Англия Премьер-лигасидаги футболчилар савия жиҳатдан ажралиб туради. Айниқса, кучли олтилик жамоалари жаҳоннинг етакчи клублари ҳисобланади. Уларда ўйновчи футболчилар эса терма жамоа даражасидаги вакиллардир. Шунга қарамай, Англиянинг топ-6 клубларидан ҳеч бўлмаганда битта вакил ЖЧни ўтказиб юборади (асосий таркиб). Қуйида шу ҳақида сўз боради.
"Арсенал" – Габриэллар
Бразилия терма жамоасининг мундиалдан олдинги таркиби бироз ғалати эди. Бош мураббий Тите қандайдир тажрибани амалга оширган бўлса керак. Акс ҳолда "Арсенал"даги 3 та топ-футболчини чақирган бўларди. Жезус борасида унчалик ҳам муаммо йўқ. Буни тушунса бўлади. Аммо Мартинеллининг терма жамоадан тушиб қолиши катта муаммодир. Шунингдек, ҳимоячи Габриэл ҳам Лондонда қолган. Унинг ўрнига "Ювентус"дан Глейсон Бремер ҳамда "Рома"дан Рожер Ибаньеслар чақирилган. Бу шуни англатадики, ҳозирдан бошлаб то Жаҳон чемпионатига қадар 13 та ўйин бор ва бу икки Габриэл шу вақт оралиғида ўзини кўрсатиши лозим.
"Челси" – Весле Фофана
"Челси"нинг янги вакили ҳали асосий жамоага ўйин ўтказмади. У фақатгина 21 ёшгача бўлган жамоада ҳаракат қилган холос. Шунга қарамай, Фофананинг ўзи Дидье Дешам тузажак жамоага кира олишига ишонмоқда. Фофана атрофидаги вазиятни Кот-д'Ивуар синчковлик билан кузатмоқда. Агарда Франция термаси уни жалб қилмаса, у ҳолда африкаликлар ҳимоячини ўзида ўйнаш учун кўндиришга ҳаракат қилади.
"Ливерпуль" – Александер-Арнольд
Саутгейтнинг танловлари сўнгги пайтларда зиён келтирмоқда. Буни Англия терма жамоасидаги ҳимоячилар ҳаракати кўрсатиб берди. Аммо бунга Александер-Арнольднинг спорт формаси ҳам катта таъсир кўрсатган. "Ливерпуль" юлдузидан тезда ўзига келиб олиш талаб этилади. Акс ҳолда, Трент терма жамоадаги ўрнидан ажраб қолиши мумкин.
"Манчестер Сити" – Калвин Филлипс
"Шаҳарликлар"ни айни дамдаги таркибига назар солсангиз, у ердаги ҳеч бир футболчи ЖЧ ҳавосидан бебаҳра қолмаслигига амин бўласиз. Аммо Филлипс бундан мустасно. Чунки ярим ҳимоячининг елкасидаги жароҳат бунга йўл қўймаслиги мумкин. Ҳатто, ҳозир ҳам йўл қўймаяпти. Шу сабабдан Калвин Филлипсни Қатарда кўриш эҳтимолимиз анча паст.
"МЮ" – Маркус Рэшфорд / Жейдон Санчо
Харри Магуайрни Англия термасига киритмаслик Саутгейт учун катта фожиа бўлиши мумкиндир. Аммо "Манчестер Юнайтед"даги Рэшфорд/Санчо жуфтлиги ҳақида бундай демаган бўлардик. Охирги пайтларда бу ҳужумчиларнинг натижалари анча яхшиланган. Бироқ, бу терма жамоага кириш учун етарли эмас деб ҳисобланмоқда.
"Тоттенхэм" – Эрик Дайер
"Шпорлар"нинг Лангле ва Роял каби ҳимоячилари терма жамоаларидаги йиғинларга чақирилмаган эди. Буни тушиниш мумкин. Шу билан бир пайтда Эрик Дайер Англияга чақирув олди. У Саутгейтда яхши таассурот қолдирди. Шу сабаб Қатарга бориш эҳтимоли баландроққа кўтарилган. Бироқ, бир ярим ой ичида ҳамма нарса бўлиши мумкин. Дайернинг фавқулотда жароҳат олиши кўп нарсани ўзгартиради.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
