Кеча Наманган вилоятининг икки шаҳрида биринчи лиганинг 19-тур учрашувлари бўлиб ўтди.
"Косонсой" жамоаси ўз майдонида Жиззахнинг "Зомин" жамоасини қабул қилиб ишончли ғалабага эришди, 3:1. Косонсойликлардан голларга Искандар Нарзуллаев, Алимардон Мирзаев ҳамда Бобурмирзо Каримовлар муаллифлик қилишди. Ушбу ғалабадан сўнг косонсойликлар мусобақа жадвалида 30 очко билан 5-ўринни эгаллаб туришибди. Яна бир ғалаба уларни саккизталикка киришларини таъминлайди.
Чустда эса маҳаллий жамоа Сирдарё вилоятининг "Янгиер" клубини синовдан ўтказди. Қизиқарли курашларга бой тарзда ўтган учрашувда тажрибали саналган меҳмонлар икки бор "Чуст-Пахтакор" дарвозасига йўл топа олишди, 0:2.
Айтиш керакки, учрашувнинг сўнгги дақиқаларида бош ҳакам фарғоналик Рустам Толибжонов ўйин тизгинини қўлдан чиқариб юборди. Натижада эса ўйингоҳда тошбўрон бошланиб кетди. Бош ҳакам ва қанот ҳакамларининг хатолари мухлисларга ёқмайди. Оқибатда эса ўйингоҳга йиғилган мухлисларнинг айрим "маданиятли"лари ўзларини тийиб тура олишмади. Натижада ўйин икки маротаба бир неча дақиқа давомида тўхтатиб қўйилди. ОФК йўриқчиси - Фарҳод Абдуллаевнинг кўрсатмасига биноан ўйин давом эттирилди. Акс ҳолда учрашув тугалланмай қолиши ҳам мумкин эди.
Хакам томонидан қўшиб берилган 7 дақиқа давомида ҳам дарвозалар олдида хавфли вазиятлар кўплаб содир этилган бўлсада, ҳисоб ўзгармай қолди.
Бундай тошбўрон Чустда иккинчи маротаба қайд этилмоқда. "Гулистон" билан ўтган учрашувда ҳам шундай ҳолат юзага келганди. Бу борада ПФЛ "Чуст-Пахтакор"ни қаттиқ жазолаши ҳам мумкин.
Ушбу очко йўқотишдан сўнг "Чуст-Пахтакор" 28 очко билан 7-ўринни эгаллаб турибди.
Ўзбекистон Биринчилиги, «Ғарб» минтақаси, 19-тур учрашувлари
27 июнь, чоршанба
«Ғаллакор-Автомобилчи» (Ғаллаорол) – «Хоразм» (Урганч) – 2:1. 3230 томошабин.
Ҳакамлар: С. Зайлобидинов (Фарғона), Р. Ғопуров (Наманган), А. Ражаббоев (Наманган), А. Тачмуратов.
Назоратчи: Р. Ишмурзин (Тошкент).
Голлар: М. Ҳошимов (33), Ш. Маннонов (76, пенальти) – У. Шарипов (13).
Огоҳлантиришлар: А. Мадалиев(30), Р. Ғофуров (37), Ш. Юлдашев (52) – С. Жуманиёзов (18), О. Ўрозимбетов (32).
«Бухоро-2» (Бухоро) – «Насаф-2» (Қарши) – 2:4. 315 томошабин.
Ҳакамлар: Н. Болтаев (Навоий), Ш. Қаюмов (Жиззах), Ф. Дўсматов (Гулистон), Ш. Ражабов.
Назоратчи: Б. Мирзаев (Тошкент).
Голлар: А. Акрамов (31, 33) - Д. Ашуров (4), Р. Тоҳиров (37), З. Қўзибоев (84), А. Алланиёзов (90+1).
Огоҳлантиришлар: А. Юлдашев (62) – И. Пардаев (45), Н. Санақулов (76), З. Қўзибоев (82). Четлатиш: Н. Санақулов (иккинчи огоҳлантириш, 76).
«Хива» (Хива) – «Сурхон-2011» (Термиз) – 2:1. 2012 томошабин.
Ҳакамлар: Р. Тошмуҳамедов (Нукус), Д. Жалимов (Нукус), Д. Сарсенов (Нукус), Д. Жуманиёзов.
Назоратчи: Т. Дўстов (Бухоро).
