Madrid derbisidan keyin Valverdening futbolkasi qonga belangan holda ko‘zga tashlandi. "Real Madrid" muxlislari Fedega cheksiz hurmat bilan qarashdi. Chunki urugvaylik futbolchi o‘sha kuni bahs qahramonlaridan biri edi.
"Real" Madrid derbisida "Atletiko"ni mag‘lub etdi, bu g‘alabaga o‘sha kuni ajoyib o‘yin o‘tkazgan "qaymoqranglilar" yosh yulduzi Federiko Valverde yordam berdi. Uchrashuvning 36-daqiqasida urugvaylik gol urdi. Ammo ikkinchi bo‘limda Fede bilan noxush epizod yuz berdi: Valverde tizzasidan jarohat oldi. Urugvaylikning futbolkasida qon dog‘lari yaqqol ko‘rinib turardi, aniqki, yarim himoyachi g‘alaba qozonish uchun borini to‘kkan.
Aytish kerakki, futbolchining libosidagi qon birinchi bo‘limda paydo bo‘ldi. Bu Valverdening golni nishonlayotgan suratida yaqqol ko‘rinib turardi. Shunga qaramay, “Real Madrid” muxlislari Federikoning jangovar ruhiyatiga qoyil qolishdi va tabiiyki, Simeone shogirdlarini juda qo‘pol o‘ynashda ayblashdi. "Qirollik klubi" o‘z suyuklisi haqida quyidagi fikrlarni bildirdi.
— "Valverdening "Atletiko" futbolchisi bilan to‘qnashuvi juda og‘riqli, men buni bilaman va o‘sha epizodga qaray olmadim".
— "Valverde - jangchi".
Biroq "qirollik klubi" muxlislari endi xotirjam bo‘lishlari mumkin: Fede hozir yaxshi formada va allaqachon Urugvay terma jamoasi ixtiyoriga qaytgan. Darvoqe u o‘z mamlakatida yilning eng yaxshi sportchisi deb topildi. Charrua de Oro mukofoti mamlakat sport jurnalistlarining ovoz berish yo‘li bilan beriladi. Zero, bunga sabablar yetarlicha. O‘tgan mavsumda 24 yoshli yarim himoyachi Madrid klubi bilan Ispaniya chempionati va Superkubogi, shuningdek, "Liverpul"ga qarshi final uchrashuvida (1:0) golli uzatmani amalga oshirib, Chempionlar Ligasi va UYEFA Superkubogida g‘olib chiqqan edi. Joriy mavsumda ham u "Real" safida barcha turnirlar doirasida 9 ta o‘yinda maydonga tushib, 4 ta gol urdi va 2 ta golli uzatmani amalga oshirgan edi. Endi uning xizmatlari e’tirof etiladigan kunlar ham keldi.
Federikoga o‘yinlariga omad tilagan holda uning klubi uchun fidoyiligini alohida e’tirof etamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
