Жаҳон чемпионати футболчиларга ҳар доим янги имкониятлар тақдим этган. У ерда ўзини кўрсата олган ўйинчилар, кейинчалик катта клубларга ўтиши аён бўлади. Қуйида "МЮ", "Арсенал" ва "Ливерпул"нинг трансфер нишонларидан тузилган рамзий терма жамоа ҳақида гаплашамиз.
Диогу Кошта – Португалия
"Порту" дарвозабони айни дамда Жаҳон чемпионатида иштирок этмоқда. Унинг нархи 65 миллион фунт атрофида баҳоланган. Кошта учун "МЮ" катта қизиқиш билан қарамоқда. 23 ёшли футболчи яқиндагина "Порту" билан янги битим имзолаган эди.
Тео Эрнандес – Франция
"Милан" ва Франция терма жамоаси ҳимоячисининг кўрсатаётган ўйини кўплаб клубларнинг қизиқишини уйғотмоқда. Эрнандес ҳозирга қадар миллий жамоада 9 та ўйинда майдонга тушишга улгурган. У учун "МЮ" ва "Реал" даъвогар саналади.
Эдсон Альварес – Мексика
Мексикалик юлдуз бу мавсумда асосан таянч нуқтасида ҳаракат қилди. Аммо Альварес бемалол марказий ҳимоячи вазифасини ҳам бажара олади. Унинг "Аякс"даги ўйинлари "Челси" ва "Ливерпул"нинг назарига тушган. Эдсон Жаҳон чемпионатидаги Аргентинага қарши баҳсда захирада қолдирилган эди.
Йошко Гвардиол – Хорватия
"Лейпциг" ҳимоячиси ўзининг ишончи ҳаракатлари билан "Челси" ва "Арсенал"нинг қизиқишини уйғота олганди. Гвардиолга "Тоттенхэм" ҳам қизиқиш билдирган. У Хорватия билан Марокаш ва Канадага қарши баҳсларда асосий таркибда ҳаракат қилди.
Дензел Дюмфрис – Нидерландия
Дюмфрис Қатарда кўплаб скаутлар томонидан кузатилаётгани айтилади. Унга "МЮ", "Челси" ва "Тоттенхэм" қизиқиш билдирган эди. Ҳозирча унинг жамоаси плей-оффга йўл олди.
Софьян Амрабат – Марокаш
"Ливерпул"га ярим ҳимоячи керак бўлиб турибди. Амрабат эса Марокаш билан ёрқин ўйинлар билан 1/8 финалга йўл олди. Бу нарса мерсисайдликларга катта умид бермоқда. "Фиорентина" қишда уни АПЛга юбориши мумкин.
Милинкович-Савич – Сербия
Сербиялик ярим ҳимоячи "МЮ"нинг кўпйиллик мақсади саналади. Унинг "Лацио" билан тузган шартномаси 2024 йилда тугайди. 27 ёшли ярим ҳимоячи мундиалда Камерун дарвозасига тўп киритган.
Муҳаммад Кудус – Гана
Ҳужумкор ярим ҳимоячи ганаликлар сафида катта ҳажмдаги ишларни бажарди. "Аякс" юлдузи айни дамда "Ливерпуль" "Реал", "Арсенал" ва "Атлетико"нинг радарида турибди.
Коди Гакпо – Нидерландия
"ПСВ" ҳужумчисига ёзда "МЮ", "Лидс" ва "Саутгемптон" томонидан қизиқиш билдирилганди. Гакпо буни бекорга эмаслигини Қатардаги мундиалда исботламоқда. У гуруҳ баҳсларининг ҳар уччаласида гол уришга эришди.
Ноа Окафор – Швейцария
Окафор Жаҳон чемпионатида унчалик ҳам кўзга ташланмади. Унга ҳозирга қадар 13 дақиқагина ўйин вақти тақдим этилди. Аммо Окафор "Зальцбург" сафидаги ҳаракатлари билан аллақачон "Ливерпуль" ва "Челси"нинг радарига тушган. 22 ёшли швейтсариялик 30 миллион атрофида баҳоланмоқда.
Жоао Фелиш – Португалия
Фелиш Қатардаги Жаҳон чемпионатидан максимум фойдаланишга ҳаракат қилиши керак. Чунки у "Атлетико"да асосий таркибдан четда қолган. Аммо португалиялик ҳужумчи ёзда "МЮ" томонидан 100 миллион фунтга баҳоланганди. Кўрамиз, унинг қишдаги тақдири қандай кечаркин...
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
