Лео Месси армияси чемпионлик учун курашмоқда. Афсона ортида нафақат 25 нафар футболчидан иборат жамоа турибди. Балки ундан ҳам кўп бўлиши табиий. Аммо ушбу жамоада камчиликлар ҳам етарли даражада. Келинг, Аргентинанинг бу сафарги жаҳон чемпионатида кузатилаётган устунликлари ва камчиликларини кўриб чиқмиз.
Лионель Месси +
Сардор. Етакчи. Миллатнинг умиди. Месси ўзининг сўнгги жаҳон чемпионатини ўтказади. Ва бу тарих. Лео мундиалнинг зарварақларига ҳам кириш учун интилади.
Мессига қарамлик -
Месси эффектининг тескари томони ҳам бор. Аргентина ўйини, албатта, Мессига қурилган. Агар унинг ўйини чиқмаса, бу муаммо. Гарчи Польша билан ўйинда Аргентинанинг голларида Месси иштирок этмаган бўлса-да.
Бутун композиция Лео учун +
Аргентина руҳий жиҳатдан ниҳоятда кучли жамоага эга. Афтидан, бутун жамоа Мессига жаҳон чемпионатини ютиб бериш истагида бирлашгандек. Мексика ва Польша билан ўйинларда айнан шу ҳолат кўзимизга "ялт" этиб кўринди.
Физик кучдаги муаммолар -
Агар Аргентина кучли босим остида қолса ўз ўйинини йўқотиб қўяса керак. Ҳозирча Аргентина унақа босимга дуч келгани йўқ.
Лионел Скалони баланси +
Мағлубиятсиз 36 ўйин - Аргентина саудияликларга мағлуб бўлишига қадар шундай натижа кўрсатаётган эди. Бундай кучли серия малакали Скалони тизимининг натижасидир. Мураббий юлдузлар ва оддийроқ футболчиларни чамбарчаст "боғлаб ташлаган".
Ҳужумдаги хилма-хилликнинг камлиги -
Гап Месси ҳақида эмас, бошқа муаммолар ҳам бор. Ҳозирча, Леонинг чап томонида ёш Алварес, ўнг томонида қария Ди Мария асосий таркиб футболчисидек кўринмоқда. Аммо заҳира ўриндиғида ҳам деярли бир ҳил услубдаги футболчилар бор. Коррея, Дибала ва Папу Гомес улардан бирортаси Месси билан бир вақтнинг ўзида майдонда пайдо бўлиши қийин. Агар шундай бўлиб қолса, жамоа ҳимояланишида муаммолар кўзга ташланади. Лаутаро эса Алварес билан алмаштирув варианти. Аммо улар ҳам бир-хил услубдаги футболчилар. Улар бир бирини алмаштириши ҳужумдаги рангбарангликка таъсир ўтказмайди.
Вундеркиндлар +
Қатарда 23 ёшли Мак Аллистер, 22 ёшли Алварес ва 21 ёшли Фернандес аллақачон гол уриб улгуришди. 24 ёшли Молина ўнг қанотда, 24 ёшли Лисандро Мартинес ҳимоя марказида майдонга тушишга тайёр.
мудофаа маркази -
Николас Отаменди аллақачон 34 ёшда, лекин у ишончни оқламоқда. Мартинес - Ромеро жуфтлиги, айниқса, ҳужум яратиш учун янада фойдалироқ кўринади. Аммо Скалони фахрийни захирага олишга журъат этадими?
Лаутаро Мартинеснинг ҳолати -
Бу мундиалда кутилганидан кўра ёмонроқ ўйнаётган юлдузлар қаторида Лаутаро ҳам бор. Унинг ҳолати Аргентина учун муҳим. Чунки у мундиал олдидан "ёввойи ҳужумчи"дек таасурот қолдирган эди.
Аргентиналик мухлислар +
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
