Миллатлар Лигаси гуруҳ босқичини якунларига келиб Италия ва Англия жамоалари А дивизионида жон сақлаб қолиш учун курашади, деб ким ҳам ўйлабди дейсиз ? 5-тур олдидан британияликлар икки очко билан охирги, италияликлар эса 3 очко тўплаган ҳолда учинчи ўринда эди. Ажабланарлиси шундаки, бир вақтнинг ўзида Венгрия топлар билан квартетда пешқадамликни қўлга киритди. Доимий сенсациялар Миллатлар Лигасининг диққатга сазовор жиҳатидир.
Роберто Манчини келажакни ўйлаб, "Скуадра Адзурра" жамоаси билан тажриба ўтказишда давом этмоқда, чунки Италия терма жамоаси ЖЧ-2022да иштирок этмаслиги ҳеч кимга сир эмас. Британияликлар учун бу турнир Қатардаги жаҳон чемпионатига тайёргарликнинг бир қисми ҳисобланади. Аммо Миланга барча футболчилар келмади, хусусан, дарвозабон Жордан Пикфорд ва марказий ҳимоячи Калвин Филлипсда жароҳат бор.
Италия жамоаси ўйинни анча кучли бошлади. 3-5-2 схемаси бўйича ўйнаган Манчини жамоаси юқори ва агрессив прессинг қилди. Инглизларни ҳатто ўз майдон ярмида ҳам йўқотишларга йўл қўйишга мажбур қилди. Дастлабки 45 дақиқада мезбонлар 13 марта тўпни олиб қўйишган бўлса, меҳмонлар бор-йўғи учтасида тўпни олиб қўйишди.
Чап қанотда "Интер"дан Федерико Димарко жуда фаол ҳаракат қилди. Биринчи бўлимда у тўпга 29 марта тегиб, олти марта жарима майдонига узатма қилди. Аммо Жанлука Скамакканинг бир-икки вазиятларини ҳисобга олмаганда, италияликларга прессинг ҳеч нима бермади. Ҳужумда кўпроқ ностандарт ҳаракатлар талаб қилинди.
Англия терма жамоаси ҳам ҳужумда юқори таассурот қолдирмади. Шунга қарамай, танаффусга қадар Гарет Саутгейт шогирдлари рақибга қараганда кўпроқ зарба беришди(4:5). Қизиғи шундаки, жорий мавсумда "Манчестер Юнайтед"да кам ўйнаётган Харри Магуайр ҳисобни очиши мумкин эди. Марказий ҳимоячи стандарт вазиятдан сўнг Жанлуижи Доннарумманинг майдончасида қолди ва бош билан зарба берди. Аммо Англия терма жамоаси аъзосига ўша вазиятда бироз омад етишмади.
15 дақиқалик танаффусдан сўнг жамоалар жонлироқ ўйнай бошлади. Италияликлар кўпроқ бўш жойга эга бўлиб, қарши ҳужумларни уюштирдилар. Иккинчи бўлим ўрталарида эса Италия жамоаси гол уришга муваффақ бўлди! Бонуччининг узатмасидан сўнг Жакомо Распадори тўпни ажойиб тарзда қабул қилиб олди. Кайл Уолкер ҳужумчининг пас олишига ёки дарвозага зарба беришига тўсқинлик қилмади.
Англия терма жамоаси ҳаттоки 1:0 ҳисобида ҳам ҳужумларни ривожлантиришда қийналди, чунки италияликлар босим ўтказишда давом этишди. Фақат 77-дақиқага келиб Саутгейт жамоаси танаффусдан кейин ниҳоят аниқ зарба берди, Доннарумманинг кетма-кет иккита сейвлари Кейнни голдан маҳрум қилди.
Британияликлар ютқазиб, Миллатлар Лигаси элитасидан тушиб кетишди. Сиз ушбу турнирга бошқача муносабатда бўлишингиз мумкин, аммо ЖЧ-2022 бошланишига бир неча ой қолганда бундай ўйинни зўр, деб мақтаб бўлмайди. Италияда эса гуруҳда ғалаба қозониш учун ҳали ҳам имконият бор. Бунинг учун Венгрияни сафарда мағлуб этиш керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
