Дунёнинг энг қиммат мураббийи Чемпионлар лигаси гуруҳ босқичида охирги ўринни олди. Лекин нега "Атлетико" Симеонени истеъфога чиқармаяпти?
"Атлетико" еврокубоклардан қуруқ қолди - бу Диего Симеоне қўл остида биринчи марта содир бўлди.
“Порту”дан учралган мағлубиятдан сўнг (1:2) El Chiringuito шоусида мега-инсайд эълон қилинди: “Атлетико” раҳбарияти Испания терма жамоаси бош мураббийи Луис Энрикенинг атрофидагилар билан боғланиб, ЖЧ-2022дан кейин унинг клубга тайинланиш масаласини муҳокама қилди. Унга кўра, агар улар жамоани тўлиқ тозалашга рухсат беришса, Энрике бу таклифга рози бўлади.
Бироқ бир неча соат ўтгач, бунга раддия келди: COPE "Атлетико" мураббийни ўзгартирмаслигини таъкидлади. Раҳбарият бу натижани “10 йилдаги илк омадсизлик” деб ҳисоблайди ва Симеоне ҳали ҳам Ла Лигада чемпионлик учун кураш олиб боришига чин дилдан ишонади.
Пешқадам "Реал Мадрид" билан орадаги фарқ аллақачон тўққиз очкога етган, бу чиндан ҳам хавотирланса бўладиган ҳолат. Симеоне дунёдаги энг қиммат мураббий ҳисобланади. Уни ишдан бўшатиш жуда қимматга тушади. Симеоненинг четлатилишини ҳам катта жарима секинлаштирмоқда - тахминан 14 миллион евро.
Клуб бу суммани камайтириш учун аргентиналик билан музокара олиб боришга ҳаракат қилиши мумкин, аммо мураббий ва раҳбарият ўртасидаги муносабатлар кескинлашгани учун буни амалга ошириш жуда қийин бўлади. Унинг шартномаси 2024 йилгача мўлжалланган. Диего имкон қадар узоқ вақт давомида лойиҳанинг бир қисми бўлиб қолишни хоҳлашини кўп марта таъкидлаган.
«Биринчи кунданоқ мен бу ерга тезроқ қайтишни хоҳлайман, деган фикр билан яшадим, аммо «Атлетико»да сиз ишдан бўшатилиш қўрқуви билан ишлашингиз керак. Акс ҳолда, мен нимани ҳис қилаётганимни кўрсатишнинг иложи бўлмайди. Клуб менга бефарқ бўла олмайди, - деган эди мураббий бир йил аввал. – Биз узоқ вақтдан бери мақсадларга эришдик ва бирга ривожландик. Клуб иқтисодий ва спорт нуқтайи назаридан ўсишни қидирди. Биз кўп нарсага эришдик, аммо натижалар бундай бўлмади”.
Симеоне дунёдаги энг кўп маош олувчи мураббий. Март ойида Франциянинг L'Equipe нашри топ-лигалардаги йиллик маошлар рейтингини эълон қилди ва Диего Ла Лигадаги барча мураббийлардан кўпроқ - ойига 3,3 миллион евро маош олишини аниқлади. Топ 5 лиганинг барчасида фақат Неймар, Лео Месси ва Килиан Мбаппе кўпроқ маош олади. Мураббийлар бўйича унга энг яқин рақиб Пеп Гвардиола бўлиб, у 1,89 млн евро маош олади.
«Мен Симеоненинг танқидини тушунмаяпман. Мавсумни унчалик яхши бошламадик. Биз қийин аҳволдамиз, - деди "Атлетико" президенти Энрике Сересо. - Афсуски, нимадир нотўғри кетди, лекин сўнгги 12 йил ичида жуда кўп яхши нарсалар бўлди. Биз бутун саҳифани фақат тиниқ рангларга бўяшни хоҳлаймиз”.
Диегонинг юқори маоши ростдан ҳам ҳеч кимни чўчитмаяпти. AS нашрининг ёзилишича, клуб аргентиналик мураббий билан келаси йили 2026 йилгача янги шартнома тузмоқчи. Эҳтимол, маошларда пасайиш бўлар, Мадрид клуби учун ҳозир осон эмас.
"Атлетико"нинг иқтисоди оғир аҳволда. Улар раҳбарларнинг маошларини қисқартирмоқчи. Ла Лигадаги молиявий қийинчиликлар азалдан трендда бўлиб келган. Сиз "Барса"нинг ўтказган оғир аҳволини яхши биласиз, лекин бу Ла Лига клублари учун одатий ҳолат.
Marca нашрининг ёзишича, Ла Лига бизнесининг 10 фоизи CВC инвестиция фондига сотилгани ҳаммасига ушбу воқеаларга бош сабабчидир. "Эльче"нинг собиқ спорт директори Нико Родригес Ла Лига шартнома имзолашга шошилган ва энди турғун бўлишини истисно этмайди. "Атлетик" президенти Жон Уриарте шартномани умуман ноқонуний деб ҳисоблайди - "Реал Мадрид" ва "Барса" билан биргаликда у CВC га қарши суд жараёнини давом эттирмоқда.
Ҳозирги вазиятда "Атлетико" деярли энг ёмон аҳволда
• Лиганинг молиявий назорати билан боғлиқ муаммолардан қочиш учун клуб ўтган йили бир миллионга яқин янги акцияларни чиқаришга мажбур бўлди. Раҳбарият АҚШ маблағи ҳисобидан тахминан 180 миллион евро сармоя тўплаган, бироқ Marcaнинг таъкидлашича, клуб шундан сўнг дарҳол яна 300 миллион евро қисқа муддатли кредит олди.
• "Атлетико" зудлик билан Антуан Гризманн, Жоау Феликс, Коке, Ян Облак ва Том Лемардан маошларни камайтиришни сўраб маошларни қисқартириш устида ишламоқда - охирги иккиси аллақачон келишиб бўлганлиги айтилмоқда. Диего Симеоненинг улкан шартномаси ҳалигача ўз ўрнида, аммо L’Equipe нашри Диегонинг ўтган йили кутилганидан 300 минг кам олганини аниқлаган.
• Гризманнинг трансфери ҳам бош оғриғини кўпайтирди. “Атлетико” уни 60-дақиқадан сўнг “Барселона”га тўлов эвазига 40 миллион евро тўламаслик учун қўйиб юборди, каталонияликлар эса судга мурожаат қилиш билан таҳдид қилишди – якунда улар 20 миллионга келишиб олишди. Mundo Deportivo нашрининг ёзишича, Мадрид раҳбарияти 20 миллион еврони ундирмоқчи эди. 15 миллион - аммо бу ерда Симеоне шахсан аралашиб, Антуаннинг тўлиқ трансферини сўради.
Криштиану Роналдунинг "Атлетико"га ўтиши ҳақидаги миш-мишлар тарқалаётган пайтда, президент Серезо бу келишув кўп сабабларга кўра имконсиз эканлигига ишонтирди. "Марcа"нинг ёзишича, иқтисодиёт асосий ҳисобланади. Энди мадридликлар еврокубоклардан тез чиқиб кетгани учун муносиб тарзда бу йўлдан чиқиб кетишди.
Marca нашрининг ҳисоб-китобига кўра, еврокубокларда ўйнамаганлиги сабабли “Атлетико” тахминан 20 миллион евро йўқотиши мумкин – ўтган мавсумда “Мадрид” УEФАдан жами 40 миллионга яқин маблағ олган. Натижада, клуб Жоау Феликсни сотиш вариантини жиддий кўриб чиқмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
