АПЛ ўзига хос лига эканини биламиз. У ерда нафақат юқори техника ва тажрибага эътибор беришади. Балки истеъдодингизга қараб, ҳатто, сизни майдонга туширишлари ҳам мумкин. Ёшингизни эса уларга аҳамияти йўқ. Асосийси шунга лойиқ бўлсангиз, бўлгани. Қуйида АПЛда энг ёш дебют қилган футболчилар рўйхати тақдим этилади.
Итан Нванери ‐ 15 йил, 5 ой, 28 кун
Нванери "Арсенал"нинг "Брентфорд" устидан қозонилган ғалабасида иштирок этди. Жароҳатланган жамоа сардори Мартин Эдегор таркибга киритилмаган эди. Унинг ўрнига Фабиу Виейра ҳаракат қилди. Ўйиннинг сўнгги дақиқаларида эса Нванери Виейрани алмаштирди. Шундай қилиб, 2007 йилда таваллуд топган ярим ҳимоячи АПЛ дебютантига айланди.
Харви Эллиот - 16 йил, 1 ой
Эллиот Нванерининг дебютига қадар рекордчи эди. У илк бор 2019 йилда "Фулхэм" сафида илк бор кўриниш берган. Ўшанда ярим ҳимоячи 16 ёш эди. Айни дамда Эллиот "Ливерпул"да ҳаракат қилмоқда. У Клопп жамоасида асосий таркиб вакилига айланди.
Меттью Бриггс - 16 йил, 2 ой, 7 кун
Бриггс АПЛда биринчи марта тўп тепганида 16 ёшга тўлганига эндигина 2 ой бўлганди. У ўз дебютини 2007 йилда "Фулхэм" билан ўтказади. Айни дамда 31 ёшли футболчи "Госпорт Боро" сафида ҳаракат қилмоқда.
Иззи Браун - 16 ёш, 3 йил, 27 кун
Брауннинг дебют баҳси 2013 йилда, "Вест Хэм" билан кечади. Кейинчалик у"Челси" академиясида ҳаракат қилган. Аммо асосий жамоага кира олмаган. Ҳозирда Браун 25 ёшда. Аммо асосий карьерасини ижараларда ўтказди. Айни дамда унинг клуби мавжуд эмас.
Аарон Леннон - 16 йил, 4 ой, 7 кун
Леннон 16 ёшида "Лидс" билан дебют қилган ва ушбу рўйхатдан жой олган. У кейинчалик 21 марта Англия терма жамоасида ўйин ўтказганди. Ҳозирда 35 ёшни қарши олган қаҳрамонимиз, айни бир клубга эга эмас.
Жосе Бакстер - 16 йил, 6 ой, 9 кун
Бакстер илк ўйинини "Эвертон" билан "Блэкберн"га қарши ўтказган эди. 2008 йилда у 16 ёш бўлган. Унинг жамоаси эса ўшанда 3-2 ҳисобида мағлуб бўлади. 30 ёшли ҳимоячининг ҳозирги қисмати жуда қизиқ. Бакстер АҚШ чемпионатида ҳаракат қилади.
Хепберн-Мёрфи - 16 йил, 6 ой, 14 кун
Ҳозирда "Свиндон" аъзоси бўлган футболчи, 2015 йилда "Астон Вилла" сафида кўриниш берганди. Ўшанда у эндигина 16 ёш бўлган. Жамоаси эса "Сандерленд"ни 4-0 ҳисобида мағлуб этган. 24 ёшли футболчи Кипр чемпионатида узоқ йил ҳаракат қилганди.
Рис Оксфорд - 16 йил, 7 ой, 24 кун
Илк бор 2015 йилда "Вест Хэм"да пайдо бўлган Оксфорд, ўшанда 16 ёш бўла туриб, "Арсенал"ни ютишга ёрдам берган. Аммо у лондонликлар билан йирик шартнома имзолагач, ўз йўлини йўқотиб қўйди. Оксфорд ҳозирда Бундеслиганинг "Аугсбург" клуби шарафини ҳимоя қилади.
Жек Робинсон - 16 йил, 8 ой, 7 кун
"Ливерпуль" сафида 16 ёшидаёқ ҳимоячи сифатида пайдо бўлган футболчи бу Робинсондир. Бу осон бўлмаган. Аммо у эплаганди. Ўшанда мерсисайдликлар "Халл Сити" билан дурангга имзо чекади. 29 ёшли ҳимоячи ҳозирда "Шеффилд Юнайтед"да ҳаракат қилмоқда.
Жек Уилшер - 16 ёш, 8 ой, 12 кун
Ушбу рўйхатдаги энг машҳур номлардан бири бу Уилшердир. У 2008 йилда илк бор АПЛ таблосида пайдо бўлади. 16 ёшли ярим ҳимоячи Англиядаги энг зўр талантлар қаторида қаралган. Аммо даҳшатли жароҳатлар уни ўсишдан тўхтатади. Уилшер "Арсенал"дан кетиб, "Вест Хэм" ҳамда "Борнмут"да ўйнаб кўрган. Ҳозирда 30 ёшни қаршилаган қаҳрамонимиз, "Арсенал"нинг 18 ёшгача бўлган жамоасида бош мураббийлик қилмоқда.
Эйнжел Гомес - 16 йил, 8 ой, 20 кун
Гомес ўз вақтида "МЮ"нинг энг катта келажакка эга футболчиси сифатида эътироф этилади. У 2017 йилда, 16 ёшида илк бот дебютини ўтказган. Ўшанда "МЮ" "Кристал Пэлас"ни мағлуб этганди. Ҳозирда 22 ёшда бўлган ярим ҳимоячи, "Лилль" шарафини ҳимоя қилади.
Шунингдек, бу рўйхатдан жой олмаган икки номни алоҳида таъкидлашни истардик. Улардан бири АПЛ афсонаси Уэйн Рунидир. У ҳам илк бор "Эвертон" сафида 16 ёшида майдонга туширилган.
Шунингдек, "Ливерпул"нинг фахрий футболчисига айланган Жеймс Милнер ҳам худди шу ёш оралиғида АПЛда дебют қилган. У 2002 йилда "Лидс" сафида порлаганди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
