Бугун Тошкентдаги "Жар" стадиони ёнидаги машғулотлар майдонида Муборакнинг "Машъал" ҳамда Бекободнинг "Металлург" жамоалари ўзаро куч синашишди! Ўйин жанговор руҳда кечди. Учрашувда "Машъал" кўк формада, "Металлург" оқ формада майдонга тушди.
Учрашувни ҳужумкор руҳда бошлаган "Машъал" футболчилари 15-дақиқада ҳисобни очишди. Гол муаллифи: Самандар Шодмонов! Голдан сўнг "Металлург" футболчилари ҳам жонланиб қолишди ва 20-дақиқада Шаҳзод Нурматов ҳисобни тенглаштирди. 1:1! Биринчи бўлим якунланишига саноқли дақиқалар қолганда Самандар Шодмонов пеналтидан гол киритиб "Машъал"ни яна ҳисобда олдинга олиб чиқди: 2:1!
Иккинчи бўлим бошида сербиялик легионер Микола Стробатс "Металлург" дарвозасини ишғол қилиб, ҳисобдаги фарқни иккитага етказди. Голдан сўнг муборакликлар янада ҳужумкор ўйин намойиш этишди. Учрашувнинг 67-дақиқасига келиб ҳисоб 4:1 кўринишини олди. Гол муаллифи: Жамшид Ҳасанов! Учрашувнинг 84-дақиқасида Нодир Давлатов ҳисобни 5:1га етказди, 86-дақиқада 6:1 "Машъал" томонидан қайд этилди.
Учрашувни сизларга етказишга яқиндан ёрдам берган "Машъал" ПФК матбуот котиби Хайрулло Холиқовга ўз миннатдорчилигимизни билдирамиз!
Ушбу назорат учрашувида аввал хабар берганимздек, Владимир Фомичев икки янги легионерни кўрикдан ўтказди, ҳужумда 7-рақамда Микола Стробатс ҳаракат қилиб икки марта гол муаллифи бўлди. 26-рақамда ҳаракат қилган Милорад Ризанович ҳимоя чизиғида ҳаракат қилди. Албатта ушбу ўйинчилар ҳақидаги якуний қарорни "Машъал" жамоаси раҳбарияти ва бош мураббий қабул қилади.
"Машъал"-"Металлург" 6:1 (2:1)
Голлар: Самандар Шодмонов (15', 41'(пен)), Микола Стробадс (47',86'), Жамшид Ҳасанов(67'), Нодир Давлатов(84') - Шаҳзод Нурматов(20')
"Машъал": 1.Санжар Қувватов, 3.Дилавер Ваниев, 15.Габид Сапаргалиев, , 6.Элдор Эргашев, 7. Микола Стробадс , 8.Самандар Шодмонов, 11.Мирзоҳид Ғофуров, 14.Игор Петкович, 18.Аббос Шодмонов, 26. Милорад Ризанович , 19.Янис Мандзукас,
"Металлург": 1.Маъмур Икромов, 3.Мурод Тўйчибоев, 4.Ҳикмат Ҳошимов, 7.Дониёр Одилов, 9.Шаҳзод Нурматов, 10.Боян Калевич, 19.Руслан Вагапов, 2.Одил Исабоев, 12.Файзулла Аҳмедов, 6.Дилмурод Каримов, 11.Шуҳрат Юлдошев
Бош ҳакам: Азиз Асимов
Қанот ҳакамлари: Алексей Миронов, Андрей Букатов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
