Жаҳон чемпионатларида энг сермаҳсул футболчилардан бирига айланиш жуда қийин. Бунинг учун бир нечта омилларни бирлаштириш керак. Биринчидан, ўйинчининг йиллар давомида доимий равишда юқори даражада ўйнаши ҳаммада ҳам бир хилда кечмайди. У жаҳон чемпионатларига чиқиши керак, фақат битта эмас, рақобатбардош бўлиб қолиши керак. Иккинчидан, жамоавий ўйиннинг юқори савияси юқори талаблардан биридир. Жамоа турнирда қанча узоқ турса, қанчалик кўп ўйин ўтказса, ўйинчининг гол уриш имконияти шунчалик кўп бўлади. Акс ҳолда, сиз Эрлинг Холанд бўлишингиздан қатъи назар ошиғингиз олчи эмас. Учинчидан, буниси омадга боғлиқ.
Қатарда бўлиб ўтадиган жаҳон чемпионати арафасида ушбу турнирларнинг энг яхши тўпурарларини бирга эслаймиз.
1. Мирослав Клозе (Германия, 24 учрашувда 16 та гол)
Унинг фаолияти Германия терма жамоасининг гуллаган даври учун омадли келди. Немислар Бразилияни 7:1 ҳисобида мағлуб этганида Клозе ЖЧ-2014да ўзининг рекорд 16-голини киритиши рамзий маънога эга эди. Клозе ўша ўйиндаги иккинчи голни урди ва бразилиялик афсонани ортда қолдирди.
2. Роналду (Бразилия, 19 учрашувда 15 та гол)
Балки, агар Роналду ЖЧда яна бешта ўйин ўтказганида , худди Клозе каби, пешқадам бўлиб қолган бўларди. Аммо бу ерда биз фақат юқорида айтиб ўтилган омиллар ҳақида гапирамиз. Сўйлоқнинг мутлақ ғалабаси 2002 йилги Жаҳон кубоги бўлиб, у саккизта гол урди.
3. Герд Мюллер ( Ғарбий Германия , 13 ўйинда 14 та гол)
Бу бошқа вақтларга тўғри келади. Афсонавий Мюллер жаҳон чемпионатида ўйнаганидан кўра кўпроқ гол уришга қодир эди . 1974 йилда Ғарбий Германия ғалаба қозонган уй турнири айниқса ҳайратланарли бўлди.
4. Жуст Фонтен (Франция, 6 ўйинда 13 та гол)
Жаҳон чемпионатларида тўпурарларнинг умумий рўйхатида Фонтен бор-йўғи тўртинчи ўринни эгаллаб турибди, аммо у бошқача рекордга эга. Ҳеч ким битта жаҳон чемпионатида бунчалик кўп гол урмаган. Француз 1958 йилги жаҳон чемпионатида билган ишини қилган деса ҳам бўлади. Битта чемпионатдаги бундай кўрсаткич ҳозирги даъвогарларни илҳомлантириши мумкин.
5. Пеле (Бразилия, 14 учрашувда 12 та гол)
Бразилия терма жамоаси билан биргаликда Пеле учта жаҳон чемпионлигини қўлга киритди. Ва у тўпурарлар саҳнасига жуда ёш кириб, 1958 йилги Жаҳон чемпионати мезбонлари - Швецияга қарши иккита гол урди .
6. Шандор Кочиш (Венгрия, 5 ўйинда 11 та гол)
Венгрия 1954 йилги жаҳон чемпионати финалига чиққанида порлади. Гуруҳ босқичида Германия билан бўлажак чемпионлар ўртасидаги ўйинда у тўртта гол урди .
7. Хелмут Рахн ( Ғарбий Германия , 10 та ўйинда 10 та гол)
Рейтингда урилган ўнта гол билан жуда катта футболчилар гуруҳи бор. Уни эса 1954 йилги финалдаги ғалаба голи билан эслаб қолган Ран очади, бу "Берн мўъжизаси" деб номланади. У тўрт йилдан сўнг Ғарбий Германиянинг ярим финалга чиқишига ҳам ёрдам берди.
8. Гари Линекер (Англия, 12 ўйинда 10 та гол)
Олтин бутсани олган биринчи инглиз. У 1986 йилги турнирда олти марта гол урган. Жумладан, Аргентина билан афсонавий ўйинда инглизлар Марадона бошчилигидаги жанубий америкаликларга тарихдаги энг шов-шувли жанглардан бирида мағлуб бўлишди. Ва энди у ақлли ва жанжалли баёнотлар қилишни яхши кўради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
