Чемпионлар лигаси гуруҳ босқичининг 5-тур ўйинлари бўлиб ўтди. Натижада бир нечта топ-клублар бирданига плей-оффга чиқиш имкониятидан маҳрум бўлишди. Биз гуруҳларда вазиятга тўхталиб ўтамиз.
"А" гуруҳи
"Наполи" сўнгги тур натижаларига кўра плей-оффга чиқди, "Ливерпуль" эса бешинчи ўйин ҳафтасидан сўнг буни амалга оширди. Ким биринчи ўринни эгаллашини кўриш керак. Англия жамоаси нафақат “Наполи”ни мағлуб этиши, балки йирик ҳисобда ҳам муваффақият қозониши керак. “Рейнжерс”да Европа лигасига йўл олиш учун ҳали ҳам назарий имкониятлар мавжуд, аммо бунинг учун “Аякс”ни йирик ҳисобда мағлуб этишлари керак. Нидерландия клуби биринчи даврада рақибни мағлуб 4:0 ҳисобида мағлуб этганди.
"B" гуруҳи
Бельгия чемпиони тарихда илк бор Европанинг энг нуфузли клуб турнирининг плей-офф босқичига чиқди. Ва улар буни икки ҳафта олдин уддалашганди. Кеча эса уларга турнирни иккита мағлубият билан бошлаган “Порту” ҳамроҳлик қиладиган бўлди. Мадриддаги ақл бовар қилмайдиган ўйинда “Атлетико” плей-оффдан қуруқ қолди. Энди испан клуби Европа лигаси йўлланмаси учун “Байер” билан кураш олиб бориши керак бўлади.
"C" гуруҳи
Мўжиза содир бўлмади. "Интер" “Виктория”ни мағлуб этди ва 1/8 финалда "Бавария"га шерик бўлди. "Барселона" кетма-кет иккинчи йил плей-офф босқичини ўтказиб юборади. Эндиликда Хави жамоасини Европа лигасидаги ўйинлар кутмоқда. "Бавария" биринчи ўриндан, "Интер" иккинчи ўриндан 1/8 финалга йўл олди. Гуруҳдаги сўнгги ўйинлар турнир жадвалида аҳамиятга эга эмас.
"D" гуруҳи
Бу ерда чалкаш вазият. Барча жамоаларда плей-оффга чиқиш имконияти бор. Ҳозирча “Тоттенхэм” бироз устунликка эга, аммо у сўнгги турда Францияда меҳмон бўлади. Бироқ, Лондон жамоасига дуранг ўйнаш кифоя, кейин эса плей-офф йўлланмасини қўлга киритиш кафолатланади. “Спортинг” қўшимча кўрсаткичлар бўйича "Айнтрахт"дан олдинда. Сўнгги турда улар Лиссабонда ўзаро ўйнашади.
"E" гуруҳи
5-тур якунларига кўра, плей-оффнинг яна бир иштирокчиси аниқланди – “Челси” 1/8 финал йўлланмасини кафолатлади. Бундан ташқари, Лондон клуби биринчи ўринни эгаллайди, чунки улар шахсий учрашувларда “Милан” устидан устунликка эга. "Динамо" учинчи ўриндан юқорига кўтарила олмайди, чунки қўшимча кўрсаткичлар бўйича италияликлардан қолишмайди. “Милан” ва “Зальцбург” жамоаларидан бири 1/8 финалга иккинчи йўлланмани қўлга киритади. Сўнгги турда улар "Сан-Сиро"да ўзаро тўқнаш келишади.
"F" гуруҳи
Мадриднинг “Реал” клуби сўнгги тур натижасига кўра 1/8 финал йўлланмасини қўлга киритди. Иккинчи ўринга "РБ Лейпциг" ва "Шахтёр" даъвогарлик қилмоқда. Охирги турда улар нейтрал майдонда ўйнашади. Немис клубини дуранг ҳам қониқтиради, аммо Украина жамоаси ғалаба қозониши керак. "Селтик" тўртинчи ўриндан юқорига кўтарилмагани учун Европадаги мусобақаларини якунламоқда.
"G" гуруҳи
Бу гуруҳда ҳамма нарса аниқ. "Ман Сити" биринчи ўриндан 1/8 финалга, "Боруссия Дортмунд" иккинчи ўриндан жой олди. “Севилья” Европа лигасида ўйнашда давом этади.
"H" гуруҳи
“ПСЖ” ва “Бенфика” плей-офф йўлланмасини кафолатлади, “Ювентус” эса учинчи ўриндан юқорига кўтарилмайди. Бу гуруҳда ким ғалаба қозониши ва ким Европа лигасига йўл олишини билишгина қолди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
