Аргентина миллий терма жамоаси пайшанба куни тонгида Қатар пойтахти Доҳага етиб келди. Жанубий америкалик футболчилар дастлаб, Қатар Миллий университетининг ётоқхонасига жойлашгани айтилади. Месси бошчилигидаги футболчиларга ҳеч қандай таълим керак эмас. Айниқса, ўтган йили Копа Америка ғолибига айланган терма жамоага. Ушбу қарорга келинишидан асосий мақсад, футболчилар ўзларини бироз эркинроқ ҳис қилишлари эди. Талабалар турар жойи анча кенг ва керакли жиҳозлар билан таъминланган.
Ушбу воқеага Аргентина ФА вакили изоҳ берар экан, жумладан, шундай дейди: "Биз айнан Университет биносини танлашимизнинг бир қанча сабаблари бор. Аввало, бу ерда ҳам бошқа жойлар каби барча шароитлар мавжуд. Қолаверса, футболчилар очиқ ҳаводан баҳра олиб, ўзи истаган иш билан машғул бўла олади. Биз бу ерда ўз миллий таомимиз бўлган асадо тайёрлаш учун ҳамма имкониятларга эгамиз. Бундай имконият футболчиларимиз учун муҳим. Чунки, бу (асадо тайёрлаш) маданиятимизнинг бир қисми ҳисобланади. Раҳбарият футболчиларни Қатарда бўлиб турган вақтида ўзларини уйидагидек ҳис қилишларини хоҳлайди. Миллий таомдан баҳраманд бўлиш эса, уларга ана шундай ҳиссиётни тақдим этади деб ўйлаймиз".
Асадо деб аталадиган жанубий америкаликлар таоми бутун дунёга барбекю номи билан машҳур. Аргентиналиклар гўштни яхшилаб пиширишади. Кейин унга кўп туз қўшиб, салат барглари ва вино билан танаввул қилишади. Ушбу ишлар махсус ошпаз томонидан бажарилиши белгиланган. Аммо Мессининг ўзи бу ишларда қатнашиб, ўз жамоадошларига асадо тайёрлаб берган.
Қатар университети аргентиналиклар учун энг замонавий жиҳозларга эга тренажор зали, олимпия ўйинларида фойдаланиладиган бассейн ҳажмига тенг бўлган чўмилиш ҳавзаси ва 10 минг кишилик сиғимга эга стадионда машқ қилиш имконини тақдим этади. 90 кишилик сиғим эга олийгоҳ ётоқхонаси Доҳа четида жойлашган ва мамлакатдаги энг нуфузли университет таркибига киради.
Аргентина терма жамоаси 2014 йилги мундиалда финалга қадар етиб борган эди. Улар бу сафар миссияни тўлиқ бажаришга ҳаракат қилиб кўришади. Аммо кўпчилик мутахассислар Месси жамоасини узоғи билан чорак финалга қадар бора олишади деб ҳисобламоқда. Эслатиб ўтамиз, Жаҳон чемпионатига 20 ноябрь куни, Тошкент вақти 21:00да, Қатар ва Экуадор ўйини старт беради.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
