Jahon chempionati futbolchilarga har doim yangi imkoniyatlar taqdim etgan. U yerda o‘zini ko‘rsata olgan o‘yinchilar, keyinchalik katta klublarga o‘tishi ayon bo‘ladi. Quyida "MYU", "Arsenal" va "Liverpul"ning transfer nishonlaridan tuzilgan ramziy terma jamoa haqida gaplashamiz.
Diogu Koshta – Portugaliya
"Portu" darvozaboni ayni damda Jahon chempionatida ishtirok etmoqda. Uning narxi 65 million funt atrofida baholangan. Koshta uchun "MYU" katta qiziqish bilan qaramoqda. 23 yoshli futbolchi yaqindagina "Portu" bilan yangi bitim imzolagan edi.
Teo Ernandes – Fransiya
"Milan" va Fransiya terma jamoasi himoyachisining ko‘rsatayotgan o‘yini ko‘plab klublarning qiziqishini uyg‘otmoqda. Ernandes hozirga qadar milliy jamoada 9 ta o‘yinda maydonga tushishga ulgurgan. U uchun "MYU" va "Real" da’vogar sanaladi.
Edson Alvares – Meksika
Meksikalik yulduz bu mavsumda asosan tayanch nuqtasida harakat qildi. Ammo Alvares bemalol markaziy himoyachi vazifasini ham bajara oladi. Uning "Ayaks"dagi o‘yinlari "Chelsi" va "Liverpul"ning nazariga tushgan. Edson Jahon chempionatidagi Argentinaga qarshi bahsda zaxirada qoldirilgan edi.
Yoshko Gvardiol – Xorvatiya
"Leypsig" himoyachisi o‘zining ishonchi harakatlari bilan "Chelsi" va "Arsenal"ning qiziqishini uyg‘ota olgandi. Gvardiolga "Tottenxem" ham qiziqish bildirgan. U Xorvatiya bilan Marokash va Kanadaga qarshi bahslarda asosiy tarkibda harakat qildi.
Denzel Dyumfris – Niderlandiya
Dyumfris Qatarda ko‘plab skautlar tomonidan kuzatilayotgani aytiladi. Unga "MYU", "Chelsi" va "Tottenxem" qiziqish bildirgan edi. Hozircha uning jamoasi pley-offga yo‘l oldi.
Sofyan Amrabat – Marokash
"Liverpul"ga yarim himoyachi kerak bo‘lib turibdi. Amrabat esa Marokash bilan yorqin o‘yinlar bilan 1/8 finalga yo‘l oldi. Bu narsa mersisaydliklarga katta umid bermoqda. "Fiorentina" qishda uni APLga yuborishi mumkin.
Milinkovich-Savich – Serbiya
Serbiyalik yarim himoyachi "MYU"ning ko‘pyillik maqsadi sanaladi. Uning "Lasio" bilan tuzgan shartnomasi 2024 yilda tugaydi. 27 yoshli yarim himoyachi mundialda Kamerun darvozasiga to‘p kiritgan.
Muhammad Kudus – Gana
Hujumkor yarim himoyachi ganaliklar safida katta hajmdagi ishlarni bajardi. "Ayaks" yulduzi ayni damda "Liverpul" "Real", "Arsenal" va "Atletiko"ning radarida turibdi.
Kodi Gakpo – Niderlandiya
"PSV" hujumchisiga yozda "MYU", "Lids" va "Sautgempton" tomonidan qiziqish bildirilgandi. Gakpo buni bekorga emasligini Qatardagi mundialda isbotlamoqda. U guruh bahslarining har uchchalasida gol urishga erishdi.
Noa Okafor – Shveysariya
Okafor Jahon chempionatida unchalik ham ko‘zga tashlanmadi. Unga hozirga qadar 13 daqiqagina o‘yin vaqti taqdim etildi. Ammo Okafor "Zalsburg" safidagi harakatlari bilan allaqachon "Liverpul" va "Chelsi"ning radariga tushgan. 22 yoshli shveytsariyalik 30 million atrofida baholanmoqda.
Joao Felish – Portugaliya
Felish Qatardagi Jahon chempionatidan maksimum foydalanishga harakat qilishi kerak. Chunki u "Atletiko"da asosiy tarkibdan chetda qolgan. Ammo portugaliyalik hujumchi yozda "MYU" tomonidan 100 million funtga baholangandi. Ko‘ramiz, uning qishdagi taqdiri qanday kecharkin...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
