Мадрид дербисидан кейин Вальверденинг футболкаси қонга беланган ҳолда кўзга ташланди. "Реал Мадрид" мухлислари Федега чексиз ҳурмат билан қарашди. Чунки уругвайлик футболчи ўша куни баҳс қаҳрамонларидан бири эди.
"Реал" Мадрид дербисида "Атлетико"ни мағлуб этди, бу ғалабага ўша куни ажойиб ўйин ўтказган "қаймоқранглилар" ёш юлдузи Федерико Вальверде ёрдам берди. Учрашувнинг 36-дақиқасида уругвайлик гол урди. Аммо иккинчи бўлимда Феде билан нохуш эпизод юз берди: Вальверде тиззасидан жароҳат олди. Уругвайликнинг футболкасида қон доғлари яққол кўриниб турарди, аниқки, ярим ҳимоячи ғалаба қозониш учун борини тўккан.
Айтиш керакки, футболчининг либосидаги қон биринчи бўлимда пайдо бўлди. Бу Вальверденинг голни нишонлаётган суратида яққол кўриниб турарди. Шунга қарамай, “Реал Мадрид” мухлислари Федериконинг жанговар руҳиятига қойил қолишди ва табиийки, Симеоне шогирдларини жуда қўпол ўйнашда айблашди. "Қироллик клуби" ўз суюклиси ҳақида қуйидаги фикрларни билдирди.
— "Вальверденинг "Атлетико" футболчиси билан тўқнашуви жуда оғриқли, мен буни биламан ва ўша эпизодга қарай олмадим".
— "Вальверде - жангчи".
Бироқ "қироллик клуби" мухлислари энди хотиржам бўлишлари мумкин: Феде ҳозир яхши формада ва аллақачон Уругвай терма жамоаси ихтиёрига қайтган. Дарвоқе у ўз мамлакатида йилнинг энг яхши спортчиси деб топилди. Charrua de Oro мукофоти мамлакат спорт журналистларининг овоз бериш йўли билан берилади. Зеро, бунга сабаблар етарлича. Ўтган мавсумда 24 ёшли ярим ҳимоячи Мадрид клуби билан Испания чемпионати ва Суперкубоги, шунингдек, "Ливерпуль"га қарши финал учрашувида (1:0) голли узатмани амалга ошириб, Чемпионлар Лигаси ва УЕФА Суперкубогида ғолиб чиққан эди. Жорий мавсумда ҳам у "Реал" сафида барча турнирлар доирасида 9 та ўйинда майдонга тушиб, 4 та гол урди ва 2 та голли узатмани амалга оширган эди. Энди унинг хизматлари эътироф этиладиган кунлар ҳам келди.
Федерикога ўйинларига омад тилаган ҳолда унинг клуби учун фидойилигини алоҳида эътироф этамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
