Испания терма жамоаси Қатарда бўлиб ўтадиган жаҳон чемпионатига якуний таркиб бериш масаласини ҳал қилди. Бош мураббий Луис Энрике 26 нафар футболчини рўйхатга киритди ва шу билан бирга Серхио Рамосни аризадан четда қолдирди. Тажрибали ҳимоячи бешинчи жаҳон чемпионатига чиқиб, терма жамоа рекордчисига айланиши мумкин эди.
Испаниянинг Жаҳон чемпионатида иштирок этадиган таркиби:
Дарвозабонлар: Дэвид Райа («Брентфорд»), Роберт Санчес («Брайтон»), Унай Симон («Атлетик»).
Ҳимоячилар: Дани Карвахаль («Реал» Мадрид), Сесар Аспиликуэта («Челси»), Эрик Гарсия («Барселона»), Уго Гильямон («Валенсия»), Пау Торрес («Вильярреал»), Эмерик Лапорт («Манчестер Сити»), Жорди Альба («Барселона»), Хосе Гайя («Валенсия»).
Яримҳимоячилар: Серхио Бускетс («Барселона»), Родри («Манчестер Сити»), Гави («Барселона»), Коке («Атлетико»), Маркос Льоренте («Атлетико»), Педри («Барселона»), Серхи Роберто («Барселона»), Карлос Солер («ПСЖ»).
Ҳужумчилар: Ферран Торрес («Барселона»), Пабло Сарабия («ПСЖ»), Йереми Пино («Вильярреал»), Марко Асенсио («Реал» Мадрид), Альваро Мората («Атлетико»), Ансу Фати («Барселона»), Дани Ольмо («РБ Лейпциг»), Нико Уильямс («Атлетик»).
Энрикенинг ўзи таркиб ҳақида нималар деди?
Мутахассис таркиб бўйича якуний қарорни фақат эълон қилинган кун, яъни 11 ноябрда қабул қилганини тан олди. Жумладан, Энрике “Барселона”нинг иқтидорли футболчиси Ансу Фатини таркибга қўшиш-қилмаслик ҳақида узоқ ўйлади. Ва шунга қарамай, 20 ёшли футболчи рўйхатда эди.
“Ростини айтсам, мен белгиланган муддат тугагунига қадар таркиб ҳақида ўйлашдан тўхтамадим, - деди Энрике таркиб эълон қилинганидан кейин ўтказилган матбуот анжуманида. “Эълон қилинишидан бир неча соат олдин менда ҳужум гуруҳи ўйинчилари ҳақида шубҳа бор эди, лекин мен бу масалани штаб билан ҳал қилдим. Рўйхатда бўлмаган футболчиларга баҳо бермайман. Мен шубҳа қилган исмларни номлаш мутлақо ахлоқий эмас. Журналистларнинг қизиқувчанлигини тушунаман, лекин бу нотўғри. Айтишим мумкинки, мен Фатига охиригача шубҳа қилганман. Унинг даражаси жуда юқори, лекин у жиддий жароҳат олганини унутманг. Сизга бир неча бор айтганимдек, мен ҳеч қачон клубларга қарамайман. Мен учун футболчиларнинг керакли талабларни бажара олиши муҳимроқ”, деди Энрике.
Испания терма жамоаси таркиби ҳақида баъзи фактлар
- 26 нафар футболчидан фақат олти нафари жаҳон чемпионатида иштирок этиш тажрибасига эга. Булар Карвахаль, Аспиликуэта, Альба, Бускетс, Коке ва Асенсио.
- Гави жаҳон чемпионатига чиққан энг ёш испаниялик футболчидир. У бу ҳақда 18 ёшу 98 кунлигида билиб олди. "Барселона"нинг иқтидори Фабрегаснинг 19 йил 41 кунлик рекордини янгилади.
- Бускетс ўзининг тўртинчи жаҳон чемпионатига йўл олади. Йерро, Зубизаррета, Касильяс, Хави, Иньеста ва Рамослар билан тенглашади.
- Таркибда "Реал Мадрид"нинг фақат иккита вакили бор (Карвахал ва Асенсио). Бу 1950 йилдан бери энг паст кўрсаткичдир.
Шу билан бирга, терма жамоада бирданига етти кишини “Барселона” футболчилари ташкил қилмоқда: Гарсия, Альба, Бускетс, Педри, Гави, Торрес ва Фати.
