Бразилияликлар ҳар доим дунёнинг энг яхши футболчиларидан бири ҳисобланган. Миллий терма жамоа беш марта жаҳон чемпиони бўлган ва Қатардаги турнир бошланишидан олдин фаворит ҳисобланади. Бразилия вакиллари орасида кўплаб афсоналар мавжуд: Пеле, Роналдо, Роналдиньо, Ромарио, Гарринча, Зико ва Неймар. Бугун эса Бразилияни замонамизнинг энг ёрқин футболчилари намойиш этади.
Келинг, топ-5 Европа чемпионатларидаги энг қиммат бразилияликларни кўриб чиқайлик.
Маркиньос ("ПСЖ"), 70 млн евро
Париж клуби сардори Маркиньос дунёдаги энг техник жиҳатдан иқтидорли марказий ҳимоячилардан бири ва ярим ҳимояда ҳам ўйнац олади - Маркиньос сўнгги пайтларда "ПСЖ"нинг асосий ўйинчиларидан бири бўлиб келмоқда.
Маркиньос ҳеч қандай жароҳатларга дучор бўлмаса, Бразилия билан Қатарга боради. 27 ёшли футболчи узун пасларни жуда яхши амалга оширади ва жамоасига ҳимояланишда ёрдам беради.
Маркиньоснинг бўйи 183 см бўлса-да, лекин у ўзининг сакраш қобилияти билан бунинг ўрнини боса олади ва стандарт вазиятларда рақибларга ҳақиқий хавф туғдиради.
Родриго ("Реал Мадрид"), 70 миллион евро
"Реал Мадрид" ўз келажагини кафолатлади: клубнинг энг истиқболли ўйинчилари орасида бразилиялик Родриго Гоэс ҳам бор, у тезда ўзини Ла Лиганинг энг яхши қанот ҳужумчиларидан бири сифатида кўрсатди.
Родриго ўтган мавсумда мадридликларнинг асосий таркиби ва захира ўртасидаги футболчиларидан бири бўлиб, 49та ўйинда 9та гол ва 10та голга ассистентлик қилган. Аста-секин у Карло Анчелотти учун асосий таркибдан жой олиб келмоқда.
Жорий мавсумда Родриго "Реал"нинг 7 та ўйинида қатнашиб, 3 та гол урди ва 2 та голли узатмани амалга оширди.
Неймар ("ПСЖ"), 75 млн евро
Бугунги кунга келиб Неймар дунёнинг энг кучли футболчиларидан бири ҳисобланади. "ПСЖ" ҳужумчиси мавсумни ажойиб бошлади ва жаҳон чемпионатида ўзини кўрсатиши кутилмоқда.
Сўнгги ўн йил ичида Неймар дунёнинг энг таниқли футболчиларидан бирига айланди. Бразилиялик ўзининг ажойиб маҳорати ва ҳар қандай вазиятда ечим топа олиш қобилияти билан мухлислар қалбини забт этди.
30 ёшли футболчи мавсум бошидан буён "ПСЖ" сафида 11 та ўйинда майдонга тушиб, 11 та гол урди ва 8 та голли узатмани амалга оширди.
Антони ("МЮ"), 75 млн евро
"Манчестер Юнайтед" шу ёзда Антонини "Аякс"дан 95 миллион евро эвазига сотиб олди. Бразилиялик футболчи сўнгги икки мавсумда Нидерландия жамоасининг асосий ҳужумкор юлдузи бўлди ва "Юнайтед" ўйинига ҳам сезиларли таъсир кўрсатиши кутилмоқда.
Антони эндигина 22 ёшда ва уни ёрқин келажак кутмоқда. Ўтган мавсумда бразилиялик футболчи "Аякс"да 33та ўйинда 12та гол урган ва 10та голга ассистентлик қилган.
Винисиус ("Реал Мадрид"), 120 млн евро
Мадриддаги ўтган мавсум Винисиус учун ҳақиқий ўсиш мавсуми бўлди. У чап қанотда рақиблар учун жуда катта хавф туғдириб, Карим Бензема билан мукаммал тандем яратди. Ўтган мавсумда Вини "Мадрид" сафида 52 та ўйинда 22 та гол урди ва 20 та голли узатмани амалга ошириб, жамоанинг иккинчи тўпурари бўлди.
Бразилиялик футболчи жорий мавсумни ҳам муваффақиятли бошлади, у "Реал" сафида 9 та ўйинда 5 та гол ва 4 та голли узатмани амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