Голлар: И. Турсунов (34), К. Самиев (67) – Н. Норов (65).
Огоҳлантиришлар: Н. Юсупов (27), Д. Расулов (57) – Хус. Турсунов (30), Ф. Норқобилов (55), Н. Норов (57).
«Шарқ» минтақаси, 19-тур ўйинлари
27 июнь, чоршанба
«Гулистон» (Гулистон) – «Нефтчи» (Тинчлик) – 5:2. 3501 томошабин.
Ҳакамлар: Д. Пислегин (Тошкент), И. Зоитов (Тошкент вилояти), Р. Маҳмудов (Тошкент вилояти), Д. Убайдуллаев.
Назоратчи: И. Шарипов (Бухоро).
Голлар: Д. Худойбердиев (36), А. Эргашев (65), В. Гаврилов (73, 90+3), З. Қорақулов (78) – М. Музаффаров (63), У. Иброҳимов (81).
24-дақиқада А.Саттаев («Гулистон») пенальтидан фойдалана олмади.
Огоҳлантириш: А. Аббосов («Нефтчи», 23).
«Бунёдкор-2» (Тошкент) – «Қўқон-1912» (Қўқон) – 2:1. 112 томошабин.
Ҳакамлар: А. Рубаков (Тошкент), Б. Жапарқулов (Тошкент), Б. Норсафаров (Қарши), В. Нажафалиев.
Назоратчи: В. Валицкий (Тошкент).
Голлар: Н. Отажонов (37), О. Ҳайдаров (49) – Д. Умаров (85).
Огоҳлантиришлар: Э. Исмоилов (65) – Ал. Тўхтабоев (39), А. Юлдашев (50), Д. Умаров (63), Г. Сайдуллаев (90+1).
«НБУ-Осиё» (Тошкент) – «Оқтепа» (Тошкент) – 1:2. 175 томошабин.
Ҳакамлар: Ш. Пўлатов (Тошкент), Ф. Ҳасанов (Наманган), Н. Тошматов (Фарғона), Ш. Қосимов.
Назоратчи: И. Раҳимов (Андижон).
Голлар: А. Абдуқодиров (28) – В. Баранов (15), З. Мирзааҳмедов (88, пенальти).
Огоҳлантиришлар: А. Петросян (67), И. Кликунов (73) – Р. Яралиев (54), Р. Раҳмонбердиев (83), А. Шашков (88), В. Баранов (90+1).
Четлатиш: И. Кликунов (иккинчи огоҳлантириш, 86).
«Атласчи» (Марғилон) – «Пахтакор-2-Чилонзор» (Тошкент) – 1:3 281 томошабин.
Ҳакамлар: А. Раҳимов (Андижон), В. Лушин (Гулистон), Т. Гайнулин (Тошкент), Д. Қосимов.
Назоратчи: С. Нажафалиев (Тошкент).
Голлар: Б. Расулов (38) – А. Муҳитдинов (10), А. Мамажонов (25, пенальти), Д. Ҳакимов (76).
Огоҳлантиришлар: Н. Мақсудов (77), Д. Юлдашев (85) – М. Убайдуллаев (45), Д. Ҳакимов (77), А. Жўрабоев (84).
Четлатиш: Б. Йигиталиев («Атласчи», 25).
«Чуст-Пахтакор» (Чуст) – «Янгиер» (Янгиер) – 0:2. 543 томошабин.
Ҳакамлар: Р. Толибжонов (Фарғона), А. Ўринов (Фарғона), С. Петров (Тошкент), Р. Фозилов.
Назоратчи: Ф. Абдуллаев (Тошкент).
Голлар: Д. Ҳасанов (56), М. Султонов (88).
Огоҳлантиришлар: С. Асқаров (66), А. Раимжонов (88) – О. Кумиков (10), А. Мустафоев (37).
«Косонсой» (Косонсой) – «Зомин» (Зомин) – 3:1. 821 томошабин.
Ҳакамлар: А. Асимов (Тошкент), Д. Сайлалов (Тошкент), М. Каримов (Тошкент), Ш. Бозоров.
Назоратчи: А. Маражабов (Андижон).
Голлар: И. Нарзуллаев (39), А. Мирзаев (50), Б. Каримов (60) – Б. Акрамов (63).
Огоҳлантиришлар: А. Мирзаев (31), И. Нарзуллаев (33) – Д Тошматов (28), Д. Холиқов (45), М. Абдураҳмонов (52).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
