқмади: саралаш босқичида улар Белгиянинг “Унион” ва ПСВ жамоаларини магълуб этди.
"Рейнжерс" ва мураббийларни қандай танлаши ҳаммани ҳайратда қолдиради. 2018 йилда клуб Стивен Жеррардга имконият берди (ва бундан афсусланмади), 2021 йилда эса инглиз ўрнини бошқа афсона нидерландиялик Жованни ван Бронхорст эгаллади.
Бундан ташқари, “Рейнжерс” кучли гуруҳга тушиб қолди. "Аякс", "Ливерпуль" ва "Наполи" - бу жамоаларнинг барчаси камтарона шотландлардан кучлироқ кўринади. Нейтрал мухлислар ишқибозлик қилиши мумкин бўлган жамоа.
"Брюгге"
Давлат: Бельгия.
Бош мураббий: Карл Хофкенс.
Машҳур футболчилар: Симон Миньолье, Дедрик Боята, Роман Яремчук.
Умуман олганда, бельгияликлар сўнгги йилларда асосий еврокубокга ўрганиб қолишган – жорий мавсум улар учун кетма-кет бешинчи бўлади. "Брюгге" ҳар сафар асосий аутсайдерлардан бири саналади, лекин учинчи ўринни эгаллаб, Европа лигасига тушишни яхши кўради.
"Брюгге"да "Рейнжерс" каби қийин гуруҳ йўқ, аммо рақиблар барибир ҳам кучли: "Порту", "Атлетико" ва "Байер". Бельгияликларни қўллаб-қувватлаймизми?
"Виктория Пльзен"
Давлат: Чехия.
Бош мураббий: Михал Билек.
Машҳур футболчилар: йўқ.
Бир вақтнинг ўзида энг омадли ва омадсиз жамоа. "Виктория" "ўлим гуруҳи"га тушиб қолди ва "Бавария", "Барселона" ва "Интер" учун асосий очко етказиб берувчи бўлиши мумкин. Танганинг тескари томони: Чехияга бирданига учта гигант клуб боради ва ҳар қандай дуранг ёки ғалаба сенсация ва байрамга айланади.
Викторияга ҳамдард бўлишнинг яна бир сабаби унинг гуруҳ босқичига йўл олишидир. Жамоа 2-саралаш босқичидан бошлаб барча синовлардан муваффақиятли ўтди.
“Динамо Загреб”
Давлат: Хорватия.
Бош мураббий: Анте Чачич.
Машҳур футболчилар: Доминик Ливакович, Мислав Орсич.
Саралашнинг плей-офф босқичида "Динамо" қўшимча бўлимда "Бодё-Глимт"ни мағлуб этди.
"Динамо"нинг гуруҳи ҳам қизиқарли. Уларда яққол фаворитлар мавжуд: “Милан”, “Челси” ва “Ред Булл Сальцбург”. Айтганча, австрияликларни бу вақтда бонус сифатида ёзиш мумкин. Бу Чемпионлар Лигасидаги энг ёш жамоа бўлиб, доимий равишда ёрқин ўйин билан мухлисларни хурсанд қилади.
"Копенгаген"
Давлат: Дания.
Бош мураббий: Жесс Торуп.
Машҳур футболчилар: Метю Раян, Виктор Классон
Шунчаки кучли гуруҳда Чемпионлар Лигасидаги энг арзон таркиблардан бирига эга жамоа. Гуруҳдаги фаворит аниқ “Манчестер Сити”. Унинг ўйинчилари жами “Копенгаген”никидан деярли 15 баравар қимматроқ (1,04 миллиард еврога 70,5 миллион евро). Камтарона данияликлар бажонидил учинчи ўрин учун курашишади, аммо бунинг учун улар "Севилья" ва Дортмунднинг "Боруссия"си билан кураш олиб боришлари керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Пахтакор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
