Кеча ўтказилган Ўзбекистон Кубоги чорак финал дастлабки учрашувидан кейин мураббийлар ўртасида матбуот анжумани бўлиб ўтди. Аверьянов бетоблиги боис анжуманда иштирок эта олмади ва саволларга «Пахтакор» бош мураббийи Мурод Исмоилов жавоб қайтарди.
- Бугунги учрашув қандай таассурот қолдирди?
- Андижонда футболчи сифатида тўп суриб, шу ернинг нон-тузини еганман. Бу ерга энди мураббий сифатида келганимдан хурсандман. Ўйин ҳақида гапирадиган бўслам, учрашув томошабоп руҳда кечди деб ўйлайман. Гарчи андижонликлар ютқазган бўлишса-да, улар менда яхши таассурот қолдирдилар. Мени хурсанд қилдган томони шу бўлдики, бу ерда маҳаллий футболчилар яхши савияга чиқиб боришяпти. Табиийки, улар ҳам ғалаба учун ҳаракат қилишди. Аммо бугун омад озгина биз томонда бўлди.
- Демак, ғалабани фақат омад билан боғлаяпсиз, шундайми?
- Йўқ, ундай демоқчи эмасман. Албатта, мазкур учрашувга ўзига яраша тайёргарлик кўрганмиз. Ўз майдонимизда «Навбаҳор»га қарши ўйинга нисбатан бугун шогирдларимнинг шижоати ҳам бошқача бўлди. Тўғриси, биринчи давра тугаганлиги ва футболчилар толиқишгани учун ўтган сафарги ўйинда йигитлар мазмунли ўйнай олишмаган. Шундан кейин биз футболчилар билан йиғилиш ўтказиб ҳаммаси билан гаплашиб чиққандик. Бу ўйинда эса улар яхши ўйнашди.
- Биз ўйинни кузатиб шунга гувоҳ бўлдикки, кўп ҳолатларда Самвел Бабаян ўйинчиларга кўрсатма берди. Гўёки бош мураббий Бабаяндек туюлди...
- Мен бунга ойдинлик киритишим мумкин, ўзим ҳам айтмоқчи эдим. Буни хоҳласангиз матбуотга ёзинг, хоҳламасангиз ёзманг. Шу пайтгача «Пахтакор»да қайси мураббий ишлаган бўлса, ҳаммасига Самвел Бабаяннинг катта ҳиссаси теккан. Айни пайтда мен мураббий бўлиб турганимда унинг ёрдами жуда асқотяпти. Ўйлайманки, мендан олдинги мураббийларнинг барчаси ҳам Бабаяннинг ёрдамидан фойдаланишган. Бундан тўғри фойдаланган бўлса, натижалар билинган. Агарда ҳаммасини ўзим биламан деб иш юритган бўлса, у адашган бўлади. Самвел Бабаяннинг билими ва футболдаги қарашлари янги бошлаётган мендек мураббий учун асқотмоқда.
- Бугунги ўйиндаги ҳакамлик ҳақида нима дея оласиз? Негаки, кўп вазиятларда бош ҳакам ва қанот ҳакамининг қарорлари бир-бирига мос тушмади.
- Ўтган сафар ҳам айтганман, ҳакамларнинг ишини назорат қиладиган ташкилот бор. Мен эса уларнинг ишига аралаша олмайман.
- Шаҳбоз Эркинов оғир жароҳатдан кейин ниҳоят бугун гол урди. Умуман, бу ҳужумчи иккинчи даврада янада яхши спорт формасига кира оладими? Ёки янги ҳужумчи таклиф этиладими?
- Биз ҳужум чизиғини кучайтиришимиз керак. Бугун ҳам бир қатор имкониятлардан фойдалана олмадик. Шаҳбоз эса катта жароҳат олганди. Яна ҳам у ўзига келиб қолди. Кўрган бўлсангиз, Эркинов худди оғир ўйнаётганга ўхшаб қолди. Бунинг сабаби шундаки, футболчимиз тикланиш жараёнини бошидан ўтказмоқда. Шаҳбоздан умидимиз катта. Қолаверса, у яқинда уйланади.
- Биринчи даврадан кейин жамоадан кимлар кетиши ҳақида айта оласизми?
- Ҳозирда кимлар кетишини айта олмайман. Лекин таркибимизга янги ўйинчиларнинг келиши аниқ. Иложи бўлса, ўзимизнинг ижарада тўп сураётган футболчиларимизни қайтаришга ҳаракат қиламиз. Улар ўз жамоаларида анча яхши ўйин кўрсатишяпти. Мисол учун «Қизилқум»да Ғулом Ўрунов, Санъат Шихов, Азамат Бобожонов каби ўйинчилар ўзларини ҳар томонлама кўрсатишяпти. Улар бежизга асосий таркибдан жой олишмаяпти.
- Япониялик Шибамуранинг кейинги тақдири ҳам аниқ эмасми?
- У «Пахтакор»дан аниқ кетади.
- Баҳриддин Ваҳобов мавсум бошида «Пахтакор»га қўшилганди. Бироқ у ўзини кўрсата олмади ва асосий таркибдан ҳам жой ололмади...
- Бу борадаги якуний қарорни ўзим айта олмайман. Лекин менимча у жамоамиздан кетса керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
