Криштиану Роналду ва Лионель Месси XXI асрнинг катта қисмида футболда ҳукмронлик қилишди. Бу дует биргаликда жами 12 та "Олтин тўп" совринига эга ва кўпчилик уларни барча даврларнинг энг зўр икки футболчиси деб билади.
Месси ва Роналду ўртасидаги таққослаш ҳеч қачон тугамайди. Мунозара абадий давом этади. Аммо улардан қайси бири жаҳон чемпионатида ўзини яхшироқ кўрсатган? Келинг, ҳозир шу ҳақида қисқача тўхталиб ўтамиз.
10. Ўтказилган ўйинлар (Криштиану Роналду - 18, Лионель Месси - 21)
Бу кўрсаткичда Лионель Месси ғалаба қозонди. Месси Аргентина терма жамоасини ЖЧ-2014 финалига олиб чиқди. Роналдунинг жаҳон чемпионатидаги энг юқори натижаси 2006 йилда ярим финалга чиққанида қайд этилган.
9. Голлар (Криштиану Роналду - 8, Лионель Месси - 8)
Бу борада дуранг: иккала афсона ҳам жаҳон чемпионатларида саккизтадан гол урган. Бироқ, Роналду ҳам, Месси ҳам плей-оффда бирорта ҳам гол ура олмаган, ғаройиб!
8. Ассистентлик (Роналду - 2, Месси - 6)
Месси ҳар доим бу жуфтликда энг яхши плеймейкер бўлган. Шундай экан, у голли узатмаларда Роналдудан анча олдинда бўлиши ажабланарли ҳолат эмас. Месси олтита, Роналду эса атиги иккита голли узатмани амалга оширган.
7. Гол/ассистентлик учун ўртача дақиқа (Роналду 156,1, Лионел Месси 128,9)
Месси жаҳон чемпионатида 21 та ўйинда 14 та гол урган. Роналду 18 учрашувда 10 та гол урган. Месси бу кўрсаткични ютади, чунки у португалиялик ҳамкасбига қараганда дақиқалар ва голлар нисбати яхшироқ.
6. Хет-триклар (Роналду - 1, Месси - 0)
Роналду 2018 йилги Жаҳон чемпионатининг биринчи ўйинида Испанияга қарши ўйинда ажойиб хет-трик қайд этди. Ўйиннинг 88-дақиқасида Роналдунинг жарима зарбасидан киритган фантастик голини мухлислар ёдидан чиқармаган бўлса керак.
Месси фаолияти давомида ҳеч қачон жаҳон чемпионатларида хет-трик қайд этмаган.
5. Пенальтилардан гол (Роналду - 3, Месси - 1)
Криштиану Роналдунинг жаҳон чемпионатидаги саккизта голидан учтаси пенальтидан киритилган. Роналду тўртта пенальтидан учтасини голга айлантирди. Месси эса жаҳон чемпионатларида иккита пенальтидан биттасидан унумли фойдаланган.
4. Жарима зарбаларидан голлар (Роналду - 1, Месси - 1)
Роналду ҳам, Месси ҳам жарима зарбасидан унумли фойдала оладиган футболчилар ҳисобланади. Аммо иккала юлдуз ҳам ЖЧларда фақатгина бир маротабадан жарима зарбасини голга айлантирган.
3. Муваффақиятли дриблинглар (Роналду - 36, Месси - 114)
Роналду ФИФА Жаҳон Чемпионатларида 36 та муваффақиятли дриблингни амалга оширди. Бу жуда яхши статистика, аммо Мессининг статистикаси бу борада Роналдуникидан анча юқори бўлиб чиқди.
Етти карра "Олтин тўп" соҳиби дунёдаги энг яхши дриблингчилардан биридир. У жаҳон чемпионатида 114 та муваффақиятли дриблингни амалга оширди.
2. Калит паслар (Роналду - 22, Месси - 58)
Месси ўйинни ташкил эта олиши туфайли голли вазиятлар яратишда кўпчилик рақибларидан устун туради. Мессида 58 та, Роналдуда эса 22 та калит узатма бор.
1. Учрашувнинг энг яхши футболчиси соврини (Роналду 7, Месси 7)
Месси жаҳон чемпионатида ўйнаган 21 ўйиннинг 7 тасида энг яхши футболчи бўлган. Роналду ҳудди шунча мукофот олиш учун Мессидан 3 та ўйин кам ўтказган.
Демак, якуний ҳисоб - 5:2. Месси Жаҳон чемпионатларида Роналдудан кўра айрим жабҳаларда яхшироқ ўйин кўрсатганини исботлайди. Бу шунчаки статистика эканлигини ёдингиздан чиқарманг!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
