Бугун барча Блаугранаc мухлислари учун қайғули кун. Шундай кунлар бор. Улар оғир, қайғули ва ҳар доим сиз футбол билан хайрлашаётган спортчининг фаолияти ҳақидаги ёрқин онларни эслашни бошлайсиз. Шундай экан, келинг, бошига қайтайлик ва Жерар Пикенинг хаёт йўлини яна бир бор эслайлик.
Бизнес
Жерар Пике футболдан ташқари бизнес билан ҳам шуғулланади. Бизнес тушунчасининг ўзи Жерарни анчадан бери қизиқтириб келган ва 2017 йилда у АҚШдаги Гарвард бизнес мактабида интенсив курсда ўқиган, бу унга 10 000 долларга тушган. Шунингдек, ESADE Иқтисодиёт мактаби ўқитувчиларидан индивидуал сабоқлар олган.
Жерар Пике ярим тайёр маҳсулотлар компаниясида, шунингдек, Kypers кўзойнак ишлаб чиқарувчи компанияда ҳам улушга эга.
Пике, шунингдек, ўйин майдонидаги ҳамкасби Карлес Пуйоль билан бирга, спортчилар учун энергетик ичимликлар ишлаб чиқарадиган компанияга сармоя киритди.
Жерар Пике нафақат футбол ўйнашни, балки компьютер ва мобил ўйинларни ҳам яхши кўради ва у Kerad Games компаниясини ташкил қилган. Пикенинг баъзи ўйинларида Coca-Cola ва Nike кўринишидаги ҳомийлар ҳам бор.
2017 йилда Жерар муаллифлик шоусини бошлади, у ерда бошловчи ролида эди. Унинг шоусига Неймар, Луис Суарес, Лео Месси, Маскеранолар келишган.
Пике реклама, клипларга ҳам тушади.
Жерар Пике Космос Ҳолдинг спорт ва медиа инвестиция гуруҳи асосчиси ва президенти. 2018 йил декабрь ойида Жерар Андорра футбол клубини сотиб олганини эълон қилган эди. 2019 йил июль ойида у бошқа испан футбол клуби "Гимнастик Манреса" акцияларининг аксарият қисмини сотиб олган. 2020 йил декабрь ойида Пике Corare номли футбол ўйинини ташкил этишга инвестор бўлди.
Шаҳсий ҳаёт.
Шахсий хаёти сабаб ҳам Пике анча машхурлик топган. У Лотин Америкаси қўшиқчиси, бастакор, мусиқий продюсер, қўшиқ ёзувчиси, кўплаб мукофотлар совриндори Шакира билан анча вақт бирга яшаган.
Жерар Пике ва Шакира 2010 йилги Жаҳон чемпионатида танишиб, юлдуз жуфтликка айланишди.
2013 йилда жуфтлик Милан исмли ўғил фарзандли бўлган.
2015 йилда яна бир ўғил Саша туғилди.
Кутилмаган хабар шу йилнинг май ойида келди, ўшанда ОАВ футболчининг хиёнати туфайли муносабатларнинг узилиши ҳақида ёза бошлаган. Кейинчалик жуфтлик ажралишди.
Якун
2022 йил 3 ноябрь куни Жерар Пике фаолиятини якунлашини эълон қилди. Бу ҳодиса ўз-ўзидан содир бўлмаган.
Очиғи, Пикенинг «Барселона»даги сўнгги икки йили ёмон ўтди. У тезда фрмасини йўқота бошлади. Кўпчилик футболчини танқид қилишди ва бунга сабаб бор. Бу мавсумда Пике ўз формасини, ўзига бўлган ишончни қозонишни хоҳлади, аммо бу амалга ошмади. Бунинг учун жуда кўп ҳолатлар мавжуд. Унинг шахсий ҳаётидаги муаммолар, футбол майдонидан ташқаридаги ҳаёт, буларнинг барчаси Жерарнинг функционаллигига ва натижада захира ўриндиғига таъсир қилди. Пике бир пайтлар асосий ҳимоячи бўлган, Карлес Пуйоль учун терма жамоада ҳам, «Барселона»да ҳам ишончли шерик бўлган, кейин Серхио Рамос билан ишончли дуэт ҳосил қилган, аммо ёши, муаммолари унинг ўйинига таъсир қилди.
Сўнгги йиллардаги барча танқидларга қарамай, Жерар Пикенинг ёмон ўйини «Барса» тарихининг бир қисми, маданиятнинг бир қисми, даврнинг бир қисмидир. Биз афсонани ҳурмат қилишимиз керак.
Биз Жерард Пикени футбол майдонида, қайсидир ўйин эпизоди, ёмон ўйини учун танқид қилишимиз мумкин, аммо унинг фаолияти ва хизматларини танқид қила олмаймиз. У бор кучини клубга берди ва қийин пайтларда клуб ва жамоага ёрдам беришга ҳаракат қилди.
Масалан, коронавирус пандемияси даврида. Жерар Пике «Барса» футболчилари билан бирга бу вақт мобайнида маошни 70 фоизга қисқартиришга, шунингдек, клуб ходимларининг маошларига хайрия қилишга рози бўлди. У титул ҳомийсини қидиришда ҳам бевосита иштирок этган. Ўша пайтдаги маошлар туфайли "Барселона" Пикедан 50 миллион евродан кўпроқ миқдорда қарз бўлиб қолган. Аммо Жерар клубга садоқатини яна бир бор исботлади ва ўша қарзларнинг барчасидан воз кечди.
Жерар Пике Рубиалес бошчилигидаги Испания футбол федерациясига Саудия Арабистонида Испания Суперкубогини ташкиллаштиришда ҳам ёрдам берган.
Энди эса у клуб билан шартномасининг қолган қисмини бутунлай рад этди.
Хайрлашув видеосида Жерар Пике президент сифатида, яна Камп Ноуга қайтишини айтди.
Умид қиламанки, у клубга президент сифатида қайтади. Ахир, бу Жерарнинг азалий орзуси.
Жерар Пикенинг сўнгги ўйини 5 ноябрь куни "Камп Ноу"да Испания чемпионатининг навбатдаги турида «Алмерия»га қарши ўтказилиши режалаштирилган.
Sе Queda... ҳар бир мухлиснинг қалбида қоласан Пике.
Миржалол Пардабоев интернет материаллари асосида тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