Нуфузли Маrcа нашри тезда терма жамоага кира олмаган футболчилар рўйхатини тузиб чиқди. Уларни "Испания Б" деб номлашди. Натижада шундай жамоа юзага келди: Кепа Арризабалага («Челси»), Эктор Бельерин («Барселона»), Серхио Рамос («ПСЖ»), Иниго Мартинес («Атлетик»), Марк Кукурелья («Челси»), Тиаго Алькантара («Ливерпуль»), Микель Мерино («Реал Сосьедад»), Фабиан Руис («ПСЖ»), Серхио Каналес («Бетис»), Жерар Морено («Вильярреал»), Иаго Аспас («Сельта»).
Испания оммавий ахборот воситалари бу таркибга қандай муносбат билдирди?
Марcа фойдаланувчилар орасида овоз беришни ташкил қилган. Улардан Қатарга бориши керак бўлган футболчилар рўйхатини танлаш сўралган. Де Хеа барча дарвозабонларнинг 20%, Кепа эса 26% овоз олган. Сайт ўқувчилари бу йигитларни жамоанинг иккинчи ва учинчи дарвозабонлари мақомида кўришди.
Марказий ҳимоячилар орасида эса Рамос 16% овоз олди. Ляпорт (24%), Пау Торрес (21%) ва Мартинесдан (18%) кейин тўртинчи натижадир. Таққослаш учун, Эрик Гарсия бор-йўғи 6 фоиз, Уго Гильямон эса 4 фоиз овоз тўплаган. Ярим ҳимоячилардан Педри (14%), Гави (13%) ва Родри (13%) энг кўп овоз тўплаган. Ҳужумчилардан - Мората (12%), Нико Уилямс (11%) ва Фати (11%).
Маrcа Рамоснинг таркибда йўқлигига шундай муносабат билдирган: "Серхионинг якуний рўйхатдан йўқолиши икки ярим йил давом этган жараённинг энг катта воқеаси бўлди". Серхионинг "ПСЖ"даги жамоадоши - Ашраф Ҳакими Испания терма жамоаси таркиби эълон қилингандан сўнг дарҳол ижтимоий тармоқларда Рамосни мақтаб "Дунёнинг энг яхши ҳимоячиси" деган ёзувли пост юклаган.
Рўйхат эълон қилинишидан аввал испан журналистларининг фикрлари иккига бўлинган эди. Баъзилар Рамосни жамоада бўлиши керак, чунки у катта тажрибага эга, деб таъкидлашди. Қолаверса, баъзи марказий ҳимоячиларнинг ўйини ишонч уйғотмайди. Бошқалар ҳозирги ҳимоя билан Испания жамоаси Евро-2020 ярим финалига чиқди ва (ва у ерда пенальтилар сериясида мағлуб бўлди) Рамос керак эмаслигини таъкидлашди.
“Рамос ЖЧ-2022 учун керакми? - деб сўради журналист Пабло Планас. “Жавоб жуда оддий. Испанияда энди Рамосга ўхшаган марказий ҳимоячи борми? Йўқ. Бу оддий далил Серхио яхши формада бўлса, Қатарга бориши кераклигини тушуниш учун етарли. Жамоага етакчилар, тажрибали футболчилар керак. Бу йигит жаҳон чемпионатида ғолиб чиқди, у ажойиб ҳужумчилар билан курашди. Рамосда характер ва жанговар фазилатлар бор - бу муҳим нарсалар. Серхио терма жамоанинг қолган марказий ҳимоячилари жамланганидан анча қимматроқ”.
Аммо журналист Жауме Мизеракснинг нуқтаи назари бошқача: “Рамос керак эмас. Унинг терма жамоадаги фаолияти 2021 йилнинг 31 мартида якунига етди ва у терма жамоадаги сўнгги (ҳозирча) ўйинини ўтказди. Ўшандан бери Испания ажойиб натижаларни кўрсатмоқда. Ҳа, Серхио Парижда мавсумни яхши ўтказмоқда. Ҳа, бу терма жамоа либосида 180 та ўйин ўтказган одам. Аммо унинг таркибга таклиф қилиниши терма жамоани янгилаш жараёнида орқага қадам бўларди”.
Mundo Deportivo нашри ҳам “Луис Энрике Серхио Рамосни жаҳон чемпионатига олиб чиқиши керакми?” деган сўровнома уюштиришди. Овоз берганларнинг 53 фоизи “йўқ”, 47 фоизи “ҳа” деб жавоб берган.
Сизнинг фикрингиз қандай Испания терма жамоаси устози тўғри қарор қилдими, ёки аксинча?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
