Angliya Premyer-ligasidagi futbolchilar saviya jihatdan ajralib turadi. Ayniqsa, kuchli oltilik jamoalari jahonning yetakchi klublari hisoblanadi. Ularda o‘ynovchi futbolchilar esa terma jamoa darajasidagi vakillardir. Shunga qaramay, Angliyaning top-6 klublaridan hech bo‘lmaganda bitta vakil JCHni o‘tkazib yuboradi (asosiy tarkib). Quyida shu haqida so‘z boradi.
"Arsenal" – Gabriellar
Braziliya terma jamoasining mundialdan oldingi tarkibi biroz g‘alati edi. Bosh murabbiy Tite qandaydir tajribani amalga oshirgan bo‘lsa kerak. Aks holda "Arsenal"dagi 3 ta top-futbolchini chaqirgan bo‘lardi. Jezus borasida unchalik ham muammo yo‘q. Buni tushunsa bo‘ladi. Ammo Martinellining terma jamoadan tushib qolishi katta muammodir. Shuningdek, himoyachi Gabriel ham Londonda qolgan. Uning o‘rniga "Yuventus"dan Gleyson Bremer hamda "Roma"dan Rojer Ibanyeslar chaqirilgan. Bu shuni anglatadiki, hozirdan boshlab to Jahon chempionatiga qadar 13 ta o‘yin bor va bu ikki Gabriel shu vaqt oralig‘ida o‘zini ko‘rsatishi lozim.
"Chelsi" – Vesle Fofana
"Chelsi"ning yangi vakili hali asosiy jamoaga o‘yin o‘tkazmadi. U faqatgina 21 yoshgacha bo‘lgan jamoada harakat qilgan xolos. Shunga qaramay, Fofananing o‘zi Didye Desham tuzajak jamoaga kira olishiga ishonmoqda. Fofana atrofidagi vaziyatni Kot-d'Ivuar sinchkovlik bilan kuzatmoqda. Agarda Fransiya termasi uni jalb qilmasa, u holda afrikaliklar himoyachini o‘zida o‘ynash uchun ko‘ndirishga harakat qiladi.
"Liverpul" – Aleksander-Arnold
Sautgeytning tanlovlari so‘nggi paytlarda ziyon keltirmoqda. Buni Angliya terma jamoasidagi himoyachilar harakati ko‘rsatib berdi. Ammo bunga Aleksander-Arnoldning sport formasi ham katta ta’sir ko‘rsatgan. "Liverpul" yulduzidan tezda o‘ziga kelib olish talab etiladi. Aks holda, Trent terma jamoadagi o‘rnidan ajrab qolishi mumkin.
"Manchester Siti" – Kalvin Fillips
"Shaharliklar"ni ayni damdagi tarkibiga nazar solsangiz, u yerdagi hech bir futbolchi JCH havosidan bebahra qolmasligiga amin bo‘lasiz. Ammo Fillips bundan mustasno. Chunki yarim himoyachining yelkasidagi jarohat bunga yo‘l qo‘ymasligi mumkin. Hatto, hozir ham yo‘l qo‘ymayapti. Shu sababdan Kalvin Fillipsni Qatarda ko‘rish ehtimolimiz ancha past.
"MYU" – Markus Reshford / Jeydon Sancho
Xarri Maguayrni Angliya termasiga kiritmaslik Sautgeyt uchun katta fojia bo‘lishi mumkindir. Ammo "Manchester Yunayted"dagi Reshford/Sancho juftligi haqida bunday demagan bo‘lardik. Oxirgi paytlarda bu hujumchilarning natijalari ancha yaxshilangan. Biroq, bu terma jamoaga kirish uchun yetarli emas deb hisoblanmoqda.
"Tottenxem" – Erik Dayer
"Shporlar"ning Langle va Royal kabi himoyachilari terma jamoalaridagi yig‘inlarga chaqirilmagan edi. Buni tushinish mumkin. Shu bilan bir paytda Erik Dayer Angliyaga chaqiruv oldi. U Sautgeytda yaxshi taassurot qoldirdi. Shu sabab Qatarga borish ehtimoli balandroqqa ko‘tarilgan. Biroq, bir yarim oy ichida hamma narsa bo‘lishi mumkin. Dayerning favqulotda jarohat olishi ko‘p narsani o‘zgartiradi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
